من اسباب رفض ترخيص العربية

[mahranahm]

واحد ربنا يسامحة خبطلى العربية وهى واقفة تحت البيت (( يلا ربنا يسامحة ))
طبعا الخبطة باينة

قالولى او فى ناس قالتلى ان المهندس اهم حاجة عندة انها العادم يكون مغيهوش حاجة ومش حيركز على موضوع الخبطة دة
انا اظن الكلام ده مش مظبوط
طبعا انا اول مرة حروح المرور عشان اجدد الرخصة .
عايز اعرف ايه الحاجة الممكن تخلى العربية تترفض فى الفحص .
وايه العليا بالظبط اعمله قبل ماروح المرور
من (( انوار , فوانيس , ماتور )) كل حاجة وموضوع الطفايه كمان انا نسيت .

ياريت الاخوة الافاضل ميبخلوش عليا فى الموضوع ده .
اخوكم مذنوق وكلنا حننزنق الزنقة السودة دى .
ومش عايز الجىء للقرف بتاع الرشاوى والكلام الفارغ ده (( خلاص الثورة المفروض ظبطط الكلام ده ))

[amirbakr]

لازم يكون معاك الطفاية و المثلت و شنطة الاسعافات الاولية
العربية ميكونش ملزوق عليها أى أستيكر أو الزجاج فامية
الخبطة الموجودة لو بالخلف و صغيرة مش مهم عادى بس لو كبيرة هيقولك روح أعدلها و تعالي
و أهم حاجة أة العربية متكونش بتدخن
و أطمن المعاملة فالمرور دلوقتى أحسن من الاول بكتير و مفيش موضوع الرشوة و الكلام دا خلاص عاوزين نحافظ علي ثورتنا

[akerima]

اسباب رفض السيارة في الفحص اما العادم او وجود عيب في الفوانيس او الاشارات وتركيب فامية او اي ملصقات علي الزجاج وجود خبطات وبرومة في معظم اجزاء السيارة - اما لو كانت الخبطة بسيطة وغير مؤثره علي سلامة السائق فدي بتعدي - ارجوا ان اكون افدتك ويا ريت تشرح الخبطة شكلها اية بالظبط عشان نقدر نفيدك اكتر

[mahranahm]

المشاركة الأصلية كتبت بواسطة amirbakr لازم يكون معاك الطفاية و المثلت و شنطة الاسعافات الاولية العربية ميكونش ملزوق عليها أى أستيكر أو الزجاج فامية الخبطة الموجودة لو بالخلف و صغيرة مش مهم عادى بس لو كبيرة هيقولك روح أعدلها و تعالي و أهم حاجة أة العربية متكونش بتدخن و أطمن المعاملة فالمرور دلوقتى أحسن من الاول بكتير و مفيش موضوع الرشوة و الكلام دا خلاص عاوزين نحافظ علي ثورتنا

جزاك الله
هو فيه ايتفسار انا العربية كان فيها فتحة سقف وكنت قافلها باليليكون او صاحبها القديم هو الكان عامل كدة وعشان الشكل العام كان مغكيها بأستيكر اسود (( مش عارف لو شافها المهندس أيه حيكون ايه .
اما بالنسبة للخبطة فدة فى جنب العربية يقدر تقول واخد الباب الخلف السواق .
شكرا تانى مرة على الاهتمام

المشاركة الأصلية كتبت بواسطة akerima اسباب رفض السيارة في الفحص اما العادم او وجود عيب في الفوانيس او الاشارات وتركيب فامية او اي ملصقات علي الزجاج وجود خبطات وبرومة في معظم اجزاء السيارة - اما لو كانت الخبطة بسيطة وغير مؤثره علي سلامة السائق فدي بتعدي - ارجوا ان اكون افدتك ويا ريت تشرح الخبطة شكلها اية بالظبط عشان نقدر نفيدك اكتر

هى بالنسبة للفوانبي فيها فنوس مخروم فى الباغة بس لكن الاشارات شغاله تمام ومفيش اى ملصقات على الزجاج لكن فيه ملصقات على الصاج ياترى ده يماثل الفامية او اى استكر على الزجاج ولا ده ملوش دعوة ما دام بعيد عن الزجاج
وشكرا للاهتمام

[AMMI]

اولا موضوع الرشوه ده تشيله من دماغك لان المفروض بعد الثوره منشجعهمش تانى على موضوع الرشوه. والفتره ديه هما مش بياخدوا رشوه لانها فترة جس نبض يعنى لو لقوا الناس كلها بتدفع رشوه هياخدوا انما لو الناس من نفسها مش بتشجعهم على كده يبقى كويس طبعا.

الشىء الاخر دلوقتى المرور مش بيدقق اوى يعنى اهم حاجه تعدى من اختبار البيئه وانت وحظك فى الخبطه ممكن يقولك عدلها او لاء. ولو عاوز تخليك فى المضمون ردها عالبارد.