هل فعلا النيسان صنى حوت بنزين

[bassol200]

هتجري .. استهلاكها هيكون اعلي بكتير من معظم العربيات ال 1600 .. هتمشي معقول 100 او 120 استهلاكها مثالي .. و مش هقول احسن من الكوري لان الكوري ممتاز فى النقطه دى بس راعي ان الصني عربيه وزنها معدى الطن !!! مش خفيفه و ده قصدي .. بس موتورها ذكي جداً و خاصية ال N-VCT دى كويسه بتوفر البنزين طالما انت مش طالب من العربيه عزم عالي .. المحصله ان استهلاكها اعلي من مثيلتها ال 1600 .. بس موتورها قوي و اقوي من مثيلتها ال 1600

[sameh3]

انا معايا صنى 2010 ممتازه وموفره فى البنزين على الطريق السريع تعمل 300 كم بالتكييف وجوه البلد تعمل 200 من غير تكييف وبشغلها ببنزين 90 والرك على اللى سايق رجله تقيله ولا لا على البنزين بس العربيعه ممتازه وماتسمعش كلام حد يقولك وحشه

[sameh3]

يا جماعه العربيه دى جامده جدا انا اشتريت صنى 2010 ممتازه بجد ولو عايزين تعرفوها اسالوا ناس مجربينها ومعاهم ماتسمعوش الكلام اللى فى السوق العربيه جميله قوى من جوه واقتصاديه فى البنزين يعنى انا بستخدم بنزين 90 بتعمل على الطريق السريع 300 كم بالتكييف وجوه البلد 200 كم بدون تكييف والتكييف تلاجه والعربيه انا بمشى بيها وسط البلد فى الصيف مروحة الراديتر دى ما بتدورش لانها مصمه للمناطق الحارهsunny وسعرها فى كل الاحوال يعتبر ممتاز لانها يبانى وكمان فيها اير باج مواصفات اوربيه وفيها دروع صلب وabs وكاسيت سى دى كين وود تحفه مع 4 سماعات حتى الكاويتشات بريدجستون يبانى كل ده ب88000 سعر جميل مقارنة بالسيارات الكورى واللى مافيهاش الكاميليات دى وبجد العربيه الشركه مهتمه بيها قوى حتى فى التقفيل بجد ممتازه وربنا يوفقكم ...

[yahyaabdelmoez]

انا باستعجب من اللي بيقول ان الصني حوت بنزين
فقد حاولت أن اتاكد من مدي صدق هذه المقولة
لكن للحق اكتشفت انها سيارة رائعة واستهلاكها بالنسبة لي رائع
إذ وجدت أن معدل إستهلاكها للبنزين علي مدار 4 تفويلات للتنك أنها تسير بين 276 كيلو - 281 كيلو في الصفيحة
وهو معدل أراه ممتاز مع سيارة ثقيلة وكبيرة وذات موتور قوي مثل الصني .. وإن كنت لا أسير بها كثيرا وسط البلد سوى مرة واحدة كل أسبوع ، لكن معظم طريقي باستخدم المحور أو الدائري أي طرق سريعة ، وإن كنت لا أسير بسرعة ، فدائما سرعتي لا تتعدي 90 كيلو متر .
عموما أنا أذكر هنا شهادة حق في صالح النسيان المفترى عليها
أدعو الله أن يبارك فيها ويحفظها من عين الحاسدين .. اللهم آآآآآآآمين

[مهند سالم]

عموما يا جماعة الصني عربية جميلة جدا، واستهلاكها للبنزين عادي، إن ما كانش جيد جدا. ودائما عشان تجيب أحسن استهلاك لعربيتك امشي على أول الغيار، وبالذات لو مشيت على أول الغيار الأخير، يعني دائما ما تحرقش الغيار وما تمشيش على آخره، يعني أحسن استهلاك بيبقى في حدود سرعة 100- 110 كيلو على الغيار الأخير. وشكرا للأستاذ خالد خليفة على الشرح الوافي.