شد 128 سمكرة ودوكو وسروجي بالاسعار

[سيف الدين سعيد]

المشاركة الأصلية كتبت بواسطة wesby التظبيط دا كلو تمام ربنا يوفقك بس سعرها كتير بصراحه اتغلبت فيه كان تمامها 9000 بس مش مشكله اهم حاجه ترتاح للعربيه وكنت عايز استغلك واسالك الكساحات والعتب كلفوك كام وابقى ورينا الصور باذن الله

ما ينفعش عربيه مو 87 وتكون بـ 9000 أبدا . هى سعرها كده معقول جدا . وربنا يباركله فيها

[مكس الاسكندرية]

المشاركة الأصلية كتبت بواسطة سيف الدين سعيد أكيد يسعدنى وممكن نتقابل فى اسكندريه قريبا . انا بانزل اسكندريه كتير وباكون بين سيدى بشر والعجمى . اتمنى أشوفك قريبا ان شاء الله .

انت تشرفني يا باشا
ان ما شليتك الارض نشيلك فوق راسنا
وانا برضوا دايما بين القاهرة واسكندرية علشان ظروف شغلى
واتشرف اكيد بمقابلتك
تقبل خالص تحيتي

[مكس الاسكندرية]

المشاركة الأصلية كتبت بواسطة santaclose رينا يعينك يا معلم دي وقفت الصنايعيه تشل..لكن من الواضح ان ربنا انعم عليك بنعمتي الرضا و السكينه فبارك الله لك و متنساش الكاوتش و البطاريه. و بعد ما تستلم السياره من الدوكو لا تنس ان لك لمعه اخري للسياره و حاول ان تشتري انت البويه لان الصنايعيه للاسف يموتون كمدا ان لم يقرطسوا الزبون.

ربنا يكرمك على دعواتك ونصايحك الجميلة
اشكرك على مرورك الرائع
والحمد لله الكاوتش بحالة جيدة وكمان البطارية
وفعلا الصنايعية متعبين جدا
تقبل خالص تحيتي وتقديري

[مكس الاسكندرية]

المشاركة الأصلية كتبت بواسطة wesby التظبيط دا كلو تمام ربنا يوفقك بس سعرها كتير بصراحه اتغلبت فيه كان تمامها 9000 بس مش مشكله اهم حاجه ترتاح للعربيه وكنت عايز استغلك واسالك الكساحات والعتب كلفوك كام وابقى ورينا الصور باذن الله

صباح الورد
شكرا ليك على مرورك ومشاركتك الرائعه
والعتب والكساحات وطقم دواير الرفارف انا لسه مشرتهمش بس دواير الرفارف 50 جنيه والكساحة 55 اما العتب لسه مش عارف اما اشتريه في الفنش هقولك
وبخصوص سعر العربية لو عندك عربيات موديل 87 بـ 9000 جنيه ياريت تقولي على مكانك وانا اجيلك اخدها بس بشرط متكونش مغيرة نص او ربع ولا مغيرة قوايم يعني تكون فبريكة جوا ومش مهم تكون رشه جوا بويه بس متلعبش في الاساسيات بتاعتها من جوا
تقبل تحيتي

[مكس الاسكندرية]

المشاركة الأصلية كتبت بواسطة سيف الدين سعيد ما ينفعش عربيه مو 87 وتكون بـ 9000 أبدا . هى سعرها كده معقول جدا . وربنا يباركله فيها

صباح السكر ياباشا

السعر بتاع العربية انا متأكد انه تمام
وهو برضو ممكن يكون شاف عربيات سعرها اقل لكن ميعرفش اذا كانت ملعوب فيها جوا ولا لاء في حاجات كتير بتحدد سعر العربية مش موديلها بس

تقبل خالص تقديري واحترامي