للدرجة ده التقفيل المصري

[azzat 55]

حسبى الله ونعم الوكيل فيمن يستغل ظروف الناس ولا يتقى الله فى عمله

[AbOnOrA]

شركة الامل ديه لعنة طول عمرها وفاضيحها فى تقفيل الادا لازم تتنقل للبى واى دى

بس للامانة ده حال التقفيل المصرى عموماً فعلاً ولو عايز تشوف المصايب اللى بجد شوف البى ام اللى بتتقفل هنا فى مصر مشاكل فى القزاز والاكسسوارات برضو تخيل انزل كل شوية اخبط على الفانوس علشان اللمبة تنور او القزاز يتشرخ من اقل حصواية تيجى فيه وهكذا لازم البركة تحل فى اى عربيه تتحط فيها ايدين الباشمهندزين بتوعنا

[Hisham.Elgazzar]

المشاركة الأصلية كتبت بواسطة AbOnOrA شركة الامل ديه لعنة طول عمرها وفاضيحها فى تقفيل الادا لازم تتنقل للبى واى دى

المشاركة الأصلية كتبت بواسطة AbOnOrA بس للامانة ده حال التقفيل المصرى عموماً فعلاً ولو عايز تشوف المصايب اللى بجد شوف البى ام اللى بتتقفل هنا فى مصر مشاكل فى القزاز والاكسسوارات برضو تخيل انزل كل شوية اخبط على الفانوس علشان اللمبة تنور او القزاز يتشرخ من اقل حصواية تيجى فيه وهكذا لازم البركة تحل فى اى عربيه تتحط فيها ايدين الباشمهندزين بتوعنا

نفس الحال مع عمى إشترى إلنترا 2012
اول القصيدة عيب فى علبة الدركسيون مما يستلزم تغييرها

راح على التوكيل بما ان العربية ماعملتش 15000

قالوله مش موجودة !!!!!!!!!

فضل متابع معاهم إلى الآن ولمدة اكثر من 3 شهور !!!!!!!!


النهردة بيكلمنى وبيقوللى لما بيجيب الفتيس على وضعية الـD

اول ماتوصل على الـN العربية تنط من مكانها وماتمشيش !!!!!!


راح للتوكيل وكشفوا عليها ، وعملوا ريستارت وكونفيجريشن للفتيس من جديد !!!!

ولسه برضو نفس العيب


رجع تانى قالوله انه فيه حساس لعصاية الفتيس والحساسا ده بيبوظ على طول فى الإلنترا


وطبعا الكلام اللى مابيحلش ولا يربط مفيش فى المخازن !!!!!


طبعا هو هيتجنن لأن العربية لسه متهناش بيها وعيب زى ده يخليها ترقد فى الأرض ولا حول ولا قوة ال بالله


هل من مجيب على الموضوع ده



ولا نخاطب الشركة الام ؟؟!!!!!



انا لسه قافل معاه من شوية قاللى انه بكرة هيروح ويعمل إعتصام عند التوكيل لحد مايغيروله علبة الدركسيون وعصاية الفتيس



ده يرضى مين بقى الكلام ده ؟؟؟



أريد حلا

[AbOnOrA]

ده عيب صناعة واضح المفروض تشوف التوكيل فيه نيه واضحة لحل المشكلة ولا ناوي يماطل لان فى الحالة ديه حضرتك تروح تعمل شكوى فى حماية المستهلك ومحضر شرطة وبناء عليه هتعمل معاينة من لجنة هندسية لاقرار عيب الصناعة وبعدها هيحاول جهاز حماية المستهلك حل المشكلة ودياً برضو مع الوكيل وان لم يستجب هيوقع عليه جزاء
بس قبل الاجراءات جرب السياسة

[Hisham.Elgazzar]

المشاركة الأصلية كتبت بواسطة AbOnOrA ده عيب صناعة واضح المفروض تشوف التوكيل فيه نيه واضحة لحل المشكلة ولا ناوي يماطل لان فى الحالة ديه حضرتك تروح تعمل شكوى فى حماية المستهلك ومحضر شرطة وبناء عليه هتعمل معاينة من لجنة هندسية لاقرار عيب الصناعة وبعدها هيحاول جهاز حماية المستهلك حل المشكلة ودياً برضو مع الوكيل وان لم يستجب هيوقع عليه جزاء بس قبل الاجراءات جرب السياسة

سبحان الله كأنهم قرءوا الموضوع من على الموقع يا أستاذ وائل

النهردة نزل على التوكيل قابلوه من عند البوابة بكل الترحيب
وفكو حساس عصاية الفتيس من فتيس جديد عندهم

إنما لسه مشكله علبة الدركسيون بس إن شاء الله هتتحل