ABS الفرامل

[yahyaabdelmoez]

انا يا جماعة اتصلت بالمصنع اليوم وعرفت ان الصني الاوتوماتيك المزودة بفرامل إيه بي إس ليس بها باقي مجموعة الفرامل اللي هي موجودة في السوبر صالون اللي هي
فرامل ABS+EBD+BA
يا تري فيه حد يقدر يعرفنا الفرق بين كل نوع من انواع الفرامل دي وهل وجود الإيه بي اس بدون إي بي دي وبي إيه بيؤدي الغرض ولا بتكون كفائته أقل
انا استلامي للسيارة اللي حجزها من 3 أسابيع متوقف علي قرار بالاستلام للسيارة بدون ال إيه بي اس لانه لا توجد سيارات بهذا الاوبشن الان في المصنع وهذا هوسبب تأخرهم في تسليمي سيارتي وبيخيروني اما انتظر او استلم بدون ال ايه بي اس وطبعا السعر ارخص بحوالي 3 الاف جنيه وانا محتار وخايف اجيبها بدون هذا الاوبشن اندم بعد كدة وكنت قرأت ان فيه ناس بتقول ان الإيه بي اس لوحده مالوش لزوم بدون باقي مجموعة الفرامل اللي انا كتبتها لكم ..ياريت حد يرد ويفهمنا أرجوكم بسرعة لأن لازم اتصل بهم بكرة أو بعده بالكتير واقول لهم قراري

[حسام البورسعيدى]

الصبر طيب يا باشا ..

الـ ABS مش بس مهم على الطرق السريعة والسفر ده برضه مهم جوة البلد فى المطر مثلا او فى طريق فيه رمل .. وعامه بيزود كفائة ضغطة الفرامل وبيقلل زمن الوقوف .. يعنى اوبشن جميل ويستاهل الانتظار ...

وللاسف العربية اللى مفيهاش ABS مينفعش يركبلها ABS او صعب جدا جدا ..

نظام EBD ده نظام بيوزع قوة الفرامل على العجلات الاربعة .. يعنى كل عجلة بتفرمل بقوة مختلفة عن التانية .. وده علشان لو عجلة مثلا ماشية على رمل والتانية على اسفلت ميخليش العجلة اللى على رمل تتزحلق ..

انا من رأيى انك تستنى العربية المزودة ب ABS وانا عارف ان الانتظتر صعب لكن يستاهل ..

[yahyaabdelmoez]

جزاك الله كل خير يا يأخي
حقيقي ردك ده ريحني الي حدما
وممكن يخليني اخد قرار بالانتظار لحد ما تتوافر سيارة بها إيه بي إس
والله انا كنت حاجازف واوافق على استلام السيارة بعد غد بدون هذا الاوبشن
لكن طالما انها مهم كعامل امان فالافضل انتظر اذا كان ده رأيكم
لاني باثق في خبرة أعضاء المنتدي الاعزاء
والف شكر لك مرة تانية يا استاذ حسام

[yahyaabdelmoez]

أخيرا .. الحمد لله ، بناء علي نصائحكم الغالية قررت التمسك بشراء سيارتي النيسان صني الاوتوماتيك فول اوبشن بشرط أن تكون مزودة ب فرامل إيه بي إس بعدما اقتنعت بأراء الأخوة الأعزاء أعضاء المنتدي الذين أفادوني بمعلوماتهم التي دعمت قراري في ضرورة أن يكون في السيارة هذا الأوبشن المهم من أجل مزيد من الأمان في هذه السيارة الرائعة ......
عموما أنا خلاص اشتريتها ودفعت كامل المبلغ وأخذت أوراق ومستندات الشراء وسأتسلمها بعد غد لترخيصها في المرور ..وهذا التأخير من جانبي أنا لأنني مشغول في عملي غدا طوال اليوم وليس لدي أي وقت ..كما أنني لم أعد قلقا فقد حصلت علي ما أريد من كافة الكماليات في سيارتي .. وللعلم أني اقتنعت تماما أن الصني سيارة أكثر من رائعة وأحمد الله الذي وفقني لشرائها بالشكل والمواصفات التي أرضي عنها ..وللعلم فقد اشتريتها من أوتوإيجبت في المهندسين من شارع سوريا ،وأقسم بالله العظيم أن الأخوة الأفاضل العاملين في المبيعات هناك في منتهي الاحترام والذوق خاصة الأخ محمود الرشيدي ، الذي كان يبذل قصارى جهده لإرضائي وكأني العميل الوحيد لديهم .. والجميل أن رأيته هو وزميله كريم عماد يتعاملون بنفس تلك المعاملة مع كل العملاء الذين تصادف وجودهم خلال فترة وجودي لديهم ..وللحق فقد شعرت وأنا هناك بالراحة النفسية للمكان الذي يحرص علي سمعة نيسان .. الحمد لله ..الحمد لله .. الحمد لله .

[mimohamo]

اخى الفاضل هل استلمتها بABS وهذا يعنى ان ABS بالفعل وصلت من اليابان والف الف مبروك وربنا يعطيك خيرها ويكفيك شرها انا ايضا لى نفس ظروفك وحاجز عند اوتو اجيبت ولم استلمها لنفس السبب ارجو الرد شكرا جزيلا