نصيحه لأى حد بيشترى موبينا أبيزا 1994أو بولو

[محمد ابيزا وبس]

السلام عليكم الموضوع ده تجربه شخصيه يا جماعه** كنت محتاج موبينا المهم لقيت ماركه أسمها (BRUCK) ومكتوب عليها صنع فى المانيا ركبتها وشغلت العربيه بعد اسبوع واحد لقيتها بتسخن وبتبطل العربيه لحد ما عملتلى قفله فى الاسبراتير واكتشفت بعد كده ان فى منتجات كتير صينى مكتوب عليها المانيا المهم اللى عايز يجيب موبينا فى المانى اسمها **(BERU)** فى علبه زرقاء ب 350 او 380 تقريبا ودى اللى انا مركبها وبقالها 4 شهور الحمد لله مفيهاش مشاكل وفى طبعا (HELLA) ودى فى علبه صفرا وبتعمل من 450 حتى 500 ومفيش فرق كبير فى الاداء بس ال(HELLA) نفس شكل الموبينا الأصليه اما ال (BERU) ا صغر شويه لكن نفس المداخل وده طبع ا للى عنده ******موبينا 6 طرف****** يارب يكون موضوع مفيد شكراا .......

[abokoko]

احيانا بيتكتب صناعة المانى واحيانا بتكتب المانيا وبس
والاخيره معناها مش تصنيع المانى ابدا
المشكلة لما بتكتب صناعة - made in - وييكتب اسم البلد المانى او يابانى
ونكتشف بعد كده انها صينى - فى الحالة دى مفروض الناس المستورده
تتحاسب وتتحبس على اللى بيعملوه فينا وغشهم لينا

[محمد ابيزا وبس]

والله عندك حق ياباشا المستوردين بيمصوا دمنا فى كل قطع الغيار وياريتها اصليه

[mahmoud ghanem]

المشاركة الأصلية كتبت بواسطة abokoko احيانا بيتكتب صناعة المانى واحيانا بتكتب المانيا وبس والاخيره معناها مش تصنيع المانى ابدا المشكلة لما بتكتب صناعة - made in - وييكتب اسم البلد المانى او يابانى ونكتشف بعد كده انها صينى - فى الحالة دى مفروض الناس المستورده تتحاسب وتتحبس على اللى بيعملوه فينا وغشهم لينا

صح 100 * 100

بس هتقول لمين ؟؟ ومين دة هيعمل حاجة ولا خخخخخخخخخخخ ؟؟

بس فعلاً وضع يدل على السرقة عينى عينك