محتارة وبيقولولي كدة عمرك ماهتركبي عربية

[ahmed_zamalek7]

المشاركة الأصلية كتبت بواسطة Hisham.Elgazzar قسط وتبقى فوايد قليلة أحسن من المستعمل حتى لو موديل السنة لأن الزمن اللى احنا فيه مفيش حد بيبيع عربيته نزاهة لازم تكون فيها حاجة خنقاه او كان وشها مش كويس معاه او لأى سبب تانى واصطياد الفرص صعب لأن ده عاوز تاجر بقى وملناش فى الكلام ده يعنى من وجهة نظرى الزيرو من الاول لأن العربيات دلوقتى كلها كمبيوتر وبلغة الكمبيوتر فيه ناس بتتعامل معاه كويس وناس غشيمة هو من برا شكله كمبيوتر لكن لما نتعامل معاه الوضع بيختلف والله الموفق والمستعان

مش شرط على فكره اليبيع عربيته عشان وشها وحشاو الكلام ده فى ناس عموما تقول العربيه اغيرها كل سنه وفى البيقول مثلا سنتين

الكيا الريو الهتشباك عربيه جميله جدا وسحبها حلو على فكره وعفشتها كويسه وكمان 1400 يعنى استهلاك بنزين قليل خصوصا فى الزحمه ال احنا فيها دلوقتى

[shur3000]

انا رأى حضرتك جديدة فى السواقة وحرام تجيبى عربية غالية اوى تتعلمى فيها واكيد هتتخبط منك نظرا لشواع مصر وزحمتها فكرى فى حاجة مستعملة اوتوماتيك تتدربى فيها وليكن نوبيرا وبعد سنة لما تتمكنى من العربية بيعيها وهاتى اللى انتى عايزاة ومش هتكونى خسرتى لكن لو جبتى جديد وخبطية يبقى تعويرة وحشة

[engwms]

انا راى ان الجديد جديد وابعدى عن المستعمل
حاولى تدورى على عربيه هاتشباك محندقه على ادك
تعرفى تركنيها بسهولة خصوصا ان دى مشكله هاتقابلك فى بداية السواقة
وربنا يوفقك فى الاختيار

[hal71]

المشاركة الأصلية كتبت بواسطة Hisham.Elgazzar قسط وتبقى فوايد قليلة أحسن من المستعمل حتى لو موديل السنة لأن الزمن اللى احنا فيه مفيش حد بيبيع عربيته نزاهة لازم تكون فيها حاجة خنقاه او كان وشها مش كويس معاه او لأى سبب تانى واصطياد الفرص صعب لأن ده عاوز تاجر بقى وملناش فى الكلام ده يعنى من وجهة نظرى الزيرو من الاول لأن العربيات دلوقتى كلها كمبيوتر وبلغة الكمبيوتر فيه ناس بتتعامل معاه كويس وناس غشيمة هو من برا شكله كمبيوتر لكن لما نتعامل معاه الوضع بيختلف والله الموفق والمستعان

حضرتك عندك حق تماماً كان معايا و احد في الشغل عنده أوبل فيكترا أواخر التسعينات و باعها لأن فيه بوردة كمبيوتر بازت راح سأل عليها قاللولوه بمبلغ كبير آلافات يعني راح لاحمها كده أو عمل حاجة فيها (لصمها) و راح بايع العربية بعد كده علطول.
فالنصيحة اللي يشتري عربية حديثة لازم يكشف عليها عند وكيلها مهما دفع عشان ما يندمش حيث لا ينفع الندم أما عربياتنا القديمة الغلبانة فدي مكشوفة ما فيهاش حاجات مستخبية عن الصنايعي العادي و تحياتي للجميع .

[ام يزيد]

شكرا ليكوا كلكوا بجد انا مقتنعة بكل رد ودة لسان حالي

ورحت شفت الكيا امبارح وشكلها حلو وامكانيتها زي ال ار بي تقريبا

بس ينقصها التجربة
وطلعلي واحد كدة من ضمن اللي بيتفرجوا

يقلي طيب ماتزودي 7 الاف وهاتي ار بي ع الاقل الاكسنت معروفة ومتجربة

يجماعة انا خلاص بجد مش عارفة اعمل اية

اللي شفتها امبارح
ريو 2013
خليجي جميع الكماليات بس ماعدا فتحة السقف والجنوط 16
ومافيهاش مسند للسائق وكام حاجة كدة لاتذكر
ودي ب 111الف ونص
والضمان ب 2200
ال ار بي اول فئة في الاوتوماتيك ب 114الف الجنوط عادية والطارة كمان

اعمل اية

انا بجد محتارة