هل الماتور الخفيف مش بينقص زيت فى الشتا

[michohat]

السلام عليكم ورحمه الله وبركاته
موتور العربية بقي له فتره اكتر من سنتين والميكانيكيه بيقولوا انه خفيف و عاوز طقم شنبر لانه بياكل زيت و بينفخ و فاصلين فايظ العمه عندي لان بيطلع منه دخان وكنت ملاحظ حكايه نقصان الزيت دي خصوصا عند ما اقرب من ميعاد تغيير الزيت فالزيت بيكون ناقص شوية والكلام ده فى الصيف والحرارة عاليه
دلوقت قربت من ميعاد تغيير الزيت ومستوي الزيت زي ما هو مش نقص ده مع الاخذ فى الحسبان ان الجو ساقعه والعربية والماتور مش بيسخنوا
فهل ممكن يكون نقص الزيت ده ناتج من انه نتيجه للحرارة العاليه و الماتور شغال الزيت بيتسرب من بين جوانات الماتور او اي تنفيس فى جسم الماتور له غطا مش محكوم او جوان منفس ( فيه اثر تنشيع زيت على جسم الماتور)
فهل الماتور كده يبقى الشنبر سليم وكل اللى محتاجه تغيير جوانات ولا ايه

[samirayad]

قبل أى شىء

بأرحب بأخونا الفاضل : مجدى محرم

بمصر موتورز

[samirayad]

موتور العربية بقي له فتره اكتر من سنتين والميكانيكيه بيقولوا انه خفيف و عاوز طقم شنبر لانه بياكل زيت و بينفخ و فاصلين فايظ العمه عندي لان بيطلع منه دخان وكنت ملاحظ حكايه نقصان الزيت دي خصوصا عند ما اقرب من ميعاد تغيير الزيت فالزيت بيكون ناقص شوية والكلام ده فى الصيف والحرارة عاليه

أنت لسه يامجدى باشا فى القصه دى

دلوقت قربت من ميعاد تغيير الزيت ومستوي الزيت زي ما هو مش نقص ده مع الاخذ فى الحسبان ان الجو ساقعه والعربية والماتور مش بيسخنوا

بس أكيد أنت لاغى الثرموستات بتاع المكنه ..........

كلامى سليم .........ولا مش مظبوط .............؟

فهل ممكن يكون نقص الزيت ده ناتج من انه نتيجه للحرارة العاليه

أكيد ..........لأن حراره عاليه

تعنى أنخفاض فى لزوجة الزيت

بيكون خفيف أكثر مع الحراره العاليه

و الماتور شغال الزيت بيتسرب من بين جوانات الماتور او اي تنفيس فى جسم الماتور له غطا مش محكوم او جوان منفس ( فيه اثر تنشيع زيت على جسم الماتور)

حاول تعالج موضوع تسريب الزيت ده أولا

ممكن ده يحسنلك وضع المكنه بشكل عام

وتابع برضه شويه كده

وشوف الجديد

طالما سحب المكنه معاك كويس حاليا

[michohat]

المشاركة الأصلية كتبت بواسطة samirayad قبل أى شىء بأرحب بأخونا الفاضل : مجدى محرم بمصر موتورز

الله يخليك يا مهندس سمير ودايما كده مصر موتورز منورة بأهلها

المشاركة الأصلية كتبت بواسطة samirayad أنت لسه يامجدى باشا فى القصه دى ايوه لسه مش عملت اي حاجه فى العربية وكنت مأجل كل حاجه لحد ما ابدء فيها مره واحده ودلوقتي فى الشتا اكيد احسن وقت اعمل فيه حاجه فى الماتور بس أكيد أنت لاغى الثرموستات بتاع المكنه .......... كلامى سليم .........ولا مش مظبوط .............؟ ثرموستات المكنه (الكوع ) ملغى اه أكيد ..........لأن حراره عاليه تعنى أنخفاض فى لزوجة الزيت بيكون خفيف أكثر مع الحراره العاليه حاول تعالج موضوع تسريب الزيت ده أولا ممكن ده يحسنلك وضع المكنه بشكل عام وتابع برضه شويه كده وشوف الجديد طالما سحب المكنه معاك كويس حاليا

فهمت من كلام حضرتك ان ممكن اعالج تسريب الزيت عن طريق تغيير الجوانات
التسريب عندى من 3 مناطق على حسب ما شايف
الأول : حول فتحه الزيت اعلى الماتور فى تسريب حواليها
الثاني : من المكان اللى تحت التاكيهات من بيجيب زيت ومنشع من الجنب
الثالث: دايما بلاقي الجهه الخلفية من المكنه اللى ناحيه كرسي السواق كانها منديه

فهل الاماكن دي فيها جوانات ممكن اغيرها من غير ما اضطر انى اعمل شنبر او عمره واجرب علي كده؟؟

ده مع الاخذ فى الاعتبار انه كان فيه دخان بيطلع من خرطوم الفايظ وبس مفيش دخنه من اي مكان تاني كانت بتطلع

[ابو جودة]

عمرها احسن من بعد كده