تمت التجربة الفعلية من حوالى 10 ايام فى احدى سياراتى ال 113 لحل مشكلة البلالين المقرفة اللى كلنا او معظمنا بيعانى منها و الحل طبعا كان تغيير الفردة اللى تبوظ الى اخرى جديدة
و طبعا دة حل مش جزرى لانة الموقف حيتكرر تانى و تالت و عاشر و دة نتيجة انخفاض الارتفاع الخاص بالكاوتش و بالتالى مع اصغر مطب او طوبة او نقرة اللى طبعا معندناش فى مصر اكثر منهم الجنط بيوصل للفردة من جوة و يعمل فيها قطع خفيف و مع الوقت يكبر شوية و يتحول لبلونة تظهر من خارج الفردة و طبعا دى خطر جدا جدا لانها بتكون عرضة للانفجار فى اى وقت و كان الحل فى تغيير مقاس الكاوتش الاصلى الى اخر يكون متوفر نوعا ما اكثر من اللى نازل فى العربية و يكون ارتفاعة اعلى علشان المشكلة دى ما تتكررش و يكون مش بيحك فى المطبات او الملفات و يكون مش مؤثر على ثبات العربية ولا عفشتها ...
بعد مباحثات و استفتاءات من مستخدمى العربية و خبراء الكاوتش تم تغيير المقاس الاصلى من R14 / 175 / 60 الى
R14 / 185 / 60
والنتيجة :-
1- الثبات بتاع العربية زاد بشكل واضح جدا جدا .
2 - الدبدبة و الكركبة بتاعة العفشة قلت بشكل ملحوظ.
3- لا يوجد اى نوع من انواع الاحتكاك .
4- الارتفاع زاد حاجة بسيطة و بالتالى انتهت المشكلة و الحمد لله .
* و مرفق صورة من موقع يوضح المواصفات اللى حتتغير لو غيرنا من المقاس الاصلى الى المقاس الجديد كان احد الاخوة الافاضل واضعة فى مشاركة اخرى .
حبيت انقل لكم تجربتى فى المشكلة البايخة دى اللى كانت معكننانى من يوم ما جبت العربية
واى سؤال انا فى الخدمة اخوكم / محمد ساهر 01006134562
04-01-2013, 05:05 PM
رد: الحل النهائى لمشكلة الكاوتش و البلالين بعد التجرية
S LAM
