الحل المعجزه لنتشة السياره

[tarek2012]

حديعرف فين مكان egr دة فى العربية التريوس

[نبيل حجازى]

موضوع شيق وممتع .. بارك الله فيك

[romioromio]

الله يخليك يا باشا نورت

[magdy m.s]

المشاركة الأصلية كتبت بواسطة romioromio السلام عليكم الكلام اللي حقوله ده عن تجربه شخصيه ووالله العربيه بقت حلاوه وميه ميه والسحب نااااااااااااار والعربيه عايزه تطير بيا لدرجة اني دخلت في تويوتا فورتشنر متقلقوش ولا همني لاني كنت مامن عادي طبعا كتير مننا مر بمشكلة ان العربيه تترج علي السلانسيه ومع الطلعه كمان وانت علي السرعات القليله تحديدا وتحس انها مبرجله ومتلته وعايزة تطفي وانك لازم تكبس بنزين طبعا وكتير ممنا جرب تغيير البواجي والكويلات وظبط الكهرباء وغيره لكن برده مفيش تحسن وبما اني مريت بالمراحل ده فانا حقول اليوم علي سبب ما حدش كتير بيتطرقله__حلوه يتطرقله ده الا وهو صمام البيئه ........ .egr valve وده صورته ومن اسمه egr ___ ((exhaust gas recirculation) يا عم انت حتتنك لا يا سيدي حتكلم بالبلدي طبعا بالبلدي كده الصمام ده وظيفته من اسمه انه يحافظ علي البيئه عن طريق اعادة تدوير مخلفات الاحتراق بيعمل ايه اخينا ده بالبلدي برده لما الوقود بيتحرق في غرفة الاحتراق المفروض العادم يخرج الي الشكمان لكن الصمام ده وظيفته انه يرجع العادم ده تاني الي المحرك عشان يتحرق اكتر وبالتالي تقل نسبة الغازات الضاره وثاني اكسيد الكربون وغازات النتروجين الخارجه من الشكمان ونحافظ علي البيئه طب يا عم صدعتنا ء ايه علاقة ده بالتنتيش ما هو يا اخوانا الصمام ده المفروض يشتغل في حالات معينه وباوقات معينه مش عمال علي بطال يدخل العادم تاني متى يعمل نظام EGR ؟ يكون النظام فعالا في حالة التسارع الاعتيادي cruising condition فقط اي عند الضغط الاعتيادي على دواسة الوقود . يتوقف النظام عن العمل في حالة السكون idle السلانسيه يعني وحالة التسارع القصوى WOT . يعني يشتغل علي السرعه القليله عشان كده بنلاحظها عالتاني اكتر مش التالت او الرابع لان من المعلوم ان العربيه بتمشي لما البنزين والاوكسجين من الهواء بيتحرق لكن الصمام ده لما يكون بايظ مسدود او مفتوح علي الفاضي الهواء الخارج وده معظمه ثاني اكسيد الكربون حيفضل يدخل غرفة الاحتراق تاني وبالتالي بيضيع عزم المحرك فاهمني لان كمية الوقود والاكسجين الداخله حيزها نقص عن طريق دخول غاز العادم وثاني اكسيد الكربون فبالتالي المحرك بيحرق هواء اكتر مش بيحرق وقود واكسجين وده اللي بيخلينا نحس بالنتشه وضعف السحب والعزم وكركرة العربيه واننا لازم تكبس بنزين اكتر الحل بقي اننا نفصله خالص مش مهم البيئه المهم العربيه ههههههه لو معاك وفنجري غييره هو برده لو شغال كويس له فوايد بس الافضل فصله ده رائي انا طبعا شارح من مفهومي من كم موقع كده لاني كان مفصول اول لما اشتريت العربيه وزميلي لعبلي فيها ووصله وانا مكنتش متاكد فسبته فالعلربيه كانت مبرجله ومخنوقه جدا لما فصلته اختلف الامر خاااااااااااااالص وجربتها كذا مره عشان اتاكد والحمد لله ربنا يديمها بس ومتتجننش تاني كيف تعرف انه الصمام عندك خربان الاجابه تعرف انه الصمام خربان بامرين ملومسين اول امر لاحظ لو انه عداد ضغط المحرك مش ثابت وانت بحاله السكون طبعا يعني كانك واقف على اشاره مرور وتلاحظ العداد يلعب بمكانه مش ثابت يطلع فوق الالف ويرجع ل خمسميه طبعا مع افتراض انه الامور الثانيه بحاله جيده من بواجي واسلاك بواجي و دسبرتور الخ الخ الخ كمان تلاحظ ان السياره تهتز بحاله الوقوف لسبب انه المحرك مخنوق من هذا الصمام ولا يطلع الغازات الموجوده جوه غرفه الاحتراق بالشكل الامثل وده اللي كان بيحصلي وانا علي السلانسيه الاربي ام بيطلع وينزل كده مع نفسه والعربيه مخنوقه وعايز اكبسلها ودول شوية تناكة بالانجليزي If the EGR valve is stuck open, it will essentially cause a vacuum leak, leading to inefficient combustion, rough idling, hesitation, and sometimes stalling in extreme cases . This is because the car cannot combust on carbon dioxide from the tailpipe — it needs atmospheric oxygen. If the combustion chamber is flooded with exhaust from an open EGR valve, it will not function properly. To check and see if the EGR valve is stuck open, have someone idle a parked vehicle with the brake on while you examine the plunger shaft to see if it is stuck open. If the EGR valve is stuck closed, emissions of nitrogen oxides will rise, and the car may start to knock. Spark knock happens when the fuel mixture in the combustion chamber ignites before it has been reached by the explosion in the cylinder, resulting in a disruption of the engine timing. In this instance, the engine should be warmed up and revved to see if the EGR valve will move انا يا جماعه شارح من مفهومي لكم موقع كده مش عايز حد يقول ما الخواجه صانعه كده انت حتفتي لا انا بقول ان الخواجه برده اي حاجه بيصنعها بتبوظ عادي يعني وانا اتكلمت من واقع تجربتي البحته وبشكر الاستاذ احمد علي1999 انه نبهني للموضوع ده لو عملتوا الموضوع ده وجاب نتيجه ابقوا اعزموني علي لحسن حاكل مكرونه ساده انهارده غربه و عزوبيه بقي

موضوع ممتاز ومفيد جدا وموفر كمان جزاك الله خيرا - طبعا الوظيفة هنا بتحكم البايظ نخلعه توفيرا لنفقات الحشو (اقصد التغيير ) فعلا طبيب اسنان -ارجو ان تتقبل الدعابة - بس لي سؤالين الاول هل فصله لا يؤثر علي علبة المحول الحفاز الموجود مع الشكمان ؟ الثاني سيارتي بومة 1600cc كيف يمكنني فصله ام ان الامر يتطلب الذهاب لميكانيكي وكيف اتاكد انه عمل المهمة صح -وجزاكم الله خيرا.

[احمد على 1999]

المشاركة الأصلية كتبت بواسطة magdy m.s موضوع ممتاز ومفيد جدا وموفر كمان جزاك الله خيرا - طبعا الوظيفة هنا بتحكم البايظ نخلعه توفيرا لنفقات الحشو (اقصد التغيير ) فعلا طبيب اسنان -ارجو ان تتقبل الدعابة - بس لي سؤالين الاول هل فصله لا يؤثر علي علبة المحول الحفاز الموجود مع الشكمان ؟ الثاني سيارتي بومة 1600cc كيف يمكنني فصله ام ان الامر يتطلب الذهاب لميكانيكي وكيف اتاكد انه عمل المهمة صح -وجزاكم الله خيرا.

ملهوش علاقة خالص نهائى بالمحول المحفز
عايز تفصله ليه ؟
فصله مش محتاج ميكانيكى لو عرفت مكانه مجرد تفك الخرطوم الى راكب فيه و سد الخرطوم باى حاجة
حتتاكد انه عمل المهمة صح :
اولا لو كان الصمام بايظ و العربية بتنتش بسببه ( لان فى اسباب تانية كتير تخلى العربية تنتش ) ............. التنتيشة حتختفى فورا
ثانيا حتى لو الصمام سليم ..............اداء العربية حيزيد بالاخص مع التكييف
ثالثا احتمال ضئيل بعد فصله العربية تسقف بسيط جدا ( بالاخص فى الحر و الزحمة مع كبس دواسة البنزين ) ........ و مش مؤثر لان كده كده ببنزين مصر العربيات بتسقف خفيف