عايز اعرف رأى الناس فى الفيديوهات ديه !

[mostafa mamdouh]

>>>>>>>>>>>>>

[akerima]

طبيعي جدا لان اللي عامل الفيديو Proton Club لما يعمل مقارنة ما بين ال Proton واي عربية يشرح العربية اللي بيعمل ما بينها مقارنة في صالح الساجا

ويا ريت يا اخ مصطفي بلاش الحاجات المستفزه دي لانها بتعمل مشاكل ما بين الاعضاء علي المنتدي لان انا بجد مش شايف ان موضوعك له اي فايده حتعود علي الناس لما تحطلهم فيديوهات انا متاكد ان مفيش اي حد حيشوفها الا لما يتبينله انها مجرد تقطيع في عربية لحساب عربية تانية عملوه ناس بيدعوا الموضوعية وهما بعيدين عنها تماما

مثلا قعد في الفيديو يقول الزراير واماكن الزراير مقلش ليه مثلا ان الساجا مفهاش ولاعة وبالتالي مفهاش مكان يتحط فيه اي شاحن لاي حاجة مثلا حاجة معروفة جدا عن الساجا وبعض ملاكها قرفانين جدا من الموضوع دا

بالتالي يبقي الناس دي معندهاش اي موضوعيه في مقارنتهم وعلي فكرة برضة دي مش اول مرة يتحط علي المنتدي الفيديوهات دي وقالك دي ملحومة من النص - دا كلام - حتي فيه بعض الاعضاء الكرام ردوا علي الموضوع بان كثير من العربيات فيها نفس اللحام بتاع الباب الخلفي زي التويوتا وغيرها ومابيبقاش ممتد للارضية

ويا ريت يا مصطفي متقولش انك حاطط الفيديو دا عشان الناس تستفيد منه - اشك في ذلك - الا لو انت من ملاك ال Proton وبتعملها دعاية يبقي كده انت عندك حق وانا معاك وممكن كمان ندور علي مواد دعائية سوا نعمل بيها دعاية للعربية بس من غير نعيب في عربيا الناس عشان في ناس فعلا لما بتشوف حاجة زي دي علي النت او المنتدي وللاسف ناس خبرتها ضعيفة في العربيات بتتخنق

ومنتدانا عشان مساعده الناس وحل مشاكلهم وبالتالي اضفاء بعض من السعاده علي يومهم مش عشان كل شوية نطلع نخنقهم من اختيار هما اتخذوه بناء علي نصيحة اللي زيي واللي زيك علي المنتدي واكيد احنا لما نصحنا الناس بيها وحببناهم فيها مكناش بنضحك علي حد ولا بنخدع حد بالعكس احنا نصحنا عن تجربة وبعد ما ركبنا العربية وجربناها لشهور عديده

فيا ريت يا جماعة ارجوكم لم نحب نقارن او نعمل مواضيع عن الانواع المختلفة للسيارات نبقي موضوعيين بلاش الضرب اللي من تحت الحزام دا عشان مايصحش عايزين المنتدي يبقي موضوعي ومحترم عشان يبقي جازب للناس ومبيبقاش منفر لحد

في النهاية سلامي للجميع ومش عايز حد يزعل لو كلامي المرادي ناشف شوية بس بجد انا زهقت من ان كل شوية يتحط الحاجات المستفزة دي

[mik_fad]

على فكرة الفيديو ده مرفوع على ال youtube تحت اسم SAGA Egypt Club ده غير إن اللي بيتكلم اسمه صلاح حكيم (الاب الروحي للساجا في مصر)
وطبعا واضح إن المقارنة غير موضوعية وفيها تحامل كبير على اللوجان لصالح الساجا

[borio1704]

أنا كان نفسي بس إن احنا نبقى موضوعيين أكتر في مسائل المقارنة... بصراحة أنا شايف إننا بنعالج المواضيع بشكل عاطفي حبتين.. وكل واحد متعصب للعربية اللي هو مشتريها

ومع إني ما بحبش العربيات الأوروبية بشكل عام (وعندي أسبابي القوية لعدم حبي لها)... بس لازم اعترف إن اللوجان عربية معقولة جدا بالنسبة لسعرها.. وكونها غريبة حبتين من ناحية أماكن الأوبشنز اللي فيها ... فده مش عيب في اللوجان لوحدها... بالعكس... العربيات الفرنساوي بشكل عام فيها حاجات غريبة مش زي بقيت عربيات الدنيا، على سبيل المثال موضوع الكلاكس اللي في الدركسيون ده.

أسس المقارنة الموضوعية ممكن نتعلمها من الدول اللي فيها أسواق ضخمة للسيارات اللي بتتباع فيها ملايين العربيات كل سنة... وعمرهم ما قالوا دي عربية كوري ولا ماليزي ولا صيني فتبقى وحشة... لو في عربية وحشة فهي أكيد وحشة لسبب وجيه... وماهياش وحشة على الإطلاق... ممكن تكون وحشة في حاجة وكويسة في حاجات تانية.

...

[ahmedashraf]

المشاركة الأصلية كتبت بواسطة borio1704 أنا كان نفسي بس إن احنا نبقى موضوعيين أكتر في مسائل المقارنة... بصراحة أنا شايف إننا بنعالج المواضيع بشكل عاطفي حبتين.. وكل واحد متعصب للعربية اللي هو مشتريها ومع إني ما بحبش العربيات الأوروبية بشكل عام (وعندي أسبابي القوية لعدم حبي لها)... بس لازم اعترف إن اللوجان عربية معقولة جدا بالنسبة لسعرها.. وكونها غريبة حبتين من ناحية أماكن الأوبشنز اللي فيها ... فده مش عيب في اللوجان لوحدها... بالعكس... العربيات الفرنساوي بشكل عام فيها حاجات غريبة مش زي بقيت عربيات الدنيا، على سبيل المثال موضوع الكلاكس اللي في الدركسيون ده. أسس المقارنة الموضوعية ممكن نتعلمها من الدول اللي فيها أسواق ضخمة للسيارات اللي بتتباع فيها ملايين العربيات كل سنة... وعمرهم ما قالوا دي عربية كوري ولا ماليزي ولا صيني فتبقى وحشة... لو في عربية وحشة فهي أكيد وحشة لسبب وجيه... وماهياش وحشة على الإطلاق... ممكن تكون وحشة في حاجة وكويسة في حاجات تانية. ...

بارك الله فيك، وأنا قلت إني معرفش حاجة عن الساجا ومعرفش حد معاه ساجا حتى، وكمان اللوجان عمرها مكانت حلم حياتي مثلا لكن لما حددت المبلغ إللى حشتري بيه ملاقتش في إعتمادية وراحة اللوجان في الفئه دي وعارف إن ليها عيوب والحمد لله ممكن حلها والتغلب عليها، لكن العيوب معظمها لا تمت بصله لما هو موجود بالفيحيو، وبصراحة أسلوب المقارنة ساذخ جحا.

وده إللي أنا قلتة، لاعظمت من عربيتي ولا خسفت الأرض بعربية غيري.