ارجو المساعدة

[hisho14]

يا جماعة انا مش عارف اقرر اشتري اي عربية محتار بين الماتريكس ..الافيو ..الاوبترا .. الصني ..اسبرانزا A620 .. وياريت حد يقنعني اشتري اي عربية شكراااااا

[بدر بسيونى]

المشاركة الأصلية كتبت بواسطة hisho14 يا جماعة انا مش عارف اقرر اشتري اي عربية محتار بين الماتريكس ..الافيو ..الاوبترا .. الصني ..اسبرانزا A620 .. وياريت حد يقنعني اشتري اي عربية شكراااااا

الماتريكس : محرك قوى واسرية جدا وواسعة ومنتشرة وقطع غيار متوفرة وبسعر مناسب واداء جيدا جدا لفئتها السعرية (يعنى لو اسرة يبقى هى)

الافيو : محرك مش قوى او حديث منتشرة وقطع غيارها متوفرة واداء مقبول لكنها مش الافضل فى فئتها

الاوبترا عربية واسعة جدا ومنتشرة جدا وقطع غيارها اقل من فئتها السعرية وادائها جيد جدا وتعتبر صفقة جيدة

الصنى : عربية ذات محرك جيد وانتشرت خصوصا مؤخرا وشكلها انيق يعيبها التقفيل المصرى وارتفاع قطع الغيار الاصلية

الاسبيرانزا 620 :الاقل انتشارا فى فئة الاسبيرانزا فبالتالى قطع الغيار حتبقى قليلة والى جانب انها 2000 سى سى فالضريبة اغلى
المجمل الماتريكس او الاوبترا الافضل وبالتوفيق

[hisho14]

المشاركة الأصلية كتبت بواسطة بدر بسيونى الماتريكس : محرك قوى واسرية جدا وواسعة ومنتشرة وقطع غيار متوفرة وبسعر مناسب واداء جيدا جدا لفئتها السعرية (يعنى لو اسرة يبقى هى) الافيو : محرك مش قوى او حديث منتشرة وقطع غيارها متوفرة واداء مقبول لكنها مش الافضل فى فئتها الاوبترا عربية واسعة جدا ومنتشرة جدا وقطع غيارها اقل من فئتها السعرية وادائها جيد جدا وتعتبر صفقة جيدة الصنى : عربية ذات محرك جيد وانتشرت خصوصا مؤخرا وشكلها انيق يعيبها التقفيل المصرى وارتفاع قطع الغيار الاصلية الاسبيرانزا 620 :الاقل انتشارا فى فئة الاسبيرانزا فبالتالى قطع الغيار حتبقى قليلة والى جانب انها 2000 سى سى فالضريبة اغلى المجمل الماتريكس او الاوبترا الافضل وبالتوفيق

شكرا على الافادة

[ramy01011]

الاوبترا او الماتريكس الاثنين صفقة جيدة بس لو هتفكر في سعر اعادة البيع بعد كدة يبقي الماتريكس احسن علشان الاوبترا سعرها بينزل لا كن غير كدة العربيتين بجد احسن حاجة في الاختيارات بتاعت حضرتك

[tham1010]

أفضل إنك تروح معرض سيارات وتجرب القعدة فى الأثنين أو تشوف حد من زملاءك يكون عنده العربيتين وتجرب.

قعدة العربية ماتركس مختلفة عن أى عربية من اللى قلت عليهم... هى من نوع المنى فان Mini Van وعلشان كدة لما تقعد فيها هتستغرب القعدة. العربية من جوة ملعب ومش تتعب من القعدة لمدة طويلة فى العربية. المواتير واحدة فى العربيات اللى قلتها ماعدا الاسبرنزا فهى 2000 cc يعنى مش إقتصادية وكمان صينى والواحد شبعان من مقالب الصينى ولما تيجى تبعها تلقيك بتخسر فيها.

ممكن أسالك ليه مش فكرت فى اليابانى طالما هتقدر تدفع فى حدود 100 الف؟؟ هو يمكن قطع الغيار اغلى شوية من الكورى ولكن برضوا دى يابانى.
خلاصة القول انك بتختار بين 3 عربيات كورى متشابه فى الإمكانيات ولكن، مختلفة فى القعدة والقيادة فلازم تجرب تسوقهم لو حتى على سبيل التجربة...

واحد زميلى قبل ما يشترى كان بيروح يأجر العربية يوم 120 جنية ويفضل سايقها طول اليوم لحد ما اختار الماتركس للوسع الكبير فى الصالون وخلى بالك العربية الماتركس طولها 4 متر فقط يعنى اصغر عربية من حيث الطول بين اللى ذكرتهم............