تانك بنزين ستيب واي ... محتار بجد

[mazen_4m]

انا مريت بتجربة غريبة جدا في موضوع تفويل العربية الستيب واي 2012 عاملة 33000 كيلو :

- دخلت بنزينة مونت المسدس فصل عند 44 لتر ، الواد اللى بيمون قعد يمون لحد المؤشر ماوصل لحد 60.5 لتر مع العلم العربية كان فيها شرطتين .
- بعديها باسبوع دخلت مونت وكنت ماشي 600 كيلو بالظبط ، المسدس فصل عند 46 لتر - انا اللى كنت بمون - قعدت ازودلها لحد ماوصلت 61.7 مع العلم ان العربية كان فيها شرطة واحدة .

ارجو من الاعضاء الكرام حد يفيدني
1- ازاى التنك سعته الرسمية 50 لتر وياخد لحد 61.7 مع العلم انه كان فيه شرطة .
2- الاستهلاك ده طبيعي يعنى 600 كيلو ب 61.7 لتر دا كويس ؟؟ يعنى ال 10.3 لتر يمشونى 100 كيلو ؟؟!!
معلش طولت عليكم

[ahmedjemy]

احب اعرف منك الاول العربية عاملة كام كيلو لانها فى الاول بتاكل بنزين وبعدين يبدا المعدل يقل لحد ما يوصل تقربا 7 لتر لكل 100 كيلو على الطريق يعني تكون برة البلد جوة البلد ممكن توصل 10 لتر فعلا , نيجي بقى لسعه التانك التانك نفسة 50 وزور التانك بياخد تقريبا عشرة لتر لاني لما بفول بتوصل 62 لتر بس للعلم انا عربيتي لوجان ما اعرفش فى فروق الصراحه ولة لا . يارب اكون قدرت افيدك شوية

[حسام البورسعيدى]

انت متاكدان مفيهاش فايظ والبنزين بيقع ع الارض ؟؟؟؟

[mazen_4m]

لا طبعا مفيش فيها حاجة بتقع ع الارض ولا حاجة بس اول شرطة بتنزل بعد 200 كيلو مع العلم ان انهم 9 شرطات !!

[mazen_4m]

المشاركة الأصلية كتبت بواسطة ahmedjemy احب اعرف منك الاول العربية عاملة كام كيلو لانها فى الاول بتاكل بنزين وبعدين يبدا المعدل يقل لحد ما يوصل تقربا 7 لتر لكل 100 كيلو على الطريق يعني تكون برة البلد جوة البلد ممكن توصل 10 لتر فعلا , نيجي بقى لسعه التانك التانك نفسة 50 وزور التانك بياخد تقريبا عشرة لتر لاني لما بفول بتوصل 62 لتر بس للعلم انا عربيتي لوجان ما اعرفش فى فروق الصراحه ولة لا . يارب اكون قدرت افيدك شوية

العربية عاملة 33000 كيلو ، في ناس بيقولوا لازم اغير البوجيهات الكلام ده صح ولو كده اجيب بوجيهات ايه ومن التوكيل ولا من بره ؟؟