#1
|
||||
|
||||
أول حادثة بالصني !!!!!!!!!!
الحمد لله جت سليمة بس اللي أنا عايز أحكية ليكم هو مدى السلاسة اللي موجودة هنا في موضوع الحوادث ده :
أولا فيه هنا نظامين للتأمين على السيارات الشامل وضد الغير ، الشامل ده بيبقى شامل كل حاجة حتى الركاب لو حصل ليهم حاجة لاقدر الله وبيكون نسبة معينة من ثمن العربية يعني بيبقى حوالي من 2000 ل 4000 ريال وفي حالة أي حادثة سواء إنت غلطان أو مش غلطان التأمين بيتكفل بإصلاح السيارتين . بالنسبة لضد الغير فهو رخيص جدا حيث إنه بمبلغ 150 ريال فقط لا غير وهو إنك لو عملت حادثة وإنت اللي غلطان التأمين بيصلح العربية اللي إنت خبطها وإنت تصلح عربيتك على حسابك وبرضه لو إنت مش اللي غلطان . المهم أنا خارج من البيت يوم الجمعة وداخل على إشارة ففيه ناحية يمين وناحية شمال علشان آخد اليوتيرن المهم مسكت الشمال وفجأة نصل نقل بسائق هندي كالعادة مرة واحدة افتكر إنه عايز يخش شمال فطبعا كسر عليا وأنا علشان كان يميني عربية كل اللي عملته إني مسكت فرامل على الآخر لكن طبعا خبطني في جنب العربية اليمين والخسائر كانت الرفرف الأمامي وجزأ من الباب اللي ورا وجزأ من الرفرف الخلفي وفانوس الإشارة . المهم كل اللي مطلوب منك تعمله تتصل بالشرطة وهما بصراحة جم في أقل من 5 دقايق وعلى طول طلب الرخص وشاف الموقف وطلع الهندي طبعا غلطان وعلشان كنا يوم جمعة طلب إننا نروح المرور بتاع المطار نظرا لأنه في نطاق الحاذثة يوم السبت الصبح ، المهم رحت وأخدت تقرير كده ببيانات السيارة والأضرار اللي فيها واسم شركة التأمين بتاعت الهندي وطلعت على الشركة إدوني خطاب للجراج اللي بيتعاملوا معها رحت على طول وكان يوم ثلاثاء قالي السيارة تخلص يوم الخميس ورحت فعلا الخميس لقيت العربية بصراحة بسم الله ماشاء الله ولا تعرف الخبطة كانت فين والمهم كمان الإكصدام الأمامي عندي كان مجرح وملوش علاقة بالحاذثة لقيتهم رشينه ومضبطينه . بصراحة هو ده النظام ولا حقك عليا يا بيه وجت سليمة ولا هتقبل عوض ولا الكلام الفارغ ده . ملحوظة : لو عربيتك زيرو ولسه في الضمان شركة التأمين ملزمة تصلحها في التوكيل . لو الحاذثة قوية السيارة بتتكنسل يعني بتتلغي من المرور وتاخد تمنها .
__________________
|
#2
|
||||
|
||||
رد: أول حادثة بالصني !!!!!!!!!!
هوه ده الكلام
حسبي الله ونعم الوكيل فيكي يابلد
__________________
|
#3
|
||||
|
||||
رد: أول حادثة بالصني !!!!!!!!!!
هو ده الاحترام بجد
هنا فى الكويت نفس الاجراءات يا باشا مع شوية اختلافات و الف حمدا الله على سلامتك يا كبير و سلامة صنصونة
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!! |
#4
|
||||
|
||||
رد: أول حادثة بالصني !!!!!!!!!!
حمد الله على سلامتك
__________________
®AHMEDCAR سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
#5
|
||||
|
||||
رد: أول حادثة بالصني !!!!!!!!!!
هو ده اللى كنت بقولة لما كنت بتكلم عن التأمين وفوائدة لو مفيش نظام تأمينى كان العمل هيبقى ايه ساعتها
الحمد لله يا سمسم انها جت سليمة وسلامة صنوننتك يا باشا |
|
|