هل من الذوق إنك ترمي حاجة من شباك العربية ؟؟؟؟؟

[Toyota Corolla]

أنا والله غلبت فى الموضوع ده كل ماشوف حد بيرمى حاجة أروح أغلطه و لدرجة إنه فى مرة سواق تاكسى قالى ماهى بلد وسخ...... و الذى أقصده إن الناس ديه مش محتاجة توعية ديه محتاجة الدبح لأن شخصيتهم هى الملوثة

[momen_bondok]

المشاركة الأصلية كتبت بواسطة Eng/salwa فكرة رائعة جزاكم الله خيرا رمى فضلات من السيارة شئ غير حضارى ولا إسلامى بالمرة

المفروض نُعطى الطريق حقة مش نكون سبب فى جعلة سيئاً
جزاكم الله خيراً على المشاركة

المشاركة الأصلية كتبت بواسطة احمد على 1999 انا عمرى ما رميت حاجة فى الشارع

أكيد يا بشمهندس بيبقى شعور مختلف وخاصة لو نسبة كبيرة من اللى حواليك يُصرون على فعل الخطا

المشاركة الأصلية كتبت بواسطة أدهم صبرى مش بس من السيارة ولا حتى من الناس اللى ماشيه فى الشارع. ولكن هل يعرف الناس ذلك. يجب أن تكون هناك حملة توعيه من الإعلام الحكومى والقنوات الخاصه. للأسف الناس بتعتبر الشارع سلة زبالة كبيره.

لازم يكون فية توعية ولو لزم الأمر غرامة احنا بلدنا مش أقل من أى دولة اخرى

المشاركة الأصلية كتبت بواسطة Toyota Corolla أنا والله غلبت فى الموضوع ده كل ماشوف حد بيرمى حاجة أروح أغلطه و لدرجة إنه فى مرة سواق تاكسى قالى ماهى بلد وسخ...... و الذى أقصده إن الناس ديه مش محتاجة توعية ديه محتاجة الدبح لأن شخصيتهم هى الملوثة

ههههههههههههه والله اللى بيعمل كدة لو فكر شوية هيعرف انة شخص سلبى جدا وكمان مش محترم لأن اللى بيعمل كدة فى الشارع يبقى دة اسلوب حياتة

[mesho70]

فعلاً موضوع يستحق المشاركة
- والاخطر على الطرق السريعة تلاقى ناس بترمى اعقاب السجاير مشتعلة وممكن تدخل من شباك عربية خلفة وتبقى كارثة
- عنى فانا سبق انى نزلت ابنى من العربية لاخذ علبة كنز فارغة القاها هو من الشباك
- اظن ان تعليم الجيل الجديد واجب علينا
- واخشى اننا " نحاول ترقيع ثوب اخذتة الثقوب بل العيوب "

[AbOnOrA]

تسلم ايدك على التذكير

وللناس اللى بترمى من الشباك الموضوع مش صعب كيس صغير ترمى فيه كل حاجة وبعدين ترمى الكيس على بعضه فى صندوق الزبالة
ودلوقتى كمان فيه باسكت زبالة صغير شيك كده بيبتباع للعربيات فى محلات الاكسسوارات فياريت فعلاً كلنا نبطل العادة المهببه ديه ونربى عيالنا كمان على كده

[sehsss]

أنا بحط أي حاجة عاوز أرميها في كيس أو شنطة على الكرسي اللي جنبي لحد ما أشوف صندوق أرمي فيه، وبقرف جدا من اللي بيرمي حاجة من الشباك، والغريبة تلاقي عربيات فارهة بتعمل نفس الكلام (للأسف)