|
#1
11-01-2011, 01:12 PM
|
||||
|
||||
سينما اونطة : استخدام السيارات فى الافلام بين الواقع والاونطة
كما لا تخلو حياتنا من السيارات لذا نجد ان السينما هى الاخرى لا تخلو من السيارات
فاحيانا تظهر السيارات بشكل عابر وكثيراً ما تظهر بدلالات مختلفة لكن الاكيد انها مهمة جداً فى سياق الاحداث يعنى مثلاً منقدرش ننسى عربيات انور وجدى الفخمة الفارهة فى كلاسيكيات السينما المصرية ولا عربيات احمد رمزى السبور اللى كانت بتكمل صورة الشاب ابن الطبقة الاستقراطية المرفهه او عربيات عبد الحليم او وفريد الاطرش ولا حتى عربيات عبد السلام النابلسى او نجيب الريحانى واسماعيل يس اللى كانت بتمثل العربيات الكوحيتى فى الزمن ده وفى السينما الحديثة هتلاقى عربيات المرسيدس فى افلام عادل امام (لى كلام مفصل عنها فى الحلقات الجاية) وال128 بتاعة احمد زكى والجيب القديمة فى اغلب الافلام وطبعاً نفس الكلام فى السينما الاجنبية علشان كده حبيت افتح الموضوع ده عن استخدام العربيات فى السينما بين الواقع والاونطة  لان اكيد المشاهد بتاعة المطاردات والحوادث ديه كلها اونطة ومؤثرات وليها اعدادات مسبقة كتير جداً ده غير الاونطة الموجهه اللى بيبقى مقصود بيها التاثير على المشاهدين لصالح عربيه ما كدعاية غير مباشرة ليها لكن لا تخلو من المهارة بردو يعنى شوية اونطة على شوية مهارة فانا محضرلكم مجموعة من الافلام والنمازج يارب تعجبكم ومتطلعش هى كمان اونطة بس مطلوب منكم التعليق على كل فيلم وتقولو ايه اللى شايفنه اونطة وايه اللى عجبكم وفعلا حقيقى استمتعواً بالصور عقبال ما انزلكم باقى الموضوع بعد الصلاة ان شاء الله  (احدى سيارات كاديلاك التى كان يستخدمها انور وجدى فى افلامة)       هبداء معاكم بالكلاسيكيات الشهيرة كتير منا لعب نيد فور سبيد طبعاً فاكرين تراكات الاندر جروند ؟؟ تقريباً التراكات متاخدة من الفيلم ده كوبى بست المشهد مطاردة بين سيارتين واحدة منهم تقريباً بونتياك والتانية نص نقل مش عارف نوعها ايه بصراحة بس الغريب ان العربيتين طول المطاردة متكافئين جداً !!! لكن المطارده عموماً جمعت كل فنون الاثارة فى المطاردات مابين غرز على الطوالى وغرز فى ملفات وقفز وتسارع وفرملة ودريفت وتصادمات بين العربيتين وضرب نار وانقلاب كمان شوفو المشهد ده من فيلم The Driver انتاج 1978  تفاصيل اكتر عن الفيلم فى الرابط التالى http://www.imdb.com/title/tt0077474/ ده مشهد تانى من نفس الفيلم بس البطولة هنا لعربية مرسيدس (الخنزيرة) وبالرغم من وجود مهارة حقيقية فى السائق اللى قام بالمنوارات ديه فى الفيديو الا ان المشاهد فيها (فى رائى المتواضع) اونطة جامدة جداً بهدف اثبات متانة وقوة سيارات مرسيدس فالبطل بعد ان اثبت مهارته فى التحكم فى العربيه بداء يخبط فيها من كل الاتجاهات حتى الاصدامات المباشره من الخلف والامام وفى الجناب حتى اكر الابواب استخدمها لكسر محابس المية الحديد لكن فى الاخر ابطال الفيلم نزلو من الابواب كلهم سلام من غير ولا خربوش والاغرب انهم كلهم مكانوش لابسين حزام الامان !!! التعديل الأخير تم بواسطة AbOnOrA ; 11-01-2011 الساعة 01:20 PM 
|
|
#3
11-01-2011, 02:26 PM
|
||||
|
||||
رد: سينما اونطة : استخدام السيارات فى الافلام بين الواقع والاونطة
موضوع مميز كالعاده يا ابو نورا
منتظر تكمله الموضوع
__________________
حـازم خـضـر
|
|
#4
14-01-2011, 06:56 PM
|
||||
|
||||
|
رد: سينما اونطة : استخدام السيارات فى الافلام بين الواقع والاونطة
موضوع جامد ..... كما عودتنا يا أبو نورا
فى فيلم أو سلسة أفلام أسمها The transporter متهيألى من 3 أجزاء ... المهم ..... بطل سلسة الأفلام دى مكانش بيركب غير الألمانى و كانوا BMW و مرسيدس و أودى كل عربية فى جزء بس كان راجل أبن لزينة و على فكرة ساق رينو بس كانت تريلا أو كساح تسلم أيدك ع الموضوع
__________________
That is My Renault
|
|
#5
14-01-2011, 07:08 PM
|
||||
|
||||
|
رد: سينما اونطة : استخدام السيارات فى الافلام بين الواقع والاونطة
اللى اخت بالى منة اوى فلم تيتو والمطاردة اللى عملها بابيجو 207 العربية دى غيروها اكتر من مرة كل اما تدشدش يجيبو غيرها تتابع المشاهد كان بيقول كدة لان فى مشهد العربيتين بيخبطو فى بعض فالمراية بتاعة البيجو اتكسرت وفى المشهد اللى بعدة لقتها سليمة والجنب ولا اكنة اتخبطت
__________________
يااااااااااااا رب إرحمنا بقدرتك علينا 
|
 |
| الكلمات الدليلية |
| bmw, افلام سيارات, سينما, مرسيدس بنز |
|
|
