نفسىى اعرف الميه بتروح فين

[tata33]

السلام عليكم . انا نظفت الرادياتير بتاع ال 127 من حوالى اسبوع وحطيت له ميه خضرة وكله تمام . طبعا العربيات دى لانها قديمة فلازم اراقب الميه كل يوم او كل مشوار كبير وفعلا الاقى الميه بتنقص رحت لبتاع الرادياتير شوف ياعم . قالى دا الغطا بتاع الرادياتير مش حابك قوى طب غيره . وجبت واحد جديد وظبط شفة الرادياتير عشان الغطا يحبك عليها . وبرضه مفيش فايدة الغريب ان القربة مليانة لكن مبيسحبش منها ليه مش عارف . الظريف فى الموضوع انى رحت لواحد تاى بتاع رادياتير وحكيت له ولانه راجل طيب قالى تصدق بالله انا عندى فى عربيتى نفس الحكاية ومش لاقى لها حل ياريت تعرف وتقولى . انا فكرت اجيب رادياتير جديد بس خايف تفضل المشكلة زى ماهى وتروح فلوسه على الارض . ياريت اللى عنده فكرة مايبخلش علينا انا وبتاع الرادياتير

[adamlion]

ممكن تكون كوعه المياه السفلية فيها خرم بسيط .
اولو سحب العربيه مش كويس يكون فى جوان وش السلندر بيسرب .
تحياتى ادم

[محمد حسن عبد الرحمن]

أحتمال السكسبلف الموجود بغطاء الردراتير معلق أو باظ فاشترى نوعية نظيفة أو قد يكون هناك تسريب لمنظومة التبريد فبيحصل مرور للهواء فبيقل الضغط داخل منظومة التبريد فا السكسبلف ميشتغلش فشيك على دورة التبريد بالكامل.

أخوك محمد

[wael_tahon]

نفس الكلام دة حصلى فى هيونداى إكسل وفى الآخر أكتشفت إن فى خرم صغير فى الرادياتير بس فى التلت الفوقانى فمبينزلش المية كلها على طول لكن بيسرب البخر لما العربية تمشى مسافة أو فى الزحمة وتسخن

[TiTo Sky]

شوف الكوعة او الخرطوم اللي طالع من الراداتير وداخل علي الكوعة

ممكن يكون بيسرب مية

كانت حصلت معايا وروحت لواحد متخصص راداتير قالي متخافش الدورة مخدتش هوا ولا حاجة

وبعدين ربط قفيز جمب القفيز الليفيها وبعدين زود القربة ومن يوميها بقالي ييجي 3 شهور

ومزودتش خالص

شوف حضرتك كدة وابقي طمنا

تقبل مروري