حان الوقت للتعلم لتلافى غلو اسعار فنيين السيارات

[ehabpopo]

موضوع حلو وممتاز جدا واغلب الناس اعتقد انها عايزة تتعلم ... وتصلح عربيتها بأيديها ... بس المشكلة ها نبدأ من فين وهل فية كتب ممكن اتعلم منها ولو المبادىء الاساسية للكهرباء وميكانيكا السيارات ... حتى لو الواحد يقدر يصلح الحاجات البسيطة ... بمساعدت المنتدى طبعا ... لانى انا عارف ان الناس هنا بتساعد بعض كويس ومافيش حد بيبخل على حد بالمساعده

[svneleven]

اللي يسأل ما يتوهش لكن فيه حاجات أظن لازم نروح لمتخصص مش مجرد ميكانيكي جاهل مش بيعرف يقرا و لا يكتب.

[mr_astra]

وهو زمان قبل دخول اجهزة ظبط الزوايا كان اية اللى بيحصل
مهو الحبل ونظبط الزوايا
والعربيات كانت بتسافر وكلة طبيعى
مشكلتنا فى مصر متفاقمة قطع غيار مضروبة بنسبة كبيرة تصل الى 99 %
جشع تجار قطع الغيار الاستيراد
فهلوة الصنيعية
زمان الصنايعى عشان يقدر يفتح ورشة لوحدة كان بيفضل شغال عند صاحب ورشة من وهو طفل لغاية اما يعدى 25 سنة
وياااااااة بقى لما يجى يسيبة بنعمل قاعدة تضم مشايخ ورجال افاضل فى المنطقة وكلمة من هنا وكلمة من هناك لغاية اما المعلم يسمح لصبية انة يفتح ورشة لوحدة

انما النهردة صدقونى ما فيش صبيان فى ورش عشان يبقى فى صنايعية فى المستقبل

النهردة اى عيل بيشتغل سنة عند ميكانيكى وهوب بقى صنيعى بقدرة قادر وياجر اى مكان وشوية عدة بالف جنية وورشة الاسطى فلان
ويبدا بقى هو يتعلم فى عربيات الناس ومرة تصيب ومرة تخيب
وطريقة المحاولة والخطا ويبدا يغير كل حاجاة عشان العربية تتظبط وكل مرة يؤلك حجة مختلفة وسبب مختلف عن الاخر

الصنايعى النهردة عاوز ياخد كل اللى فى جيبك وما يعملش حاجة