ارجو الرد من خبراء الريتمو والفيات

[arch_abdalla]

السلام عليكم معى سياره فيات ريتمو المانى 75 موديل 82 بماتور 1500 بتاعها بتاع سنتها بس عندى كام مشكله عايز حلهم
اولا صوت ماتور العربيه نفسى اوطيه ومش عارف اذاى ايه ممكن اعمله عشان يوطى
ثانيا التابلوه راكب فيها نيسان قديم تعبان ومفكك وعداداته مش شغالع ايه التابلوه اللى ممكن اركبه عليها وعدداته السرعات وال ار بى ام والبنزين والحراره هيشتغلو والاشارات وكله
ثالثا دلوقتى انا عندى البطاريه بتخلص كل تلت ايام لو ركنت العربيه وكل ما اروح لحد قريب مننى يقوللى دا العادى بس دى مش اول عربيه اركبها لكن اول عربيه قديمه بس اكيد فى حل اننى مش كل يوم الصبح اعد اوصل العربيه وتتعبنى فى دورانها

واكون شاكر لو قلتولى الاسعار لو فى حاجه تركب ومشكوووور ليكو جدا

[mr_astra]

عشان توطى الموتور او صوت الموتور لازم تظبط تاكيهات عند الخراط ولو ما تعرفش حد اخر كبرى التجنيد ورشة الحاج مختار
كمان لازم تشك على الفتيس وتشوف يمكن يكون ناقص زيت بيخشن صوت المكنة اوى
تستعمل زيت موبيل دلفاك وتحط علية عبوة ابرو ودة اضافات للزيت بتحسن خواص الزيت وهاتخلى الموتور ناعم بشكل ملحوظ
وتظبط الـ RPM وانا عارف ان معندكش العداد دة لكن ممكن بحاسة السمع نظبطة
طبعا كل الكلام دة لو ان موتورك تمام وما فيش بلية شداد ولا بلية دينامو بايظة

بالنيبة للتتابلوة احسن حاجة التابلوة بتعها بتاع الريتمو العادى

بالنسبة للبطارية بمنتهى البساطة هانكشف على شحن الدينامو عند اى واحد بتاع بطاريات وفى كل الاحوال لازم يخرج جهد مقدارة 14 فولت ونقيس كثافة المية الموجودة فى البطارية ولو تعبانة نغير المية بتعتها انما لو فيها ربع ضارب لازم البطارية تتغير وعلى الفكرة البطاريات اليومين دول رخصت جداااااااااا معرفش لية
الـ 70 امبير بـ 250 جنية وياخد القديمة

[arch_abdalla]

المشاركة الأصلية كتبت بواسطة mr_astra عشان توطى الموتور او صوت الموتور لازم تظبط تاكيهات عند الخراط ولو ما تعرفش حد اخر كبرى التجنيد ورشة الحاج مختار كمان لازم تشك على الفتيس وتشوف يمكن يكون ناقص زيت بيخشن صوت المكنة اوى تستعمل زيت موبيل دلفاك وتحط علية عبوة ابرو ودة اضافات للزيت بتحسن خواص الزيت وهاتخلى الموتور ناعم بشكل ملحوظ وتظبط الـ RPM وانا عارف ان معندكش العداد دة لكن ممكن بحاسة السمع نظبطة طبعا كل الكلام دة لو ان موتورك تمام وما فيش بلية شداد ولا بلية دينامو بايظة بالنيبة للتتابلوة احسن حاجة التابلوة بتعها بتاع الريتمو العادى بالنسبة للبطارية بمنتهى البساطة هانكشف على شحن الدينامو عند اى واحد بتاع بطاريات وفى كل الاحوال لازم يخرج جهد مقدارة 14 فولت ونقيس كثافة المية الموجودة فى البطارية ولو تعبانة نغير المية بتعتها انما لو فيها ربع ضارب لازم البطارية تتغير وعلى الفكرة البطاريات اليومين دول رخصت جداااااااااا معرفش لية الـ 70 امبير بـ 250 جنية وياخد القديمة

مشكوووووور جدا وبالنسبه للبطاريه انا عملت كدا وشحنها فعلا كان 14 تقريبا والبطاريه غيرتها فهل ممكن يبقى ضفيرة الكهربا هيا السبب مثلا ومتشكر جدا فى كلا الحالات

[mr_astra]

لو الدينامو شحنة مظبوط وغيرت البطارية ولسة البطارية بتنام يبقى عندك ماس فى العربية بيفضى شحن البطارية وعشان تتاكد لما تركن العربية شيل كابل الارضى منها واتركها يومين تلاتة وارجع دور وشوف لو دارت يبقى كدة اتاكدنا ان فى ماس

[arch_abdalla]

المشاركة الأصلية كتبت بواسطة mr_astra لو الدينامو شحنة مظبوط وغيرت البطارية ولسة البطارية بتنام يبقى عندك ماس فى العربية بيفضى شحن البطارية وعشان تتاكد لما تركن العربية شيل كابل الارضى منها واتركها يومين تلاتة وارجع دور وشوف لو دارت يبقى كدة اتاكدنا ان فى ماس

متشكككككككككككككككككككككك كككككككككر جدااااااااااااااااااا واسف على الاسئله الكتير حقك عليا بالنسبه للتابلوه هل لو ركبت اى تابلوه هيشتغل العدادات بتاعته على العربيه ولا هتهيس
ومشكور تانى ومش هسال تانى خلاص