استفسار عن أنواع ال127

[h0pa]

وعليكم السلام ورحمة الله و بركاته
شكرا استاذ طارق علي ردك الكريم و اهتمامك
طمنت قلبي
مقدور علي موضوع الصالون الضيق الواحد يستحمل المشوار زي ما بيستحمله في المواصلات
الهم هايبقي واحد هنا مش مشكلة كبيرة
هاخد بنصيحتك الغالية ان شاء الله و هابدأ ادور علي حاجة موديل اخير حالته كويسة منها ان شاء الله
بس اسألك سؤال معلش
انت مؤيد ان الواحد لو هايجيب يجيبها 4 باب ( اللى هي بيقولوا عليها فيورا او سوبر فيورا ) مش كدة طالما انها هاتخدم علي اسرة صغيرة ولا ما تفرقش ؟
الف شكر علي ردك و اهتمامك كمان مرة

[F B I]

بشكر صاحب التوبيك جدا لانى استفدت بيه جدا وبشكر جدا جميع اللى ردوا بمعلومات قيمه لانى برده عندى ظروف مشابهه مخليني محتاج اجيب عربيه وباذن الله ارتحت لل 127 بعد الكلام ده وتنفع لاسره صغيره زى ما محتاج وبالنسبه لاخر سؤال يا اخ هوبا انا شايف ان ظروفك مشابهه لظروفى انك محتاجه لظروف عائليه علشان كده بدور على 4 باب وده احسن لك برده لانها عائليه وكمان مينفعش والدك او والدتك حد كل شويه ترفع الكرسى الامامى ويعد ينط ورا مينفعش لانها هاتبقى متعبه ليهم بابين ده لو انت لوحدك لكن عائليه الاحسن 4 باب وانا بدور على كده وكمان قدام بأذن الله لما تحب تبيعه يتباع عادى لكن لو بابين مظنش انه يتباع بسهوله لان وقتها هاتكون موضه بطلت حكاية البابين دى

[اميرالدهاء]

السياره 127 ممتازه في السرعه واقتصاديه جدا وعلي فكره اوسع من 128 واقوي

[maka]

المشاركة الأصلية كتبت بواسطة h0pa وعليكم السلام ورحمة الله و بركاته شكرا استاذ طارق علي ردك الكريم و اهتمامك طمنت قلبي مقدور علي موضوع الصالون الضيق الواحد يستحمل المشوار زي ما بيستحمله في المواصلات الهم هايبقي واحد هنا مش مشكلة كبيرة هاخد بنصيحتك الغالية ان شاء الله و هابدأ ادور علي حاجة موديل اخير حالته كويسة منها ان شاء الله بس اسألك سؤال معلش انت مؤيد ان الواحد لو هايجيب يجيبها 4 باب ( اللى هي بيقولوا عليها فيورا او سوبر فيورا ) مش كدة طالما انها هاتخدم علي اسرة صغيرة ولا ما تفرقش ؟ الف شكر علي ردك و اهتمامك كمان مرة

المشاركة الأصلية كتبت بواسطة F B I بشكر صاحب التوبيك جدا لانى استفدت بيه جدا وبشكر جدا جميع اللى ردوا بمعلومات قيمه لانى برده عندى ظروف مشابهه مخليني محتاج اجيب عربيه وباذن الله ارتحت لل 127 بعد الكلام ده وتنفع لاسره صغيره زى ما محتاج وبالنسبه لاخر سؤال يا اخ هوبا انا شايف ان ظروفك مشابهه لظروفى انك محتاجه لظروف عائليه علشان كده بدور على 4 باب وده احسن لك برده لانها عائليه وكمان مينفعش والدك او والدتك حد كل شويه ترفع الكرسى الامامى ويعد ينط ورا مينفعش لانها هاتبقى متعبه ليهم بابين ده لو انت لوحدك لكن عائليه الاحسن 4 باب وانا بدور على كده وكمان قدام بأذن الله لما تحب تبيعه يتباع عادى لكن لو بابين مظنش انه يتباع بسهوله لان وقتها هاتكون موضه بطلت حكاية البابين دى

خليكم يا رجالة فى ال 4 باب وبلاش ال 2 بابعلشان لو حد ركب معاكم + ان الازاز اللى وراء مش بيتفتح + انها تقيلة فى بيعها و مش مرغوبة زى 4

و صالونها بيشيل عائلة صغيرة مرتاحة باذن الله

تحياتى

[maka]

المشاركة الأصلية كتبت بواسطة tarek elbadry السلام عليكم انا كان عند اخويا 127 نصر موديل 82 كان بيسافر بيها العريش فى الصيف وماكنش بيعمل بيها ريست كان بياخد المشوار مرة واحدة بس كانت عربية فبريكة كانت بتشم بنزين صاروخ جرى والفتيس بتعها اربعة اهم حاجة فى العربية حالتها لو كويسة اتكل على الله وهاتها بس يعيبها انها صلونها ضيق

و جارية كمان و هى بتوفر بنزين فعلا لو الكاربيتير بحالة كويسة لكن لو متبهدل انسى