أكلت بلاعة بالعربية بتاعتي

[emk]

النهاردة وانا ماشي أخدت بلاعة عالية بالعربية الاوبترا بتاعتي بعديها لقيت صوت العربية عالي او ي وبيحصل صوت زي ما يكون خبط كدة في أول لما العربية تطلع بس بعد كدة مش بيبقي موجود بس الصوت عالي جداً لما بصيت عليها من تحت كدة في السريع من قدام لقيت فية عامود كدة مش عارف غالباً الشكمان فية خبطة بس مش عارف فية حاجة تانية ولا لا أنا قلقان أوي وخايف ان العربية يكون حصلها حاجة جامدة ياتري ممكن يكون إية أنا قولت أسألكو ياجماعة يمكن تتدلوني وشكراً

[adamlion]

غالبا ممكن تكون الشكمان اتخرم وممكن لاقدرالله تكون حاجه اكبر.
ادخل على اى بنزينة وخليه يبص لك على العربيه وان شاء الله خير.

[tata33]

اهم حاجة الخبطة متكونش جات فى الكارتير حاول تراقب الزيت لو تمام يبقى ماتقلقش ممكن يكون الشكمان

[emk]

المشكلة ان احنا في عيد ومفيش حد هيبقي فاتح يبص عليها عامة هحاول اشوف اي بنزينة بس اي حد هيبص هيعرف المشكلة فين ولا لازم فني ؟؟

[Islam Samir]

المشاركة الأصلية كتبت بواسطة emk المشكلة ان احنا في عيد ومفيش حد هيبقي فاتح يبص عليها عامة هحاول اشوف اي بنزينة بس اي حد هيبص هيعرف المشكلة فين ولا لازم فني ؟؟

اولا .. فكك من بتوع البنزينة عشان بيبقوا مش فاهمين اى حاجة و بيفتوا اى فتى و السلام
انت اول حاجة بص على كارتيرة الزيت (بتبقى تحت الموتور) لو لقيتها لا قدر الله بتجيب زيت يبقى استنى لما لعيد يخلص و اتحرك بالعربية لاقرب ميكانيكى بعد ماتزود العربية بالزيت الناقص
لو لقيت الكارتيرا سليمة ان شاء الله يبقى بنسبة كبيرة الموضوع كله هتبقى حاجة فى العفشة (جلبة او مقص) او كاوتشة الشكمان .. و كل ده كلام سهل و اى عفشجى ينجزهولك .. و اعتقد ان شاء الله تقدر تتحرك بالعربية لحد ما الميكانيكية يفتحوا ان شاء .. ولو مفيش مشاوير ضرورى يكون احسن لو تستنى لما العيد يخلص و توديها للميكانيكى على طول
و كل سنة و انت طيب و متدايقش نفسك