سخونية السيارة فى السفر و الدائري

[hobaus3000]

يا جماعة بعد اذنكم حد يتطوع ويرد ويحسسنا ان فى امل وان عارف انى مش ال واحد يحصل معاه كده والمنتدى ده مليان خبراء واساتذة فى الميكانيكة

[mr_astra]

لو فية صباب او اكتر بيهرب هتلاقى العربية بـ تتفتف من الشكمان صوت كدة معروف الميكانيكية عرفاة
هو انت لاغى ترموستات الكوعة ولا راكب
هل فية حاجات راكبة امام الردياتير زى فلتر سبور او كلاكسات
الشبكة الامامية فيها فتحات بتسمح بدخول الهواء ولا اية
وكنت اقترحت عليك انك تغير خرطوم المياة اللى فوق عملت كدة ولا لا

[hobaus3000]

يا جماعة انا اسف انى برد دلوقتى بعد كل الوقت ده بس والله والله العربية طلعت عيني بجد و غرمتني كتير كتير جداً الله يعوض علينا بس اخيراً لقيت الحل وعرفت سبب المشكلة وطبعاً ردى دلوقت عشان ممكن يفيد حد فى يوم من الايام لما يقرا الموضوع يعني للأستفادة وهو:-
ان بعتذر للأستاذ atgps و بعتذر لنفسي و لوقتى ومجهودى ومالى على اني مسمعتش كلام الاستاذ atgps وموضوع الطلمبة طبعا بعد ده كله اقعد مع نفسي وبعد ما فكرت ابيع العربية 1000 مرة افتكرت ان المشاكل كلها بدأت من بعد تغيير الطلمبة تخيلوا وفعلا قمت بفك الطلمبة الحالية وتركيب الطلمبة القديمة (شوفتوا ان الواحد ميفرطش فى حاجته اللى بتتغير من العربية علشان بتنفع) المهم سبحان مغيير الاحوال طبعا الحمد لله هنا بقى بان الضمير فين.
وهى طبعاً بتنقط تنقيط بسيط خالص طبعاً بسبب انها كانت مركونة يعني اكيد الاولسية نشف والبلي اكيد جرالوه اللى جرالوه بعد سنة ركنة المهم طبعاً مكنتش ناوى اتلسع تانى واشترى واغيير ويطلع العيب مش منها فقررت تغيرها بالقديمة اولاًَ ثم رؤية النتائج.
الضمير فين بقى هقولكم انا روحت اسأل على الطلمبة دلوقتى بكام وفى نفس الوقت نوعيه احسن من اللى راكبه فقالت لى السيدة التى تبيع وهم فعلاً اهل ثقة بالنسبة لى بعد اكثر من معاملة ربنا يجعلوا فى ميزان حسناتهم قالت ان عندها نوع ايطالى اصلي مش مضروب قولتلها ماهى اللى كانت راكبة كانت ايطالى قالتلى فى نوع اسمه D.A.R قولتلها برضه اللى كانت راكبة نفس النوع ورتني العلبة والعجيب فى الموضوع لقيت مكتوب على العلبة Fiat 128 والعلبة اللى كانت عندي مكتوب عليها LADA قولتلها العلبة اللى كانت عندى مكتوب عليها LADA فقالتلى طلمبة اللادا غير طلمبة 128 وقالتلى هما بيحطوا الطلمبة المضروبة فى العلب دى ويبيعوها على انها الاصلي والله اعلم (ان بعض الظن اثم) قالتلى بص على الطلمبة واقرا اللى مكتوب على الجنب بصيت لقيت مكتوب D.A.R E IN ITALY قولت اتأكد من اللى كانت راكبه ملقتش عليها كلام فعلاً الله يسامحهم وطبعاً الاتنين نفس السعر.

[svneleven]

الواحد بيجيب الحاجة جديدة عشان يشيلها من دماغة لكن طالما فيه انعدام ضمير يبقي الواحد يشك في الجديد قبل القديم. حسبنا الله و نعم الوكيل و 1000 مبروك.

[hassanmoktar]

كل ما قيل من الاسباب التى تؤدى الى سخونة السياره لكن تجاربى مع السيارات وعدم رحمة الصنيعايه يقودنا دائما الى البدا بالاسهل فالاصعب فنفس المشكله تمام كانت مع صحبى فى عربيه اسكودا فلشيا وقام بما قمت به وبزياده الغاء ترومستات الحراره الثانى الى فى الموتور
ياريت حضرتك تتاكد منسلامة الترومثتات بتاع الحراره العادى وده برده عن طريق مش واحد جديد ولكن واحد شغال كويس فى عربيه 28 وياريت لو الطرمبه والفكره فى اخدهم من عربيه تانيه على سبيل التجربه قطع الغيار المضروبه فى السوق وخاصتا الصصصصصصصصصصصصصينى