العودة   مصر موتورز مجتمع السيارات > منتدى الصيانة و اﻹصلاحات > منتدى الصيانة العام > المنتدى التعليمى والمكتبة الفنية

المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات


إضافة رد
 
أدوات الموضوع
  #6  
قديم 11-09-2012, 09:06 AM
الصورة الرمزية crime
crime crime غير متواجد حالياً
من انا؟: متخصص توظيف سيارات وومركز خدمه معتمد كيا
التخصص العملى: مروج سيارات للسفارات وشركات السياحه والهيئات الحكوميه
هواياتي: .جديد السيارات .الكتب سماع القران الكريم
 
تاريخ التسجيل: Mar 2010
الموقع: القاهره
المشاركات: 2,673
crime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond repute
افتراضي رد: ثرموستات الكوعة.... المفترى عليه

رد مع اقتباس
  #7  
قديم 11-09-2012, 04:13 PM
equation equation غير متواجد حالياً
 
تاريخ التسجيل: Sep 2012
المشاركات: 13
equation is on a distinguished road
افتراضي رد: ثرموستات الكوعة.... المفترى عليه


المشاركة الأصلية كتبت بواسطة borio1704 مشاهدة المشاركة


النهاردة هتكلم عن جزء مظلوم في العربية... معظم الناس بتعتبره حاجة مالهاش لازمة... ومجرد جزء الخواجات عاملينه عشان العربيات تمشي حلو في بلادهم... إنما احنا في مصر الجو عندنا حر... يا عم شييييل..

فكل ما حد يشتكي إن عربيته بتسخن... تلاقي أول حاجة الناس تقولها: "شيل ثرموستات الكوعة"




لو عرفت الفايدة من ثرموستات الكوعة هتعرف ينفع نشيله ولا لأ


بس الأول .... إيه هو ثرموستات الكوعة؟؟




ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير،




المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس وكمبيوتر.




من وجهة نظري فكرته عبقرية

فكرة المحبس ده ببساطة هي نفس فكرة الثرمومتر الزئبقي... اللي جواه زئبق بيتمدد مع الحرارة ومنه نقدر نعرف درجة الحرارة كام

الثرموستات ده عبارة عن اسطوانة جواها مادة بتمدد بالحرارة برضو... المادة دي هي شمع البارافين، ولما الشمع يتعرض لدرجة حرارة عالية بيتمدد ويخلي الاسطوانة تتحرك تدريجيا بعيد عن اسطوانة المحبس.



الترموستات بيبقى متعاير (مظبوط) على درجة حرارة معينة (بتبقى مكتوبة عليه)... اللي عندها بيبقى مفتوح على الآخر




طيب ... إيه اللي بيحصل لما الثرموستات ده بيبقى راكب وشغال صح في العربية؟؟


أول ما بتشغل العربية مية التريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،






ولما المياه تسخن يبدأ يفتح السكة للرادياتير عشان يبردها...




ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا




وبكده يحافظ على درجة حرارة ثابتة للتشغيل

عشان كده... ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية


طيب ليه الناس بتقول نلغي الثرموستات لو العربية فيها مشاكل سخونية؟؟

مشكلة ثرموستات الكوعة إنه ممكن يعطل وما يتحركش، وغالبا بيعطل في الوضع المقفول (أو النص مقفول)، وفي الوضع ده المية مش هتتبرد بما يكفي في الرادياتير



بس أهم ميزة في ثرموستات الكوعة إنه بيساعد كمان على التبريد المنتظم للموتور.... لوشلته الموتور مش حيتبرد كويس، وهتبقى السلندرات الأمامية (القريبة من الثرموستات) باردة والسلندرات البعيدة سخنة زيادة عن اللزوم.



ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان

طيب ليه درجة حرارة التشغيل لازم تبقى ثابتة؟؟


الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة
لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.


على فكرة... ثرموستات الكوعة مش للدول الباردة بس

وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟



من الآخر... الموتور البارد موتور بيفوت بسرعة.



طيب إيه أهم أعطال الثرموستات؟؟

الثرموستات لما يعطل معناه إنه ما بقاش يعمل المطلوب منه.. إنه يفتح ويقفل مع تغير درجة حرارة المية..

فممكن يعطل وهو مقفول... وفي الحالة دي يبقى الشمع اللي جواه اتسرب.. في الحالة دي لازم الثرموستات يتغير فورا.
وغالبا... الحكاية دي بتحصل لو الموتور سخن قوي ، ولازم نشيك على ثرموستات الكوعة قبل ما نصلح العطل الأساسي اللي سبب السخونية القوية دي.


أو ممكن يعطل وهو مفتوح (أو نص مفتوح)، وعادة دي بتحصل لما الصدا يكتر في مية الرادياتير ويحصل ترسبات على الثرموستات تخليه يتحجر... وهنا غالبا العربية مش هتسخن كويس... في الحالة دي لازم نغير الثرموستات وننضف دايرة التبريد كويس ونحط ميه خضرا.




وازاي أعرف إن الثرموستات ده شغال كويس ولا لأ؟؟؟؟

الموضوع سهل وعلى 3 خطوات
بس الأول هنبقى محتاجين نخلع الثرموستات ونعرف درجة حرارة التشغيل اللي مكتوبة عليه

1- لما نخلع الثرموستات ونسيبه في درجة حرارة الغرفة العادية.. المفروض نلاقيه قافل كويس
2- نجيب حوض ميه ونسخنه لحد 15 درجة مئوية قبل درجة حرارة التشغيل... يعني لو ممتوب عليه 90 درجة نسخن لحد 75 بس... ساعتها المفروض يفضل مقفول برضو.
3- نسخن المية لحد درجة حرارة التشغيل... ساعتها المفروض يبقى مفتوح على الآخر.


لو لقيت إن أي خطوة من التلاتة دول مش مظبوطة... يبقى لازم نغير الثرموستات


ملحوظة: فيه بعض أنواع الثرموستات ممكن تتظبط يدوي... وكان عندي منه في الكريسيدا.



ملخص الكلام

إلغاء ثرموستات الكوعة ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.

بس لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية



...

شكرا علي الموضوع الجميل ... انا فعلا الميكانيكي شال ترموستات الكوعة عندي و قالي ده احنا بنشيله من العربيات الجديدة ..... و بعديها العربية بقت تسخن و تبرد بشكل عشوائي ..... انا هاروح اخليه يركب واحد جديد ...... محدش يعرف تمنه كام ؟؟؟؟
رد مع اقتباس
  #8  
قديم 11-09-2012, 04:54 PM
الصورة الرمزية حبيب الناس
حبيب الناس حبيب الناس غير متواجد حالياً
من انا؟: مصر
التخصص العملى: محاسب بشركة العادل لأستيراد والتصدير
هواياتي: الكمبيوتر
 
تاريخ التسجيل: Oct 2009
الموقع: القاهره
المشاركات: 718
حبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond reputeحبيب الناس has a reputation beyond repute
افتراضي رد: ثرموستات الكوعة.... المفترى عليه

جد موضوع رائع
وشرح ممتاز وبسيط
وتسلم الايادي
نحن باتظار جيدي مواضيعك الشيقه
لك كل التحية
__________________

رد مع اقتباس
  #9  
قديم 11-09-2012, 05:06 PM
الصورة الرمزية amr elsisi 1
amr elsisi 1 amr elsisi 1 غير متواجد حالياً

التخصص العملى: مفتش صيانة
 
تاريخ التسجيل: Oct 2011
الموقع: الاسكندرية
المشاركات: 2,464
amr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond repute
افتراضي رد: ثرموستات الكوعة.... المفترى عليه

تسلم علي هذا المجهود
__________________

]من اهم مواضيعي المصورة
http://masrmotors.com/vb/showthread.php?t=90049 (كيف تتعرف علي قدرة المحرك)
http://masrmotors.com/vb/showthread.php?t=111175 (كيف تعتني بدورة التبريد)
http://www.masrmotors.com/vb/showthread.php?t=124669(شرح دورة الوقود وتنظيف الرشاشات)

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
رد مع اقتباس
  #10  
قديم 11-09-2012, 05:43 PM
الصورة الرمزية محمدصلاح القاضى
محمدصلاح القاضى محمدصلاح القاضى غير متواجد حالياً
من انا؟: محمد صلاح محمد القاضى
التخصص العملى: بصلح عربيتى حاليا
هواياتي: كل مايتعلق بالسيارات والكمبيوتر واجهزه الصوت
 
تاريخ التسجيل: Jul 2010
الموقع: طنـ بلد الاونطه ـــطا
المشاركات: 1,707
محمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond reputeمحمدصلاح القاضى has a reputation beyond repute
افتراضي رد: ثرموستات الكوعة.... المفترى عليه

تسلم على مجهودك الرائع
زى ما واضح فى الشرح وتقديم الصور
__________________

دا لينك اولتراس فيات 132

دا لينك صفحتى على الفيس بوك


رد مع اقتباس
إضافة رد

الكلمات الدليلية
ثرموستات, سخونة, thermostat

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:39 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017