سايبا برايد 2009 / 2010

[sheko fun]

أنا متشكر جدا طبعا لكل إلى ساهموا فى الموضوع وحاولوا الإفادة ( شـــــــــــــــكــــــــ ـــــرا)

أنا حاولت أستفيد بنفسى وأشوف بعينى فنزلت إمبارح يوم 11 /5 /2010 إلى شركة ناشونال موتورز إللى فى شارع الطيران .

روحت وشوفت العربية ( سايبا برايد ) وسئلت مدير الشركة عن موديل العربية وطلع إن أجدد موديل هو 2009 حتى الأن لاكن هوة قالى إن فى صفقة 2010 مع سيارات سايبا برايد ولكن هتبقى سيارات هاتش باك وذلك بعد النجاح الكبير إللى حدث فى مبيعات ( سايبا برايد 2009 ) . لاكن لسه منزلتش مصر .

وورانى العربية وشوفتها ولاقتها كويسة جدا فعلاَ . وقلبت فيها وشفت فيها كل حاجة وعجبتنى جداَ بالنسبة لسعرها .

هية عربية عائلية واسعة من جوه والشنطة واسعة جداَ . " ما شاء الله " .
وفيها تكيف وباور وسنترلوك ومصابيح شبورة وزجاج كهربى ( للأمام فقط ) بالإضافة إلى أن موتورها 1300 سى سى بمعدل 92 حصان . وبها خمس سرعات .

وأنا بصراحة مش محتاج أكثر من كدة . وسارعت بحجز سيارة لون فيرانى . ولكن حجزتها بالتقسيط على سنتين .

ملاحظة : كان مكتوب فى الجرايد الأسبوعية : أن الفائدة ( 3.1 % ) .
أكتشفت إن دة للفئة إللى بمبلغ ( 47500 جنية ) إللى من غير كماليات .

لكن إللى بكماليات (52500 جنية ) قاللى الفايدة بتاعتها (3.7 % ) .

قلت ماشى مش هتفرق كثيير علماَ بإنى كنت ناوى أقسط على ثلاث سنوات . لكن بعد كدة قلت أقسط على سنتين وهتبقى الفايدة ( صفر % ) .

هوة فى موضوع التقسيط بيطلب صورة من البطاقة + وصل كهرباء يزيد عن 10 جنية .
+ دفع مبلغ 1000 جنية تحت الحساب .

وبعد كدة أدفع المقدم عندهم فى الشركة والأقساط تدفع فى بنك ( كريدى أجريكول مصر ) فى أقرب فرع ليك .

بس أنا كان ليا ملاحظة واحدة شفتها هناك فى شركة ناشونال موتورز :

---- غير العربيات إللى فى المعرض كانوا عرضين من كل نوع سيارة واحدة , إنهم ركنين العربيات كلها بره فى الشمس , والتراب مغطيها وعربيات شكلها فخم قوى زى Kia Cerato و فلوكس فيجان الجديدة وسايبا برايد وسوزوكى ألتو . لاكن كان عليهم تراب كثير . ( إلى بره المعرض مش إلى جوة )

فأنا لاحظت إن لما حد بيطلب شراء نوع من السيارة بيقوللوا هتستلمها كمان كام يوم وبيجيبوا من العربيات إلى مركونة بره إلى عليها تراب كثيير ويلمعوها ويدوها بعد كدة للزبون . يعنى مش بيجيبوها من المخزن ولا حاجة .

والعربيات كلها معلهاش اللزق الأبيض إلى بيتلزق على السقف والكبوت عشان يحميها شوية .بإستثناء عربية KIA Cerato

كل دة مش مشكلة . المشكلة بقى إللى أنا فكرت فيها إن الأستاذ ( أبو نوره ) قال :

إن عربية ( سايبا برايد ) محتاجة متتركنش كثير فى الشارع بدون غطاء يحميها من التراب لأن التراب بيأثر على التكيف بتاع العربية .

طب ده عندهم كل العربيات ركنينها وشكلها كدة بقالها فترة طويلة وعليها تراب كثيير . فكنت عايز أستفسر على النقطة دى للأستاذ ( أبو نوره ) بما إنه هوة خبرة أكثر فى الموضوع دة .

وكنت عايز أى حد يفهمنى إزاى أعرف إزا كانت العربية إللى هيدوهالى فيها عيب وللا لأ .

وأخيراَ أسف على الإطالة ولكن أنا كنت عايز أوضح لكل من يريد شراء سيارة ( سايبا برايد ) بالتفصيل .

وللمرة الثانية شكراَ لكل الأعضاء إللى حاولوا إنهم يساعدونى فى الموضوع ( ألــــــــــف شـــــــــــكــــــــــــ ــــر )

[waelfarid]

الف الف مليون مبروك وربنا يعطيك خيرها ويكفيك شرها
ممكن ابو نورا يوضح لنا ازاي التراب بيبوظ تكييفها يعني انها بتحتاج دايما تكون متغطية مثلا

[chaosactive]

المشاركة الأصلية كتبت بواسطة sheko fun أنا متشكر جدا طبعا لكل إلى ساهموا فى الموضوع وحاولوا الإفادة ( شـــــــــــــــكــــــــ ـــــرا) أنا حاولت أستفيد بنفسى وأشوف بعينى فنزلت إمبارح يوم 11 /5 /2010 إلى شركة ناشونال موتورز إللى فى شارع الطيران . روحت وشوفت العربية ( سايبا برايد ) وسئلت مدير الشركة عن موديل العربية وطلع إن أجدد موديل هو 2009 حتى الأن لاكن هوة قالى إن فى صفقة 2010 مع سيارات سايبا برايد ولكن هتبقى سيارات هاتش باك وذلك بعد النجاح الكبير إللى حدث فى مبيعات ( سايبا برايد 2009 ) . لاكن لسه منزلتش مصر . وورانى العربية وشوفتها ولاقتها كويسة جدا فعلاَ . وقلبت فيها وشفت فيها كل حاجة وعجبتنى جداَ بالنسبة لسعرها . هية عربية عائلية واسعة من جوه والشنطة واسعة جداَ . " ما شاء الله " . وفيها تكيف وباور وسنترلوك ومصابيح شبورة وزجاج كهربى ( للأمام فقط ) بالإضافة إلى أن موتورها 1300 سى سى بمعدل 92 حصان . وبها خمس سرعات . وأنا بصراحة مش محتاج أكثر من كدة . وسارعت بحجز سيارة لون فيرانى . ولكن حجزتها بالتقسيط على سنتين . ملاحظة : كان مكتوب فى الجرايد الأسبوعية : أن الفائدة ( 3.1 % ) . أكتشفت إن دة للفئة إللى بمبلغ ( 47500 جنية ) إللى من غير كماليات . لكن إللى بكماليات (52500 جنية ) قاللى الفايدة بتاعتها (3.7 % ) . قلت ماشى مش هتفرق كثيير علماَ بإنى كنت ناوى أقسط على ثلاث سنوات . لكن بعد كدة قلت أقسط على سنتين وهتبقى الفايدة ( صفر % ) . هوة فى موضوع التقسيط بيطلب صورة من البطاقة + وصل كهرباء يزيد عن 10 جنية . + دفع مبلغ 1000 جنية تحت الحساب . وبعد كدة أدفع المقدم عندهم فى الشركة والأقساط تدفع فى بنك ( كريدى أجريكول مصر ) فى أقرب فرع ليك . بس أنا كان ليا ملاحظة واحدة شفتها هناك فى شركة ناشونال موتورز : ---- غير العربيات إللى فى المعرض كانوا عرضين من كل نوع سيارة واحدة , إنهم ركنين العربيات كلها بره فى الشمس , والتراب مغطيها وعربيات شكلها فخم قوى زى Kia Cerato و فلوكس فيجان الجديدة وسايبا برايد وسوزوكى ألتو . لاكن كان عليهم تراب كثير . ( إلى بره المعرض مش إلى جوة ) فأنا لاحظت إن لما حد بيطلب شراء نوع من السيارة بيقوللوا هتستلمها كمان كام يوم وبيجيبوا من العربيات إلى مركونة بره إلى عليها تراب كثيير ويلمعوها ويدوها بعد كدة للزبون . يعنى مش بيجيبوها من المخزن ولا حاجة . والعربيات كلها معلهاش اللزق الأبيض إلى بيتلزق على السقف والكبوت عشان يحميها شوية .بإستثناء عربية KIA Cerato كل دة مش مشكلة . المشكلة بقى إللى أنا فكرت فيها إن الأستاذ ( أبو نوره ) قال : إن عربية ( سايبا برايد ) محتاجة متتركنش كثير فى الشارع بدون غطاء يحميها من التراب لأن التراب بيأثر على التكيف بتاع العربية . طب ده عندهم كل العربيات ركنينها وشكلها كدة بقالها فترة طويلة وعليها تراب كثيير . فكنت عايز أستفسر على النقطة دى للأستاذ ( أبو نوره ) بما إنه هوة خبرة أكثر فى الموضوع دة . وكنت عايز أى حد يفهمنى إزاى أعرف إزا كانت العربية إللى هيدوهالى فيها عيب وللا لأ . وأخيراَ أسف على الإطالة ولكن أنا كنت عايز أوضح لكل من يريد شراء سيارة ( سايبا برايد ) بالتفصيل . وللمرة الثانية شكراَ لكل الأعضاء إللى حاولوا إنهم يساعدونى فى الموضوع ( ألــــــــــف شـــــــــــكــــــــــــ ــــر )

شكرا يا باشا على المعلومات القيمة و الف مبروك العربية
بس عندى استفسار ......هل معنى كلامك ان لو قسطت على سنتين مش هيبقى فيه فوائد تماما ....و ايه المقدم الى مفروض يدفع لو القسط على سنتين و قد ايه القسط فى الشهر ؟؟؟
شكرا مقدما

[sheko fun]

المشاركة الأصلية كتبت بواسطة chaosactive شكرا يا باشا على المعلومات القيمة و الف مبروك العربية بس عندى استفسار ......هل معنى كلامك ان لو قسطت على سنتين مش هيبقى فيه فوائد تماما ....و ايه المقدم الى مفروض يدفع لو القسط على سنتين و قد ايه القسط فى الشهر ؟؟؟ شكرا مقدما

بص هوة التقسيط على حسب الدخل إللى ناتج عن العمل إللى حضرتك بتشتغله

بما إنى ( معاش مبكر ) فلازم أدفع نصف الثمن وبعدين تقسط النصف الاَخر على سنتين أو ثلاث سنين

لو سنتين هيبقى بدون فوايد
ولو ثلاثة سنين هتبقى بفايدة 3.7 %
ولازم تدفع رسوم للبنك قيمتها : 400 جنية .
وتحجز الأول بألف جنية , وصورة من البطاقة ووصل كهرباء يزيد عن 10 جنية .
وفلوس تأمين وترخيص بحوالى : 3000 جنية .

وأنا بالنسبالى كنت هدفع الإقساط من فلوس المعاش

ولكن المفاجئة بقى إللى خلتنى أتردد فى موضوع التقسيط إنى روحت البنك إللى أسمه ( كريدى أجريكوول ) وهوة قدام مجلس الشورى بالظبط . روحت إنهاردة إكتشفت حاجات تانية .

لاقيت إنهم بيزودوا فى الفايدة بعد ما قاللوا بدون فوايد زودوا حواللى 15 جنية على كل شهر . دة غير ال400 جنية إلى خدوها

أنا قلت مش مشكلة , لاكن لاقتهم عايزين يمضونى على شيكات وورق كثيييييييييييييييير ولازم أبصم وأمضى وحاجات كثير .

فأنا رفضت وقلت أخدها من قصرها وأستنى شوية قليلة وهيكون معايا حق العربية كاش أحسن بكثيير والله . يعنى لو هجيب عربية كاش مش هدفع تأمين . إللى كان هيقف عليا بثلاثة ألاف .

لاكن روحت المعرض بتاع ناشونال موتورز عشان أسحب الألف جنية إللى أنا دفعتها مرضيش وقاللى إن الإستمارة بتاعتك أتقبلت ومدام إتقبلت مينفعش تاخد فلوسك .

علماَ إنهم كاتبين فى الوصل بتاع الألف جنية إللى دفعته إن لازم تمضى العقد معاهم أولاَ وفى حالة التوقيع على العقد وأراد العميل أن يسحب فلوسه يدفع شرط جزائى 2000 جنية .

وأنا مكنتش وقعت ولا أى حاجة . فأعدت أطالب بحقى لغاية معملى إستمارة تجديد وخليتوا يوافق عليها هو ومدير المبيعات والخزنة وقالى خلاص كمان يومين وتقدر تاخد فلوسك .

فكرنى بالظبط لما تشترى حاجة ولما تروح البيت متعجبكش وعايز ترجعها فيفضل يقاوح معاك شوية لكن فى الأخر الحمد لله بترجع .

عموماَ هية العربية كويسة بس لو مش من شركة ناشونال لأنهم بيبيعوا العربية السليمة مع المعيوبة وأنت وحظك ودة إللى فهمتوا بعدين وخلانى أتراجع بردوا فى رأييى . ولو أنت عايز تشتريها أنصحك بلاش تقسط عشان شكلهم ميطمنش فى موضوع التقسيط .

وبعدين المندوب بتاعهم إللى إسموا ( محمد خطاب ) إللى فى معرض ش الطيران بصراحة رخم قوى وأنا مطمنتلهوش من ساعت ما شوفتوا كل شوية المدير بتاعه يبقى عايز يمشيللى الإجرائات بسهولة وبيتعامل بكل زووق لاكن هوة بقى يفضل يعقدهالى .


أنا أسف طبعاَ على كل الإطالة دى ولكن أنا أقسم بالله عايز أفيدك وأفيد جميع أعضاء المنتدى على أد مقدر .

وعشان أكون صادق معاك أكثر أبعد عن شركة ناشونال موتورز . والله الحمد لله إنى بعدت عنهم , وفعلاَ فى ناس كثيير إشتكت منهم . وأنا هحاول أجيب رينو لوجان أفضل أو لادا سمارا 2115 .

دة حتى والراجل بيفرج الناس على العربية وأنا قاعد جنبيهم بشوف . قالولوا عيزين نشوف الموتور فجيه يفتح الكبوت من جوة العربية فتفتح لاكن مش عايز يطلع لفوق فقعد خمس دقايق أو أكثر بيحاول يفتحة مش راضى لغاية مراح فتحة بكل قوته حاسيت بصوت تقتقة زى ميكون فى حاجة إتقطمت وكان شكله محرج قوى وهوة بيفرج الناس على العربية . وقبل كدة واحد قاللى إنه أشترى عربية متسوبيشى لانسر من ناشونال موتورز وطلع فيها عيوب وراح أشتكى . قالولوا إنت مشيت بيها ومينفعش ترجع وفى الصيانة هيظبطوهالك .

طب دة كلام يعنى الواحد يجيب منهم عربية جديدة ويدوهالوا فيها عيوب كإنها مستعملة .

عموما نصيحة ليك بلاش تجيب من ناشونال موتورز . وأنا إنسحبت من عندهم فى أخر لحظة .( الحمد لله ) .


وأتمنى لك التوفيق وإنك تلاقى العربية المناسبة ليك وإللى تعيش معاك عمر طويييييييل . إن شاء الله .

[chaosactive]

الف الف شكر يا باشا على الرد السريع و الأهتمام
انا كنت بفكر اجيب العربيه دى عشان سعرها مميز جدا بالنسبه لآمكانيتها
هوا مافيش حد تانى بيبيعها غير جنرال موتورز؟؟
....شكرا مره اخرى