|
|||||||
| برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان |
 |
|
|
أدوات الموضوع |
|
|||||||
| برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان |
|
|
|
أدوات الموضوع |
|
#1
20-07-2015, 08:05 AM
|
|||
|
|||
تجربة سيئة مع وكيل سايبا : ناشيونال موتورز
السلام عليكم ..
كل عام وأنتم بخير وتقبل الله منا منكم حصلت معايا مشكلة في شركة National Motors وكيل سيارات Saipa و Glory في مصر... أنا معايا عربية سايبا برايد 2006 ومن ساعة ما وديتها تتصلح عندهم يصلحوا مشكلة ترجع فيها مشكلة أكبر من اللي قبلها _____ - مقدمة المشكلة: في شهر يناير الماضي رحت للتوكيل عشان العربية كان فيها جوان بيسرب مياة وسير دينامو مقطوع ... قالولي هنغير وش السلندر وكام ماسورة وسير وخرطوم في العربية عشان دايبين.. تم التصليح فعلا ورحتلهم بعد أسبوع استلمت العربية وكانت شغالة عادي زي الأول وأنا راجع حسيت إن استهلاك البنزين أزيد من العادي -من الورشة للبيت حوالي 70كم - بس قولت يمكن بيتهيألي واستنيت لحد ما فولت العربية عشان أحسب الاستهلاك مظبوط العربية بتاخد حولي 30 لتر في التفويلة الواحدة وبتمشي بيها حوالي 350 كم في المتوسط ... بعد التفويلة لقيت استهلاك البنزين زاد أكتر من مرة ونص والتنك خلى العربية تمشي حوالى 220كم بس رجعت للتوكيل تاني - في نص فبراير على ما أذكر - وقولتلهم على المشكلة قالي يمكن بس الرشاشات متوسخة ولا حاجة وحط بنزين 95 نص تفويلة عشان يفوق العربية ... سمعت الكلام وحطيت منظف إنجكشن لكن مفيش أي تأثير ... نفس مشكلة البنزين زي ما هي كل دة ومشوار التوكيل بياكل وقت رهيب وفلوس محروقة في البنزين اللي بيطير في الهوا و طبعا بقيت بأستعملها أقل بكتير من الأول عشان البنزين غالي ومش غاوي أرمي فلوس في الأرض ... لغاية ما أعرف آخدهالهم تاني يشوفوا هما عملوا إيه خلى الاستهلاك يعلى كدة _____ - المشكلة بقى: بعد حوالي شهر ونص شهرين من الزيارة بتاعة فبراير العربية فتحت بقها تماما , تقطيع ودخان أسود من الشكمان وصوت عالى وسحب ضعيف وصوت تنفيس من جوة موتور العربية ... المهم سيبتها مركونة وأنا وزوجتي بقينا بنستعمل العربية التانية مؤقتاً لغاية ما أفضى للمشوار وتصليح زقزوقة هانم فضيت شوية في أواخر رمضان اللي فات فأخدت معاد منهم بالتليفون وأخدت العربية يوم السبت 11 يوليو إلى التوكيل وأنا عامل حسابي أسلمهم العربية وأسيبهالهم لغاية ما بعد العيد إن مكانش أكتر لغاية ما تتصلح وصلت التوكيل حوالي الساعة 11:15 وقعدت في الاستقبال مستني دوري لغاية ما لقيت م/أحمد داخل فقمت سلمت عليه وقولتلة العربية لسة البنزين فيها عالى زي الأول ومتصلحش وفيها كذا حاجة باظت تاني وأنا شاكك إنها من التصليح الأخير اللي إنتم عملتهولي قالي مش هينفع أستلم العربية عشان عندي أوردرات كتير وكدة .. قولتله أنا عايزك تستلمها وأنا همشي ومش عايز أستلمها النهاردة قالي طيب هجيلك كمان شوية جت الساعة 12 قمت أصلي الظهر وخرجت من المصلى حوالى 12:15 مكنش فيه غير عربيتي بس اللي منطقة استلام العربيات وبقيت العربيات يا دخلت يا مستنية صاحبها يستلمها ... رحت لـ م/ أحمد تاني , والراجل جه معايا وبص عالعربية وقالي في رشاش بايظ والعربية متلتة (فيها سلندر مش شغال) وهتتكف جامد .... قولتله طيب مش مشكلة ,استلمها عشان عايز أمشي ومستعجل .. قالي اديني شوية أبص على حاجة عشر دقايق وهو داخل خارج وأنا مستني ... روحتله تاي قالي أصل أنا مش متأكد إن عندي قطع الغيار وسابني ومشي روحتله تاني بعد 10 دقايق يا بشمهندس استلم العربية خليها عندك لغاية ما تصلحها حتى لو قعدت عندن بعد العيد بأسبوعين .. أنا مستعجل ولازم أمشي دلوقتي قالي إنت عايز تسلمهالي وترمي الكورة في ملعبي ... استنى هروح أجيب الـ م/روماني يص عليها ونشوف هيقول إيه قولتله هي أصلاً خارجة من عندكوا فيها مشكلة البنزين والخراطيم بتاعة الهوا اللي غيرتوها بتنفّس ... يعني في التصليح بتاعكوا ومش بعيد تكون الرشاشات باظت بسبب وش السلندر الجديد ... قالي الرشاشات ملهاش دعوة وخليني أروح أجيب م/روماني يبص عالعربية المهم قعدت مستني وهو داخل خارج وكل شوية أروحله يقولي أهو رايح أجيبه ... خمس دقايق .. دقيقة لغاية ما الساعة كانت 1:15 وكنت جبت آخري من المناهدة والمحايلة ومماطلتهم معايا ومكنش ينفع أستنى أكتر من كدة ... روحت واخد العربية وماشي وبعد أجازة العيد إن شاء الله هعمل شكوى في حماية المستهلك ___ الخلاصة من وجهة نظري: - وش السلندر اتركب غلط وتسبب في زيادة استهلاك البنزين - الخراطيم والمواسير اللي اتغيرت بعضها ما تقفلش كويس وفك من مكانه وبدأ يسرب بعد فترة بسيطة ... - رافضين يستلموا العربية - الله أعلم إيه تاني في العربية التعديل الأخير تم بواسطة engineer05 ; 20-07-2015 الساعة 08:10 AM 
|
|
#2
25-07-2015, 02:50 AM
|
||||
|
||||
|
رد: تجربة سيئة مع وكيل سايبا : ناشيونال موتورز
انا مصدق كل كلمة قولتها وكان ليا تجارب سيئه قبل كدة معاهم برضو والخلاصة انهم ميختلفوش عن ورشة ميكانيكى فاشل فى اى حته وقلتهم احسن المشكلة بس فى قطع الغيار
انا لو منك مكنتش وثقت فيهم كل ده وضيعت كل الوقت ده يادوب هما غيرولك الوش كنت تروح بيها على ميكانيكى محترم يشيك على شغلهم ان شاء الله يعيد عليه صدقنى احسن واوفر وقت وحرقة دم وفلوس سعات كمان ربنا يعينك وابقى قولنا عملت ايه
|
|
#3
25-07-2015, 09:32 PM
|
|||
|
|||
رد: تجربة سيئة مع وكيل سايبا : ناشيونال موتورز
الحقيقة أنا أخدت الصدمة كلها مرة واحدة ... أنا كنت فاكر إنهم بيشوفوا شغلهم وبيعملوا اللي عليهم لغاية آخر واقعة دي فسرت حاجات ومواقف كتير كنت بقول إني متحامل عليهم فيها هحاول إن شاء الله أحدث الموضوع بأي جديد إن شاء الله
|
|
#4
26-07-2015, 04:58 PM
|
||||
|
||||
|
رد: تجربة سيئة مع وكيل سايبا : ناشيونال موتورز
ربنا يصلح الاحوال
__________________
د / محمد إن الله لا يصلح عمل المفسدين
|
|
#5
26-07-2015, 07:18 PM
|
||||
|
||||
|
رد: تجربة سيئة مع وكيل سايبا : ناشيونال موتورز
ربنا يوفقك فى استرجاع حقك ويعوض عليك يارب
|
|
| الكلمات الدليلية |
| سايبا, ناشيونال موتورز notional motors برايد |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اكواد اعطال السيارات مترجمة باللغة العربية ترجمة فنية | DiamondEgypt | ميكانيكا السيارة | 8 | 28-12-2017 12:06 PM |
| اسعار قطع غيار سايبا برايد من قبل الوكيل ناشيونال موتورز | هيمو | سوق قطع الغيار | 41 | 22-04-2015 02:49 AM |
| زيت المحركات المانى الصنع LIQUI MOLY | elmanahry | ميكانيكا السيارة | 731 | 07-04-2012 01:14 PM |
| ارشيف احداث عام 2009 | ahmedsalah | الاخبار العالمية | 891 | 11-06-2011 02:54 AM |
| التوكيل و الموزعون المعتمدون - شيفروليه | sh_masry | شيفروليه الكورية CHEVROLET و دايو DAEWOO | 3 | 03-10-2010 04:44 AM |
