العودة   مصر موتورز مجتمع السيارات > السيارات الكورية والماليزية > كيا KIA > برايد Pride

برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان


إضافة رد
 
أدوات الموضوع
  #56  
قديم 27-11-2014, 09:56 AM
الصورة الرمزية msm_classic
msm_classic msm_classic غير متواجد حالياً
من انا؟: مجنون عربيات
التخصص العملى: System Administrator
هواياتي: السيارات والميكانيكا
 
تاريخ التسجيل: Jul 2010
الموقع: القاهرة
المشاركات: 126
msm_classic is just really nicemsm_classic is just really nicemsm_classic is just really nicemsm_classic is just really nicemsm_classic is just really nice
افتراضي رد: تقرير عن البرايد سايبا

السلام عليكم ورحمه الله وبركاته

بجد تقرير رائع ووافي للميزات وعيوب العربيه السابا برايد , مشكورين عليه وجزاكم الله خير فيه لافادة الكثير من الناس .

بجد يارجاله العربيه دخله دماغي وناوي عليها ان شاء الله اجبها في شهر واحد الجي (بعد ما اقبض الجمعيه )... واكون بعت حبيبه قلبي سوكه وخلصت منها بعد 3 سنين شقى وعناد بيني وبنها (128)

العربيه انا شفتها اكتر من مرة وعجبتني مع العلم ان سعرها زاد الى 58 الف ومش موجودة والدفعه الجديدة نازله في شهر واحد والمعرض قالي انها هتذيد عن كدة بـ الفين كمان ودة بجد حرام

بس هانعمل ايه الفئه السعريه بتاعت الـ 60 الف مافيش الا كام عربيه انا بختار بنهم
(التو الجديدة - الماروتي - السابا - كام عربيه صيني ملهمش اسم في السوق) فانا شايف انه الانسب بامكانيتها ووسعها .. وعيوبها الغير مقلقه بالمرة لواحد خارج من 128 اشغال شاقه ( خلتني مافكرش في المستعمل نهائي عشان نفسي اعمل هدنه مع الصنيعيه )

العربيه حلوة للامانه بعد فحصها وسؤال اكثر من واحد سايقها في الشارع وسؤال المكانيكيه عليها .


بس انا نفسي اعرف هل ممكن يركبها غاز ... وهاتعمل ايه معاه ... وخاصه بعد غلو البنزين , وان الـ 80 ماينفعلهاش ؟ حد عندة معلومه ؟
رد مع اقتباس
  #57  
قديم 18-03-2015, 09:25 AM
هشام عبد العزيز2012 هشام عبد العزيز2012 غير متواجد حالياً
 
تاريخ التسجيل: Aug 2011
المشاركات: 72
هشام عبد العزيز2012 is on a distinguished road
افتراضي رد: تقرير عن البرايد سايبا


المشاركة الأصلية كتبت بواسطة AbOnOrA مشاهدة المشاركة

احنا حبيت اخر ردى ورائى عن العربية علشان ميأثرش على راى باقى الزملا المشرفين اللى عملوا معانا الرفيو ولان راى عن العربية ممكن يبان متحيز لانى عندى عربيتين منها
(الكورى العصفورة - والايرانى القديمة )

بس بغض النظر عن رائى فى العربية واللى قولتة كتير هرد فقط على النقاط اللى اثيرت عنها

سعرها المبالغ فيه
ديه اكتر نقطة دار الكلام عنها


انا اول واحد قولت ياريت سعرها يبقى اقل بس ده من منطلق المصلحة العامة ولان الناس محتاجة عربيات يعتمد عليها فى فئة تحت (50 الف) لان اغلب العربيات من 40 - 60 فى بلدنا مش عربيات يعتمد عليها فعلا ومش عربيات شقى

لكن بدام بنتكلم فى سعر يبقى لازم نقيس السعر ده بالنسبة للسوق المصرى

اولا نقارنها بتسعيرالسيارات المعاد انتاجها

ماروتى - لانوس - فيرنا - اكسنت - فلوريدا - فيات 128 - لادا - الشاهين

مين فى دول سعرها مناسب لسعرها عالمياً او قيمتها الحقيقية ؟؟

وانهى عربية فى مصر سعرها مناسب لقيتمها وسعرها عالمياً اصلاً ؟؟

هتلاقو ان كل العربيات ديه سعرها اكبر بكتيييييير برضو من قيمتها الحقيقية برة وعمر ما الناس بطلت تشتريها للسبب ده لانها ببساطة بتقارن سعرها بسعر السوق المصرى وفى الاخر بتبقى منافسة برضو


فبختصار سعر العربية منافس جداً فى السوق واذا ربطناه بتكاليف التشغيل
(استهلاك بنزين - اعتمادية - سعر قطع غيار - اسعار الصيانة الخ الخ )
تبقى من افضل العربيات من حيث السعر فى الشريحة ديه




بالنسبة للتقفيل والشكل الخارجى


1- تانى هقول من امتى جودة التقفيل بيبقى عامل اساسى فى عربية فى الشريحة ديه ؟

2- كمان نفس معايير التقفيل ديه هى اللى كانت متبعة فى العربيات السيدان اللى نزلت بتقفيل AAV والعربيات لحد دلوقتى شغالة وبتتباع ومساكة سعرها فى السوق

3- بالاضافة لان مستوى التقفيل لا يقل عن تقفيل عربيات زى الفلوريدا - والادا - وال 128 - والشاهين
لكن معلوم ان العربيات اللى تصميمها حاد ومربع زى الشاهين والادا مبتظهرش فيها عيوب التقفيل الخارجى زى العربيات اللى فيعل بومبيهات وسوك كتير

لا شك ان تقفيلها سىء بس ده بالمقارنة بعربيات اعلى منها والوحيدة فى الشريحة ديه اللى تقفيلها يفوقها هى السبيرانزا A11 وسعرها اغلى منها على الاقل 5 الاف جنية


وعلشان الناس تبقى فاهمة يعنى ايه تقفيل سىء هوضح وادى امثلة بحالة عربيتى بعد استخدام شاااااااااق جدا لمدى سنتين

امثلة لمشاكل التقفيل


عزل صوت سىء نظراً لخامات كاوتش الابواب وطريقة تركيبها واتساع الفروق بين الابواب
تلف بعض مكونات الصالون (اوكر - زراير - مساند زراع) ويتم اصلاحها فى التوكيل بالاضافة لان اسعارها ذهيدة ومتوفرة

سلك فيشة الكمبيوتر بيقع على الدوسات زى ماهو باين فى الصور وديه اى كهربائى يثبتها صح مرة وخلاص
غير كده مفيش تؤثر على قيمة العربية ولا ادائها وطبعاً العيوب ديه مقبولة فى عربية بالسعر ده





بالنسبة للتكنولوجيا

العربية تكنولوجيا احدث من الادا والفلوريدا وال 128 وبنفس سعرهم
وبعدين من امتى التقدم التكنولوجى بيبقى عامل اساسى فى عربية اقتصادية زى دى
بالعكس اقتناء عربية بسيطة تكنولوجياً اسهل فى الصيانة واوفر وده مطلوب فى الشريحة ديه من العربيات
وشوفوا سواقين التاكسى كانوا زعلانين قد ايه لما نزلت الشاهين انجكشن


بالنسبة للاعتمادية والجودة

العربية اثبتت اعتمادية لا تنافس على مدى سنين طويلة وده السبب الاساسى فى نجاحها وانتشارها رغم ان تصميمها مش خرافى وشكلها بالنسبة لناس كتير مش حلو ان لم يكن سىء بالنسبة لناس تانية
كمان يذكر ان العربية شغالة فى مصر من زمان تاكسى وشغالة فى ايران من زمان تاكسى (التاكسى الاول فى ايران وسوريا)

وتحديداً اذكر النقاط التالية


بالنسبة للعفشة

عفشة عملية جداً (تقارن باعتمادية الشاهين ) وافضل من عفشة اللادا وعفشة ال128
لايعيبها الا مشكلة بيض العجل وسعره مابين 50 - 70 جنية جديد وعمرة الافتراضى من 40 الى 80 الف حسب الاستهلاك
وفى المقابل عفشتها مريحة جداً بالمقارنة بال128 والشاهين والادا
ونظام التوجية هو الافضل فى الشريحة ديه


بالنسبة للموتور

هو موتور المازدا B3 وهو احدث بعض الشىء من موتور المازدا 323 اللى مازال يستخدم فى سيارات حتى الان وهو موتور موفر فى البنزين وادائه عالى فى السحب وسهل فى صيانتة ومعمر
وديه معاملات مهمة جداًُ فى عربية للاستخدام داخل المدينة وبشكل اقتصادى
الموتور ده استخدم قبل كده فى العربيات التالية
مازدا 121 - فورد فيستيفا - كيا برايد بكل موديلاتها الكورى والايرانى


بالنسبة للمكونات الكهربية
مكونات الانجكشن هى نفسها المستخدمة فى كل العربيات الكورية وهى من شركة سيمنس الالمانية وفى خلال سنتين من تواجد الموديل الانجكشن فى مصر مشوفتش حد عندة مشكلة فى مكوناتة (حساسات - صبابات - وحدة رئيسية)
فقط مشكلة ال TPS ومحصلتش مع حد غيرى وده لانى كنت بغسل العربية كتير بالجاز ومغيرتهوش واتظبط لوحدة بقالو اكتر من 3 شهور !
البطارية الايرانى سيئة والازرار بتاعة الزجاج الكهرباء بتبوظ بسرعة (بعد سنتين من الاستخدام الشاق)




بالنسبة لقطع الغيار والصيانة


قطع غيار منتشرة فى التوكيلات وخارجها ببدائل (كورى - تيوانى - ايرانى - صينى)
اسعار رخيصة جدا وتعتبر من ارخص الاسعار على الاطلاق
صيانة سهلة لانها زى ماقولت قبل كده مش تكنولوجيا جديدة او معقدة
صيانة متوفرة عن اى ميكانيكى بالاضافة لمراكز متخصصة فى كيا (حافظين العربية عن ظهر قلب)
زى ( عبر البلاد - وتوكيل كيا القديم وليد توفيق )


والعربية اصلا مفيهاش حاجة محتاجة حد خبير اصلاًَ

ديه الحقيقة واتمنى اكون عرضتها بشكل حيادى ومختصر ويسعدنى مناقشة جميع الاراء سواء كانت معارضة او مؤيدة
ايه الجمال والحلاوه دى
انتا جبت كل حاجه عيوب ومميزات بحياديه شديده وعلم جيد تسلم والله
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:22 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017