|
#531
24-08-2010, 09:23 PM
|
||||
|
||||
رد: أدب الرحلات
الشخير(1)
كنا فى صحراء العلمين رحلة مرهقة طول اليوم وأراضى غير ممهدة وطبعا طالما لايوجد حمام فلا طعام (بالنسبة لى طبعا لكن العرب على أى جنب وأديها )ثم عدنا وفى طريق العودة وكان الجو شتاءا تأخرنا الى الليل والشبورة هبطت بكثافة وانا كنت متخذ القرار بالتكملة الى الاسكندرية لتوصيل اخوننا ثم العودة الى القاهرة ولكن اعترض الجميع والطريق خطر واحنا خايفين اومال انت اللى سايق مفروض تبقى اكتر خوفا ونـزولا على رغبة الجماهير دخلنا عند احد اخواننا من العرب فى بيته واستضافنا فى المربوعة(شرحناها قبل كده) لكـن حدث شىء غريب كنا 8 أفراد مقسمين على سيارتين وفوجئت ب5 من ال8 هربو من المربوعة والنوم فيها وانا مش فاهم ايه الموضوع ودخلنا احنا ال3 الباقيين الى المربوعة وهى واسعة وكبيره وبعد العشاء فوجئت بدل م ننام كلنا فى المربوعة وخاصة انها تكفى اكتر من 20 واحد لقيت الكل اصر انه ينام فى مكان تانى ماعدا انا وواحد غريب زى حالاتى وواحد من العرب اهل المكان واللى معايا لم يلاحظ اى شىء لكن انا ساورنى الشك ونايم متحفز والمخ شغال ايه اللى هيحصل ولكن مفيش اى دلائل لشىء غلط ثم ان دول اهل ثقة مش هيعملو فيا مقلب وطفينا النور وجينا ننام ظهر المقلب صاحبنا العرباوى كان له شخير عاااااااااااااااااااااااا ااااااااااااااااااااالى جدا لدرجة تحس زلزال يهز المربوعة رغم انها واسعة جدا(أه والله بلا مبالغة ) تتصرف كيف ياعبد الرحيم تتصرف كيف ياعبد الرحيم تتصرف كيف ياعبد الرحيــم ملهاش حل يمكن نايم غلط حطيت المرتبة على دماغى ونمت على الأرض والمخدة فوق المرتبة لكن تحس شنيور اخترق كل المصفحات دى ودخل خرم دماغك مفيش فايدة وبكلم اللى معايا وهو فلاح فصيح من ابيس /اسكندرية فقال /ياعم نصحيه هو نايم على جنب غلط وراح منادى عليه ياحاج فلان نعم اتعدل حاضر واتعدل على الجنب التانى فعلا ومفيش 30 ثانية والزلزال رجع والله ولا فيلم توم وجيرى لما كان البيت كله يتهز من زلزال النمل ده ايه الليلة البيضا دى المهم منمناش طول الليل وم صدقنا الفجر أذن وصحيناه صحى شاف منظرنا ومات على روحه من الضحك واخواننا شافو منظرنا فهمو الموضوع وهات ياتريقة ناس مرهقة بفتح (الهاء) بعد رحلة مرهقة(بكسر الهاء المرة دى) ومناموش شكلهم طبعا تحفة وبعدين سأ لته بعد الصلاة كان فى زلزال عندنا فى المربوعة طول الليل فضحك وقال / أه تقصد الشخير أيوه انا محتاج عملية جراحيه هتتكلف 27000 جنيه انا وبغيظ / ليه ياعم هيركبولك مناخير تانية ؟؟ فقال/ لأ أصل انا عندى عيب معين فى المناخير بيطلع الصوت بالمنظر العالى ده وهتعمل ايه ولاحاجة اللى متضايق منى يعمل لى هو العملية على حسابه على كده المدام مقدمتش استقالتها (طلبت الطلاق بس بهزار) المدام اخدت على كده (مش عارف حاسس ان دى نصباية) معقول حد ياخد على كده؟؟؟؟؟؟؟؟ 
|
|
#532
24-08-2010, 09:37 PM
|
||||
|
||||
|
رد: أدب الرحلات
الشخير(2)
وفى قطارات الوجه القبلى وتحديدا المكيفة بكافة انواعها والمسافرة ليلا بالذات تجد الواحد من دول يادوب دخل القطر وبرضه يادوب القطار اتحرك و زيـيـيـيـووووووووو راح مقلوب وكأن فى علاقة كهرومغناطيسية بينه وبين تحرك القطار والاقى نفسى الوحيد اللى صاحى فى العربية واسمع جميع انواع السيمفونيات من الخامسة لبيتهوفن لموتسارت لشوبان لباخ (ده موسيقار والله غير عم باخ بتاع اللمبى) لطا خ لطراااااخ (دول موسيقيين تانيين) كله على كله لكن فى يوم واحد كان شخيره عاااااااالى جدا تفوق على الجميع لدرجة ان عربية القطار اللى احنا فيها كلها صحيت وواحد راح له بالصعيدى وقال / انت ياجدع انت مش عارفين اننامو (ننام) وانا مالى وانت مالك كيف انت اللى مصحينا فلم يهتم بيه و كمل نوم فصاحبنا قال له / لو سمعت صوت شخارتـك (بضم الشين وفتح الخاء/ شخيرك) هاجى اجص (اقص) مناخيرك مردش عليه وعاد الهدوء الى القطار مرة اخرى لكن بينى وبينكو كان نفسى يشخر لانى لوحدى اللى صاحي شيء مزعج وقد كان و شوية وعلى صوته تانى والناس كلها صحيت ورا ح له صاحبنا تانى انت ياافندى انت نعم نام من غير صوت فلم يهتم بيه وكمل نوم وصاحبنا اتغاظ وراح واكله بالقلم وكانت معركة حامية الوطيس بجد وبالعافية خلصناهم لكن اثناء المعركة صاحبنا اللى ضارب بيقول للمضروب بزعيق / مش عارفينن اننامو (ننام) والمضروب قال / وهو انت حاجز فى جطر (قطار) النوم ؟ انت ع تـتـمـأ لت (بتتريق) على (عليا) واشتعلت المعركة لكن الوحيد الى كان مبسوط انها شعللت كان انا لان القطار كله صحى وعادت اليه الحياة مرة اخرى
|
|
#533
25-08-2010, 01:14 AM
|
|||
|
|||
متفكرنيش ارجوك خليني ساكت
هو انتوا كل واحد تتغظوا منه في القطر يا تضربوه علي قفاه ياما علي وشه ياما ترموه من القطر ايه الافترا ده التعديل الأخير تم بواسطة hazem_khidr ; 06-11-2010 الساعة 05:04 PM
|
|
#534
25-08-2010, 02:28 AM
|
||||
|
||||
رد: أدب الرحلات
|
|
#535
25-08-2010, 03:19 AM
|
||||
|
||||
|
رد: أدب الرحلات
المؤتمر الثامن (المعاشات والبنوك ونظام التأمينات)
قاعدين فى أمان الله وطلع لنا واحد من فوق الرف كان نايم وصحى من النوم وقال لزميله / يااخى الحمد لله انا نظام المعاشات ده موجود اهو على قرشين الفوايد بتوع البنك اهو الواحد يعرف يعيش بيهم وانا ف عقل بالى قلت ياعم انا قاعد فى حالى لازم تستفزونى انت فاهم يعنى ايه نظام معاشات وتأمينات وبنوك والوش ده والا بتتكلم وخلاص قرشين بيتخصمو كل شهر وبتاخدهم اخر الخدمة مين قال كده امرنا لله ونقول لكم شوف ياسيدى زماااااااااااان من حوالى 120 سنة تقريبا فى المانيا كان فى راجل اسمه روتشيلد بتاع روبابيكيا بعد م خلص لفته ركن عربية الروبابيكيا القديمة وكان فيها ترس ودرع خردة ودخل البيت واترمى على كنبة قديمة مبهدلة وجاب عياله ال 2 وقال جملة عجيبة شوية قال / يااولاد انا قررت احكم العالم الأعجب بقى ان اولاده وافقو ه متريقوش عليه ورسمو الخطة والبداية انهم يجمعو فلوس من الناس ويدوها لهم بعد فترة بالزيادة وده طبعا هيشجع الناس تديهم اكتر وفعلا كانو ملتزمين جدا وفى خلال اعتقد سنتين او تلاتة كان معاهم مبلغ محترم وكانت كل يوم المبالغ معاهم واضطرو يبنو مبانى ضخمة وليها فروع فى كل مكان علشان يلمو فلوس اكتر دى كانت بداية البنوك لكن هما مش عايزين ده هما عايزين يحكمو العالم فقررو يعرضو على الاماكن الملتهبة فى العالم اى مساعدات فى مقابل السداد على مهل (بالتقسيط) والاماكن اللى فيها ازمات اقتصادية وقد كان وبدأو يقرضو الحكومة الفرنسية واضطرت الحكومة تستدين اكتر وكانو يدوهم لان فرنسا وانجلترا وقتها كانو هما القوى العظمى لكن فرنسا كان فيها ثورات وقلاقل واضطرت الحكومة تستدين علشان تواجه الثورات دى وفى نفس الوقت كانو بيسلفو الثوار فى مقابل مكاسب سياسية عند الوصول للحكم وقيل انه لولا فلوس آل روتشيلد لكانت الثورة الفرنسية ثورة بيضاء (يعنى مفيهاش نقطة دم) طبعا الثورة الفرنسية مات فيها الكثير من الثوار والشعب والحكومة وحينما انتهت الثورة تسلم الثوار الدولة مدينة وعرض عليهم آل روتشيلد مبالغ مالية ضخمة لتحسين صورتهم امام الشعب من خلال عدة مشروعات وم كانش امام الثوار الا الموافقة ووقعت فرنسا تحت ايديهم وبدأو يتوسعو فى الحكاية دى وكانت الفلوس بتزيد جدااااااااااا عندهم لانهم كانو ملتزمين جدا مع الناس وبدأ يدورو على فكرة تانية يجمعو بيها فلوس اكتر لان المطلوب سقوط انجترا والسيطرة على منطقة الشرق الاوسط تمهيدا لقيام دولة لليهود من خلالها يسيطرو على العالم وكانت فكرة التامينات والمعاشات والتأمينات والمعاشات علشان نبسط فكرتها عبارة عن جمعية افرادها مثلا 50 بيدفعو كل شهر واللى بيقبضو 5 بس يعنى ايه حضرتك بتدفع فى خلا ل 25 سنة خدمة فى الحكومة 10 قروش وانت خارج بتاخد مكافاة نهاية الخدمة مثلا 3 قروش + 2 مليم كل شهر لحد م صاحب المعاش يتوفى وكان غالبا عدد الوفيات كبير يعنى الشخص بعد م يطلع معاش ياخد معاش لمدة10 سنين بالكتيرويتــكل على الله والتامينات وشركات التأمين بكافة اشكالها قائمة على نفس الفكرة باشكال مختلفة ويكون الناتج ضخم جدا لان الناس بتدفع مثلا 10 جنيه كل سنة والحكومة بتدفع 3 جنيه مابين تامينات ومعاش وتامين حوادث وحياة وغيره ولذلك تسمع عن مليارات مكدسة بسبب اموال المعاشات والمحروس بطرس غال قرر يستغلها بانه راح يضارب بيها فى بورصة امريكا (والكارثة انه طلع قانون التامينات والمعاشات الجديد فيه ظلم للناس ولما سألوه ليه كده وانا سمعتها بودنى فى قناة دريم فى برنامج خط احمر قال / الناس متوسط اعمارها كبر كان زمان الواحد بيطلع معاش ونديله معاش لمدة 3 او 4 سنين ويتوكل على الله دلوقت الواحد من دول بيوصل 70 و80 سنة وبيكلفنى طبعا) فانت بتدفع للدولة 10 قروش على مدار حياتك وبتاخدهم 4 بالكتير ولذلك الدولة لما قالت التامينات اجبارية مش حبا فى المواطنين لكن هما عايزين دخل زيادة واحنا راكبين القطار ده لو حصل لحد فينا لاقدر الله اى حاجة بناء على التذكرة بيصرفو لك مبلغ فى حالة الاصابة 5000 جنيه وفى حالة الوفاة 20 الف جنيه وده مش من جيب ابوهم التذكرة دى فيها جنيه من قيمتها رايح للكلام ده والميكروباس الكارتة اللى بيدفعها نفس الكلام والملاكى والنقل والاتوبيس كلهم بيدفعو كارتة على بوابات الطريق دى فى حالة لاقدر الله حصل حاجة اهل المصاب او المتوفى بياخدو المبالغ دى انا مبقولش منشتركش فى الكلام ده لكن لازم تبقى فاهم ان مش المعاش ولا التأمينات ولا فوايد البنك اللى انت اصلا دفعتهم انت وغيرك قبل كده هما اللى ممكن يقومولك معيشتك وانما اعتقادك عقيدة سليمة ان ربنا هو الرزاق ومفيش حد غيره ونعم بالله والله نورتنى تصور اول مرة اشوفها من الزاوية دى فعلا الدولة فيها 18 مليون موظف بيدفعو تأمينات كل شهر واللى بيطلعو كل سنة معاشات ميكملش 2 مليون وفرق ال16 مليون ده بيروح فيـــــــــن قلت له / فيــــــــن بص لى وقال /شكلك حـبــســجـى قديم وهتحبسنا معاك ههههههههههههههه التعديل الأخير تم بواسطة خالدخليفة ; 25-08-2010 الساعة 04:11 AM
|
 |
|
|
