ماهي فائدة ثرموستات كوعه المية؟؟؟؟

[hazem_khidr]

ثرموستات الكوعه مهم في حالتين
اول حاله زي ما ابو نورا قال
عند تشغيل السياره صباحا تقوم الثرموستات بمنع المياه الردياتير الي الانتقال الي الموتور
و بالتالي سوف تسخن المياه الموجود بالموتور اسرع الي ان تصل الي درجه احماء معقوله
تقوم الثرموستات بعد هذا بالسماح لمياه الردياتير الي المرور الي الموتور
و هذا لهدف تسخين الموتور سريعا.
الفائده الثانيه للثرموستات هي عند المشي علي الطريق ليلا غالبا ما يقابل السياره تيارات هواء بارده تقلل من درجه حراره الموتور و تقوم الثرموستات في هذه الحاله ايضا بغلق دوره التبريد للحفاظ علي درجه حراره مناسبه للموتور

[samirayad]

وده لينك هندسى

ياوليد باشا

لدور كل مكون من مكونات دورة التبريد لأى محرك أحتراق داخلى

سواء ديزل أو بنزين

أقرأه كويس وحتلاقى فيه فايدة ثرموستات الكوعه فى دورة التبريد

http://www.masrmotors.com/vb/showthread.php?t=38242

كنت قريت ان الثرموستات لما يتلغي ان التبريد والتسخين المفاجيء مضر بالمعدن المصنع منه الموتور

نعم

فهذا صحيح علميا

دلوقتي هل الثرموستات دي مهمة ولا لأ؟ يعني اعتقد انها بتدي اشارة للكمبيوتر عشان

على فكره ياهندسه

ثرموستات الكوعه

ملهاش علاقه بكمبيوتر العربيه

لا من بعيد ولا من قريب

ياراجل طيب

طيب هى حتودى أشاره أزاى للكمبيوتر ومفيش سلوك كهربيه عليها

بالأشعه فوق البنفسجيه مثلا

صحصح للون ....ياهندسه

[otefa]

درجة الحرارة المثلي للموتور بتبقي في حدود 90 درجة............المواتير بتصمم بخلوصات بين أجزاءها الميكانيكية المختلفة مناسبة لهذه الدرجة المثلي.
فائدة الثيرموستات هي الأحتفاظ بمياه التبريد داخل الموتور للمحافظة علي الدرجة التشغيلية المثلي له حوالي 90 درجة.
الثيرموستات وحسب الدرجة المكتوبة عليها مثلا 85 درجة بتبدأ تفتح عند هذه الدرجة وتسمح بخروج الماء الساخن من الموتور وكنتيجة طبيعية يبدأ سحب مياه أبرد من الخرطوم التاني(غير ألي راكب علي الثيرموستات) الواصل مابين الموتور والرادياتير.
في الصيف وفي درجات الحرارة العالية تقل أهمية وجود الثيرموستات لحد كبير ولو أن في الصباح عند بدأ التشغيل (تحدث أعلي نسبة أهتراء لأجزاء الموتورنتيجة للخلوصات أكبر ماتكون بين الأجزاء الميكانيكية-تصفية الزيت في الطبة) وعدم وجود الثيرموستات سيطيل الفترة اللازمة للوصول لدرجة الحرارة المثلي للأجزاء المتحركة بالموتور(ولن يصل لها في أغلب درجات الحرارة الجوية بمصر) وبالتالي زيادة أهتراءه وتقليل العمر الأفتراضي له(طبعا في الشتاء سلبية الموضوع بتزيد والضرر أكبر بكثير عن الصيف)
من الأضرار الأخري زيادة أستهلاك البنزين للتصميم الهندسي لنسب الخليط ألي بيكون نسب البنزين فيها أزيد ألي أن يصل الموتور لدرجة الحرارة المثالية المطلوبة(تناسب عكسي كل مازادت الحرارة يقل نسبة البنزين في الخليط) وبالتالي زيادة الغازات المنبعثة والضارة بالبيئة(أستحالة تعدي العربية من فحص البيئة في أوروبا والدول المتقدمة ههههههه).

[ironheart]

الثرموستات دة مهم انا عملت عمرة لعربيتى (لانوس) والميكانيكى شال الثرموستات لعدم جدواة من وجة نظرة وبعد كدة ابتديت اليين الماتور وانا ماشى لقيت ان مؤشر الحرارة نازل لتحت فمقتنعتش انى متشال احسن عشان درجة الحرارة المثالية لتشغيل المحركة من 86 الى 90 درجة وطبعا لو المحرك اشتغل على درجات حرارة قليلة هيكون فى خطر على معدن المحرك ناهيك عن ان تغير فى درجة الحراة المفاجئ (معلومة بحكم دراستى كا مهندس)
جبت واحد كان 35 جنية وركبتة وكان تركيبة صعب شوية عشان كان جامب سير الكتينة ودفعت كتير بس بصراحة كان على اقتناع ان هذا الكوع مهم معتقدش ان المصمم حطة عياقة ولا عشان المناطق الباردة فقط المناطق الباردة بتنزل محركات بسخنات فى الماتور قبل التشغيل

[احمد ابودنيا]

بعد كلام ابونورا مافيش كلام الله ينور جاب من الاخر-----عندى اضافة صغيرة فى حالة الغاء الترموستات سخن العربة قليلا قبل المشى وخصوصا فى الشتاء