يعني ايه كامه؟

[مستر405]

بامانه شرح فى غايه الروعه ربنا يباركلك يا باشا

[محمد فيصل]

الباشا injection مبدع دائما
اكيد نسيت موضوع محركات الفيات ال2 كامة و8 صباب ولكن هذة المحلاكات تعتبر من الجيل الماضى فنيا
تقبل تحياتى

[السيد العيسوى]

شكرا للتوضيح الجميل ده

[mahranahm]

المشاركة الأصلية كتبت بواسطة Injection بص ياباشا, أحنا متفقين أن الموتور العادى بيبقى مكون من سلندرات, 4سلندر عادة, صح. السلندر فيه من فوق فتحتين, واحدة للبنزين والهواء والتانية للعادم, تمام. الفتحتين دول على كل واحدة حاجة أسمها صباب بيتحكم فى غلق وفتح الفتحة دى, الكامة بقى هى اللى بتحدد وقت فتح الصباب, والمدة اللى هيتفتحها. ببساطة, ده أنيميشن للسلندر (أصبر عليه لحد مايحمل ) فى أعلى الصورة خالص جنب الرقم فيه 2 شكل بيضاوى بيتحركوا , كل واحد فيهم مسئول عن فتح صباب, على اليمين صباب البنزين والهواء, والشمال مخرج العادم. صورة تانية:- I: كامة رقم 1 E: كامة رقم 2 V: دول الصبابات اللى أتكلمنا عنها. على فكرة الصورتين اللى فوق دول لمواتير 2 كامة, وزى ماحضرتك شايف فيه كامة بتتحكم فى فتح صباب البنزين والهواء, وكامة فى خروج العادم. الواحد كامة نفس المبدأ, لكن بالشكل التالى كامة واحدة بتتحكم فى الصبابين مع بعض. وده شكل الكامة الكاملة بالمناسبة وبتمر فوق الأربع سلندرات من جوه الموتور, لو بتشوف القطعة البلاستيك اللى بتبقى مغطية المواتير فالكامة بتبقى غالبا موجودة تحتها. الحدبات اللى على الكامة كل حدبة مخصصة لصباب, وفترة فتح الصباب بتعتمد على شكل وحجم الحدبة. فيه عربيات مواتيرها 8 صباب, بمعنى لو الموتور 4 سلندر كل سلندر ليه 2 صباب واحد للعادم واحد للهواء والبنزين. وعربيات مواتيرها 16 صباب, كل سلندر ليه 4 صبابات 2منهم هواء وبنزين وأثنين للعاد, وطبعا ده أدائه أفضل من ال 8 صباب. موتور 1 كامة (الكامة بتعتمد فى شغلها على عمود الكرنك, بمعنى الموتور بيدور نفسه بنفسه) موتور 2 كامة الأثنين كامة بيطلع عدد أحصنة أكبر من مثيله الواحد كامة, لكن مبيفرقش كتير فى العزم, كمثال اللانوس بتنزل بموتور 1.5 لتر كامة واحدة بيطلع 85 حصان, وبتنزل بموتور تانى1.5 لتر 2 كامة بيطلع 105 حصان. وبالنسبة لقطع الغيار, أغلب المواتير الأساسية اللى بتنزل فى العربيات لمصر 1 كامة, بس أغلب الناس بتسقط مواتير 2 كامة أستيراد وبالتالى بيبقى موتور نادر شوية وقطع غياره متوافرة بشكل قليل. أرجو أنى أكون وفقت فى الشرح, وأنا موجود لأى سؤال أو تعليق فنى من الأعضاء.

جامد اوى الشرح يا انجيكشن
الله ينور بجد شرحت فابدعت فأحسنت
ففهمنا هاهاهاهاهاها
جامد جدا يا انجيكشن
تقبل مرورى

[mkah21]

شرح رائع جزاك الله خيرا