تقرير صيانة 20000 كم مازدا 3 2010

الف مليون مبروك يا استاذ علي وربنا يديك خيرها ويكفيك شرها وشر طريقها

وعندي كام تعليق صغير

زيت فيسكو اللي انتا حطيته فيسكو كام 3000 ولا 5000 علشان لو 3000 ده بيمشي 10 الاف كيلو وبيعمل 120 جنيه وده اللي انا بحطه دايما لعربيتي ومرتاح ليه جدا وغيرته مرتين وشغال زي الفل

ولو فيسكو 5000 ده بيمشي 20 الف كيلو وده بيعمل تقريبا حوالي 210 جنيه



وتعليقي التاني انا شايف ان اللي انتا عملته في العربية كتير عليه بره التوكيل 250 جنيه ده انا بعمل كل ده في التوكيل واخري معاهم 140 جنيه بالضريبة 160 جنيه

انا مش عايز اضايقك بس حاول تشوف الاسعار بره ماشيه ازاي لو تعرف الاستاذ هشام باهي اللي معانا في المنتدي اسئله لما بيعمل العربية بره التوكيل مبتكلفهوش 70 جنيه مصنعيه لكن جوه التوكيل معاه ربنا هو علي فكره معاه اسكودا اوكتافيا

انا بس بنبهك علشان تعرف ان الاسعار عندك غاليه جدا

alymonir, corsair R OSE4U

البوجيهات كبيرها قوى 60.000 كم يا استاذ على !!!وسير الكاتينة غيره على 90.000 كم وملكش دعوة بالجدول!!!البوجيهات!خلى بالك لان بعد كده لو متغيروش العربية حيفضل سحبها حلو وكل حاجة تمام لاكن هتبقى غول استهلاك بنزين !!!

R OSE4U

[حازم شاهين]

مبروك الصيانة يا أستاذ على

الملاحظ بقى إنتشار الورش الخاصة إللى بتعمل الصيانات الدورية لمعظم السيارات و بمستوى أفضل من مراكز الوكلاء

الإتجاه ده أعتقد كويس و فى صالحنا كلنا

[hazem_khidr]

الف مبروك يا علي بيه
و عقبال صيانه ال 2 مليون كيلو
بالنسبه للبوجيهات ماتغيرهاش قبل 40 الف كيلو انا عملت كده في الياريس
و كان ممكن تقعد اكتر من كده كمان

[AbOnOrA]

المشاركة الأصلية كتبت بواسطة hazem_khidr الف مبروك يا علي بيه و عقبال صيانه ال 2 مليون كيلو بالنسبه للبوجيهات ماتغيرهاش قبل 40 الف كيلو انا عملت كده في الياريس و كان ممكن تقعد اكتر من كده كمان

طيب يا جماعة ممكن تفهمونى ايه الداعى للتاخير فى تغيير البوجيهات سواء الراى القائل ب 30 او 40 خاصة ان البوجيهات اكيد كفائتها وظبطها مش هيكون هو هو بعد ااكتر من 20 الف اكيد
وكل ده فى حاجة مش غالية وموجودة جوة قلب الموتور اللى هو اقيم حاجة ف العربية

انا بصراحة مش معاكم فى تاخير تغيير البوجيهات حتى لو الاصلية ،،، لا البنزين ف بلدنا عدل كمان ولا قيمتها تستاهل التوفير ،، ده رائى الشخصى مع كامل تقديرى لارائكم طبعا