اسالكم الدعاء لكل صاحب ابتلاء

[Eng/salwa]

السلام عليكم ورحمة الله و بركاته جميعا و كل عام و انتم جميعا بخير
اولا: احب اذكركم ونفسى بان نغتنم الباقى من رمضان فى التهجد لله سبحانه و تعالى ثم بعد الذكر و التسبيح نصلى ركتين بعد الشروق يكتبوا لنا باذن الله اجر حجة و عمرة تامة تامة الهم آمين و تقبل منا جميعا واغفر لنا و للمسلمين و المسلمات الحياء و الاموات
لى رجاء عندكم يا جماعة و لانى توسمت فيكم جميعا انكم اعضاء محترمين لمنتدى محترم وثقت فيه و استطلعت آرائم عند شرائى للهيونداى جيتز و استفيد دائما بدخولى معكم رجائى هو يا جماعة الدعاء لى و لكل صاحب ابتلاء بان ياجرنا الله فى مصيبتنا و يخلف علينا بخير منها و ساقول لكم و لكن ارجوكم لا داعى للتريقة و حد يقول واحدة داخلة تدور على عيل تائه !!!!!!!!!!!!!!!!! أنا يالفعل يا جماعة فقدت ابنى منذ 17 عام و بالتحديد عام 1994 يعنى لو كان عايش زمان عمره 19 عام
بذلت كل الجهود انا و زوجى فى البحث و عملنا كل حاجة ممكن تتخيلوها و لا تعقلوها ؟؟؟؟؟؟؟؟؟؟؟؟؟؟؟؟؟؟؟؟ ظهرنا فى التليفزيون فى اكثر من برنامج
مثلا برنامج كان اسمه (مين السبب) لطارق علام و برنامج ريبورتاج و غيره و غيره
حتى اصابنا المرض انا و زوجى غير ابلاغ البوليس و الاعلانات على حوائط القطارات و المطارات و الحوائط للمساجد و خلافة حتى جن جنونى وبرغم اننى مهندسة اتصالات و الكترونيات و زوجى مترجم !!!!!!!!!!!!!!!! يعنى متعلمين و مثقفين و متدينين الا اننا ذهبنا ايضا الى الدجالين (استغفر الله العظيم على ذهابى )
يعنى يا جماعة عملنا كل شى يعقل و لا يعقل ولم يتبقى الا ان يطير العقل و نودع بمستشفى الامراض النفسية و العصبية لولا رحمة ربنا بنا سبحانه من اجل تربية اخويه ( واحد الآن فى ثالثة ثانوى و الآخر أولى ثانوى و الحمد لله)
ولكن عندما اقرأحادثة عن خطف الاطفال و بيع أعضائهم أو سفرهم للخارج و تهويدهم او تنصيرهم أ عملهم فى التسول و البلاوى الاخرى اتجنن
اللهم لا تذيقها لاحد يا رب و احفظ اولادكم جميعا لانها نار نار لا تخمد بمر السنين بل على العكس و لكنى اتذكر رحمة ربنا بنا جميعا و انه قادر على كل شئ و نصيبى فى هذا الابتلاء و اتذكر سيدنا يوسف و سيدنا موسى و كيف جمعهم الله على ذويهم فى الميعاد المقدر و حاشا لله فى التشبيه مع الفارق
و ايضا اتذكر مسلسل شفته زمااااان كان اسمه (اليقين) للممثله التى فقدت ولديها (حسن و حسين التوأم)و كيف جمعها الله بهم بعد سنين طويله
ارجوكم الدعاء لى و لكل مبتلى و قولوا لى ممكن اعمل ايه تانى مش عاوزه احس انى قصرت فى البحث عن ابنى حتى اموت و شكرا لكم و شكرا لهذا المندى المحترم و القائمين عليه

[د.هبه77]

قلبي معاكي
عسي الله ان يرده لك من حيث لا تحتسبي
صبرك عبادة وعلي قدر يقينك سيعطيكي الله
اصبري واحتسبي واكثري من الاستغفار
وعليك بسحر الصدقة وليست بالمال فقط بل لها اوجه اخري كثيرة
وسيرده الله لك
اللهم راد الضالة هادي الضلالة رد عليها ضالتها امين امين امين

[tarbook]

كلنا معاكى يا اختنى الفاضله وان شاء الله يديكى العمر يارب وتشوفيه منور ادامك عن قريب يارب
وربنا معاكى دايما ان شاء الله
امين يارب العالمين

احتسبيه عند ربنا واللي عند ربنا عمره ما بيضيع ابدا وربنا يباركلك في اخواته ويصبرك بيهم ويجعلهم خلف صالح بأذن الله وربنا يزيل البلاء عن امة سيدنا محمد صلي الله عليه وسلم

[نور القمر]

عزيزتي سلوى
اولا قبل اي شيء ادعو لك من كل قلبي ان يرد الله سبحانه وتعالى ابنك اليك
كنت داخلة المنتدى مخنوقة ادور على اي خيط يوصلنا لعربيتنا المسروقة
لقيت موضوعك بالصدفة عرفت اد ايه الدنيا متستهلش الواحد يحرق دمه على حاجات تافهة ممكن تتعوض وايه يعني حتةعربية مقارنة بفقدان حتة من روحك وقلبك مقارنة بيفقدان الضنا
اللهم يا حنًان يا منًان ياكريم يا قادر على كل شيء اجمعها بابنها واجعله قرة عينها