العودة   مصر موتورز مجتمع السيارات > السيارات الكورية والماليزية > بروتون PROTON

بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات.


إضافة رد
 
أدوات الموضوع
  #26  
قديم 03-12-2010, 11:11 AM
tech_lover tech_lover غير متواجد حالياً
من انا؟: م/ماجد مصطفى
التخصص العملى: مهندس كمبيوتر
 
تاريخ التسجيل: Apr 2009
الموقع: مصر الجديدة - القاهرة
المشاركات: 45
tech_lover has a spectacular aura abouttech_lover has a spectacular aura abouttech_lover has a spectacular aura about
افتراضي رد: أخيرا جبت Proton Gen.2 2010

حبيت أدي الناس برده فكرة عن إستهلاك البنزين بعد ما عملت صيانة الـ 1000 كم و بقيت أشغل التكييف لما الجو بيبقى حر الظهر.

أنا مليت بنزين (92) من محطة إمارات مصر اللي في الصحراوي و عملت 124.5 كم و بعدين مليت من محطة موبيل اللي جنب بيتي 10.5 لتر. تقريبا 80% من الطريق كنت مشغل التكييف. و الطريق كان شوية على المحور و شوية علي دائري المعادي و حبتين وقوف و مشي بطيء جدا في المهندسين و كوبري 6 أكتوبر و صلاح سالم و 8-9 مرات kick down على الدائري و المحور عشان التجاوز و تفادي العربيات اللي بتقف مرة واحدة بدون مقدمات . الـ RPM معظم الوقت مابيعديش 3000-3200 ما عدا طبعا في الـ kick down.
لو قسمنا الـ 10.5علي الـ 124.5 و ضربنا الناتج في 100 تبقى النتيجة 8.43 لتر/100 كم. ده متوسط إستهلاك لسيناريو استخدام أعتقد إنه مشابه تقريبا لإستخدام ناس كتيرعشان بس الناس ماتقولش الـ GEN.2 وحش إستهلاك بنزين و الكلام ده.
على فكرة الإستهلاك ده تقريبا نفس استهلاك Hyundai Elantra 1.6 في نفس الظروف علما بأن العربيتين نفس الوزن تقريبا +/- 10 كجم.
رد مع اقتباس
  #27  
قديم 04-12-2010, 03:39 PM
tech_lover tech_lover غير متواجد حالياً
من انا؟: م/ماجد مصطفى
التخصص العملى: مهندس كمبيوتر
 
تاريخ التسجيل: Apr 2009
الموقع: مصر الجديدة - القاهرة
المشاركات: 45
tech_lover has a spectacular aura abouttech_lover has a spectacular aura abouttech_lover has a spectacular aura about
افتراضي رد: أخيرا جبت Proton Gen.2 2010

في نقطة كنت نسيت أقولها في أول الموضوع وهي إن من ضمن الإختلافات الجديدة إن الكاوتش الجديد اللي جاي مع العربية بقى من ماركة Goodyear بدل Silverstone.
رد مع اقتباس
  #28  
قديم 04-12-2010, 08:04 PM
Obaid Obaid غير متواجد حالياً
 
تاريخ التسجيل: Jun 2008
المشاركات: 4
Obaid is on a distinguished road
افتراضي رد: أخيرا جبت Proton Gen.2 2010


المشاركة الأصلية كتبت بواسطة tech_lover مشاهدة المشاركة

باركولي يا جماعة. الحمد لله أخيرا جبت Proton Gen.2 أوتوماتيك 2010 بعد انتظار طويل علشان أنا كنت مصر أجيبها كاش.

أنا جبت العربية بعد ما حجزتها من عز العرب فرع مدينة نصر اللي في 35 ذاكر حسين (قريب من إنبي الناحية التانية منها بعد تقاطع عباس العقاد) . سبب الحجز إن كل دفعة الGen.2 اللي كانت في القاهرة كانت خلصت حتى من عند الموزعين زي أوتو ماجد. ده المعرض مكانش عنده Gen.2 خالص حتى بتاعة العرض اتباعت. فأنا كنت بأحجز من دفعة جديدة كانت لسه في الجمارك في النوبارية في إسكندرية و كان قدامها من 20-25 يوم و تيجي القاهرة.

أنا كنت عايز اللون الأحمر و الحمد لله كان موجود أتوماتيك في الدفعة دي. الدفعة دي كان فيها 3 ألوان بس: أسود و أحمر و فضي.

الحجز كان ب 1000 جنيه و الدفعة وصلت فعلا بعد 20 يوم بس كان لسه في ورق بيخلصوه إحتاج 5 أيام كمان.

استلمت العربية فعلا بعد 25 يوم (الثمن الكلي 90900 جنيه و رجعولي ال 100 ) و تاني يوم جابو الأفراج الجمركي و شهادة البيانات بتاعها من مرور بين السرايات و جه معايا تالت يوم مندوب من عندهم للمرور عشان الترخيص. (المندوب بيتكلف 150 جنيه بس بيخلص الترخيص في أقل من 25 دقيقة). تقريبا الترخيص 3 سنين مع التأمين الإجباري و المندوب و بقشيش اللي ركب النمرة ماوصلش 1200 جنيه.

العربية كان فيها حاجة صغيرة قوي بعد ما استلمتها إن في الباب الأمامي يمين سقاطة الباب فاصلة من السنتر لوك فمخلية الباب محتاج حد يرفع السقاطة بتاعته بالإيد عشان ينفع يتفتح و ينزلها قبل ما ينزل و يقفل العربية بالسنتر لوك. هي مش مشكلة و سهل أوي يظبطوها في صيانة ال 1000 كم إن شاء الله.

المهم العربية ما شاء الله جميلة جدا. أنا ركبت كذا مرة Gen.2 و Persona قبل كده 2006-2007 اللي لاحظتو في ال 2010:
1- العفشة أنعم شوية
2- الفتيس الأوتوماتيك ما بقاش يسمح أنك تروح للR او ال P إلا و إنت دايس على الفرامل
3- الساعة الداخلية بقت رقمية و في عداد الكيلومترات و مفيش الساعة اللي فوق التابلوه.
4- الريموت فيه زرارين و احد لقفل السنتر لوك و تشغيل الإيموبوليزر و الإنذار و التاني لفتح السنتر و الإنذار بأول ضغطة و فتح الشنطة بالضغطة التانية. (قبل كده كانت الشنطة بتتفتح من الرافعة اللي جنب كرسي السائق بس).
5- بقى في درج في التابلوه قدام الراكب اليمين زي العربيات السيدان
6- تحكم الزجاج الكهربائي و السنتر بقى في باب السائق مش ورا الفتيس
7- الشبكة الأمامية و الجنوط شكلهم مختلف.
8- مثبت السرعة Cruise Control مبقاش موجود غير في فئة GSX اللي مابتنزلش مصر.
9- السبويلر الأنيق بقى من المواصفات. قبل كده كان بييجي مع عتبات في Sports
Kit
10- الراديو/CD بيشغل .MP3 قبل كده كان CD بس.
11-فرش الكراسي و الأبواب مختلف.

و دي صور قبل الترخيص:







التغييرات دي أكيد مش كلها أضيفت في آخر موديل بس أنا مركبتش 2008. و ركبت Persona بس 2009.

أنا إشتريت ال Gen.2 على فكرة عن إقتناع تام. كمان أنا كنت مصر على إني أجيب عربية أوتوماتيك فيها ABS مش صيني بس ماكنتش أقدر أعدي ال 100000 جنيه.
أنا كبرت دماغي الحقيقة من موضوع إعادة البيع اللي كل الناس بتتحجج بيه لما ماتعرفش تذم في ال Gen.2. هو الواحد بيجيب العربية تجارة بس؟ فين أهمية الأمان؟ دي كندا و أمريكا و أوروبا و أستراليا مش مكفيهم ال ABS/EBD و في 2011 خلو ال Electronic Stability Control(ESC) / Electronic Stability Program(ESP)) كمان مواصفة إجبارية في كل العربيات و إحنا لسة بنعتبر ال ABS كماليات!!


فين الأستفادة بالمميزات؟ و الناس ساعات تقولك أصل الخامات في الصالون مش قد كدة. هو تعبير "مش قد كدة" ده بيتقال عموما كدة؟ و لا لازم يبقى الكلام بالمقارنة بمرجع معين أو بالنسبة للسعر مثلا؟ أنا شايف الحقيقة إن الخامات أكثر من مقنعة و الإقتصاد كله في التفاهات بس. ما هو برضه ماتروحش تقارن خامات صالون ال Gen.2 بعربية أغلى منها 15 أو 20 ألف جنيه أو أكتر و بعدين تقول "مش قد كدة".

الحقيقة أنا عايز أشكر كل الناس المتعاونين جدا هنا في مصر موتورز و بالأخص اللي شاركو في موضوعي السابق:
http://www.masrmotors.com/vb/showthread.php?t=14429
سواء كانوا مع ترشيح ال Gen.2 أو ضده لأن الإختلاف في الرأي لا يفسد للود قضية.

و شكرا على المرور و في انتظار ردودكم.
الف مبروك العربية و ربنا يحفظك و يديك خيرها و يكفيك شرها. أنا كنت عاوز اعرف أخبار العربيه أيه مع المطبات خصوصا لما تكون محمل 3 أفراد ورا على الكنبة؟

التعديل الأخير تم بواسطة Obaid ; 04-12-2010 الساعة 08:31 PM
رد مع اقتباس
  #29  
قديم 04-12-2010, 08:29 PM
Obaid Obaid غير متواجد حالياً
 
تاريخ التسجيل: Jun 2008
المشاركات: 4
Obaid is on a distinguished road
افتراضي رد: أخيرا جبت Proton Gen.2 2010

الف مبروك العربية و ربنا يحفظك و يديك خيرها و يكفيك شرها. أنا كنت عاوز اعرف أخبار العربيه أيه مع المطبات خصوصا لما تكون محمل 3 أفراد ورا على الكنبة؟ أنا كان معايا هوندا سيفيك 2008 و بعتها بعد سنه واحده عشان بتحك فى المطبات يعنى بصراحه أتعقدت من الموضوع ده.
رد مع اقتباس
  #30  
قديم 04-12-2010, 09:10 PM
tech_lover tech_lover غير متواجد حالياً
من انا؟: م/ماجد مصطفى
التخصص العملى: مهندس كمبيوتر
 
تاريخ التسجيل: Apr 2009
الموقع: مصر الجديدة - القاهرة
المشاركات: 45
tech_lover has a spectacular aura abouttech_lover has a spectacular aura abouttech_lover has a spectacular aura about
افتراضي رد: أخيرا جبت Proton Gen.2 2010


المشاركة الأصلية كتبت بواسطة Obaid مشاهدة المشاركة

الف مبروك العربية و ربنا يحفظك و يديك خيرها و يكفيك شرها. أنا كنت عاوز اعرف أخبار العربيه أيه مع المطبات خصوصا لما تكون محمل 3 أفراد ورا على الكنبة؟ أنا كان معايا هوندا سيفيك 2008 و بعتها بعد سنه واحده عشان بتحك فى المطبات يعنى بصراحه أتعقدت من الموضوع ده.
الله يبارك فيك.

بص يا سيدي الـ Civic عربية عائلية فخمة و من ضمن مواصفاتها إن تعليقها ناعم جدا. التعليق الناعم جدا ده هو اللي بيخلي العربية لما يبقى راكب فيها 3 ورا تهبط جامد رغم إن خلوص العربية و هي مش متحملة كويس جدا (15سم). طبعا لو الشارع متسفلت مضبوط و مفيش مطبات ده مش مشكلة بالعكس العربية لما بتوطى بيزيد ثباتها جامد جدا. بس طبعا مع عظمة شوارع مصر و مطباتها و نقرها اللي تتسجل في موسوعة جينيس للأرقام القياسية بتبقى مشكلة كبيرة.

بالنسبة للـ Gen.2 الـخلوص بتاعها مش فارق (15سم برضه) بس الميزة إن العفشة الرياضية بتبقى أنشف شويه و هبوطها بيبقى قليل قوي حتى مع التحميل الكامل.
رد مع اقتباس
إضافة رد

الكلمات الدليلية
2010, بروتون, gen2, بروتون جين 2

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:58 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017