رابطة ( تسعير السيارات المستعمله)

[YahiaAshraf]

المشاركة الأصلية كتبت بواسطة (لا اله الا الله) ايه رأي حضرتك في شيفروليه لانوس زيرو ؟ مش أحسن من المستعمل و قرفه ؟

بلاش لانوس الزيرو

لان فيها مشاكل اكتر من المستعمل

من يوم ما شيفورليه مسكت اللانوس
و بقت اى كلام

يعنى موديل 99 انظف منها مليون مره

[(لا اله الا الله)]

المشاركة الأصلية كتبت بواسطة yahiaashraf بلاش لانوس الزيرو لان فيها مشاكل اكتر من المستعمل من يوم ما شيفورليه مسكت اللانوس و بقت اى كلام يعنى موديل 99 انظف منها مليون مره

الف شكر على ردك
كيب حضرتك تنصحني بايه في نفس الفئة السعرية و تكون زيرو؟
مع العلم اني لسه متعلم سواقة جديد

[YahiaAshraf]

المشاركة الأصلية كتبت بواسطة (لا اله الا الله) الف شكر على ردك كيب حضرتك تنصحني بايه في نفس الفئة السعرية و تكون زيرو؟ مع العلم اني لسه متعلم سواقة جديد

عندك بروتون ساجا

عندك رينو لوجان

عندك اسبيرانزا a516

و ال3 دول كويسين و فى راى احسن بكتير من اللانوس

: 010104~171::0 10104~171:

[ابو هيما]

المشاركة الأصلية كتبت بواسطة yahiaashraf اوك ان شاء الله و ربنا يعمل اللى فيه الخير تحياتى : 01FDAB~189:

أستاذ يحي , بعد السلأم عليكم
أنا اسف عن الأنقطاع وعدم التواصل الفترة اللى فاتت . بس والله أنا كان قلبى مش مستريح للألنترا اللى كلمتك عليها موديل 2007 فمارحتش للراجل أشوفها وبالنسبة للحتة التانية المازدا فدى صاحبها قال لى لسة ما صلحتش الباور البايز فى التوكيل فبردوا المشوار أتلغى , بكرة أن شاء الله هاروح العاشر عشان أتفرج على عربية BMW دبانة 316 موديل 1992 بس هى وارد ألمانيا سنة 2008 , فابريكة بالكامل برة وجوة ماعدا الأكصدام الأمامى مرشوش نظافة والله واعلم ده على حسب كلأم الراجل , دراع المساحات مكسور , التكيف شغال بس عاوز يتشحن , الصالون فبريكة , الكاوتش حالة 90 % والراجل بيقول لسه مغير لها فى الحرفين سير الدينمو والعافشة والتيل الخلفى بس والأمامى لسة ومش هايغيروا مع أنه محتاج يتغير وفلتر البنزين وسير الكاتينة وعلى فكرة العربية فيها فتحة سقف .
المهم هو قافش فى 65 ألف , وأنا أعتقد أن ده كتير شوية على العربية خصوصاً أنها من غير ABS و AIRBAGS فيأترى أيه رأى حضرتك . وكمان عاوز أعرف بحكم أنك عشت فى ألمانيا , فياترى العربيات دى تعمل كام برة وتتكلف كام عشان تدخل مصر .. ومعلش أسف على الأطالة وفى أنتظار الرد

[(لا اله الا الله)]

سعر ميتسوبيشي لانسر 1300 مانيوال او اوتوماتيك زيرو
و ايه رأي حضرتك فيها؟