استفسار عن رينو سيمبول و رينو بصقة عامة

[down4me]

بسم الله الرحمن الرحيم

دي اول مشاركة لي هنا في المنتدى الجميل ده

انا اتصفحت شوية موضوعات وعدي اسئلة احب اعرف اجابتها من حضراتكم

انا ناوي ان شاء الله اشتري رينو سيمبول الحقيقة عاجباني جدا بس لي شوية اسئلة :

1) ايه اخبار قطع الغيار و اسعارها و هل هىل متوفرة هلاقيها قي اي مكان ؟؟ ولا لازم اروح التوكيل و مراكز الصيانة

2) عايز اعرف فين اماكن صيانة رينو انا ساكن في 6 اكتوبر و عايز اعرف اقرب فرع لي فين

3) بالنسبة لتغير الزيت و الكلام ده لازم عند التوكيل ولا ممكن في اي مكان و لا محدش بيشتغل في الرينو او رينو سيمبول دي بصفة خاصة. و ايه نوع الزيت اللى احطو للعربية ؟

4) مين توكيل رينو في مصر و فين اماكنو و هل هلاقي العربية بسهولة و الالوان و كده و لا هاتكون فيها مشكلة

5) بالنسبة للبنزين 90 ولا 92 و لا ايه ؟؟

انا اصلي معاي شاهين و هابيعها علشان اشتري ال سيمبول و طبعا ماكنش عندي اي مشكلة في قطع غيار الشاهين او حتى الميكانيكية اللى بيشتغلو فيها لان دي في كل مكان

انا اسف على الاطالة و الاسئلة الكتير

اترككم في رعاية الله و امنه

[tameramin77]

السيارة الرينو السيمبول اكثر من رائعة عن تجربة مدتها عام كامل
1بالنسبة لقطع الغيار فهى موجودة بالتوكيل واسعارها قريبة من الفيرنا
2 بالنسبة لاماكن الصيانة موجدة فى توكيل معتمد فى شارع فيصل وفى المقطم ودول اقرب فرعين ليك
3 تغيير الزيت بيتم فى التوكيل بنفس السعر اللى برة يعنى تغيير الزيت عند صيانة10000كم بيكلف هو والصيانة 460جنية منهم تمن 5 كجم زيت لان السيارة بتاخد كدة وتغيير فلتر وتربيط عفشة وكشف على السيارة بالكامل السيمبول هى الموديل الحديث للكليو نفس الميكانيكا وقطع الغيار مع اختلافات بسيطة بالنسبة لتكنولوجيا الموتور
4 هماكاتبين على التنك بنزين 92/ 95
5 السيارة تجميع تركى فقط وليس تصنيع
6 السيارة اللى بتنزل مصر هى اللى بتنزل فرنسا واروبا
7 سبب عدم انتشارها فى مصر ان الوكيل مابيكسبش فيهازى اللوجان عشان كدة مش عاملها الدعاية الكافية والسبب التانى ان اكتر من 80 فى المائة من انتاج اتلسيمبول بيروح على اوربا ودة كلام التوكيل وانتى عارف ان فى اوربا مفيش حاجة تخش الالما تكون مظبوطة 100/100
8احسن سيارات فى العالم اوربى شوف كدة مرسيدس المانى بى ام الملنى اسكودا سويدى بيجو وستروين ورينو فرنسى
9 السيارات الرينو مش واخده حقها فى مصر انا اخويا معاة رينو ميجان وعامل بيها 150الف كم وزى الفل ولم يتم تغيير فيها اى شى وهى موديل 2001 وانا كان معايا فيرنا زيرو وبعتها بعد سنتين للعلم احنا بنحافظ على العربيات جدا
10 السيمبول واخدة احسن وامن سيارة من اكبر منظمة مستقلة فى اوربا للسيارات
11 السيارة فيها شنطة مهولة
12 يعيب السيارة ضيق الكنبة الخلفية وان كان الموضوع دة نسبة وتناسب
13ربنا يوفقك لما فية الخير ولا خاب من استشار الخالق وشاور المخلوقين
وان كنت قد وفقت فمن الله ولو اخطات فمن عندى