العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 23-10-2010, 01:20 AM
كيلاني كيلاني غير متواجد حالياً
 
تاريخ التسجيل: Jul 2010
المشاركات: 62
كيلاني will become famous soon enoughكيلاني will become famous soon enough
مميز خد بالك وانت بتشتري عن طريق إعلانات النت


السلام عليكم و رحمة الله و بركاتة
اثناء رحلتي الشاقة للبحث عن سيارة مستعملة والتي لم تنتهي بعد اكتسبت بعض الخبرة و احب ان اشاركها معكم في منتدانا مصر موتورز.
اتجاه الكثير من الباحثين الي الشراء المباشر من البائع عبر الانترنت دفع التجار الي مزاحمة البائعين علي النت ايضا متخفين في صورة بائع برئ يبيع لظروف السفر الخ....
وهذه بعض النصائح حتي تكشف البائع المالك من التاجر
1- لا تعجل
تأكد تماما ان "ما اصابك لم يكن ليخطأك وما اخطأك لم يكن ليصيبك " يعني العربية اللي مكتوبلك تخبطها هاتخبطها واللي هاتجرحا هاتجرحها غصب عن الكل
2- الاعلان
الاعلان هو اللي هايحكم اذا كنت هاتكمل و لا لأ
اللي بيعلن بيتغني بأحسن حاجة في السيارة لو مركب لمبة صالون جديدة بيكتب
"لمبة صالون من شهر "
لو الاعلان مش كاتب حاجة عن الدواخل اعرف انها راشة دواخل
لو ماجبش سيرة الرخصة يبقي فيها شهرين بالكتير
2- تحري عن البائع
شوية شغل مباحث و تعرف اذا كان تاجر ولا مالك إزااااااااي...
خد رقم تليفون البائع و ابحث عنة في جوجل و هاتشوف العجب اقرأ معي الاعلان التالي
"89 ريجاتا جميع الكمليات منوال فابريكا اربع كاتوتش جدسد بطاريه والله العظيم انا با ابيع لظروف وربنا يسر ت\.............."
(علي فكرة الاعلان بأخطاءة الاملائية , واللي يتفهم من الاعلان ان البائع مالك و مزنوق في قرشين صح ؟)
و عند البحث عن رقم البائع وجدت معرض بالكامل للبيع عربيات موديل 80 و 90 و2000 كمان و غلطة صغيرة منة بعنوان معرضة في اكتوبر
ممكن تلاقي اكتر من اعلان لنفس الرقم و لكن بنفس موديل العربية يبقي دة تمام ابدأ اتصل بالبائع
3- الأتصال
يفضل الاتصال عن طريق الرد علي الاعلان في النت و ليس بالتليفون لان المالك اللي عمل اعلان عن سيارتة تقريبا بيبقي نايم قدامة اما التاجر غالبا ما يرمي شبكتة و ينتظر الرد علي التليفون و مش فاضي يكتب ويدادي الزبون اللي يتعبة بيشوف غيرة و الزباين كتير
4- لا تتنازل عن صور للسيارة
لا تتنازل عن استلام صور للسيارة علي الاميل قبل المعاينة و يجب ان تكون قريبة وواضحة تظهر فيها الاجزاء التالية عن قرب ..الشنطة ومدي تجانسها مع جسم السيارة و كذلك الكبوت (وجود فراغات بين الغطاء و الجسم لا يبشر بالخير) .. الصالون و التابلوة ... المحرك ... الكاوتش و مدي تاكلة... الفوانيس... رقم السيارة واضح في الصور حتي لا تشاهد صور سيارة احلام وهمية
وكمان اشرط علية في حالة وجود اي اختلافات عن الصور عند المعاينة سوف تتراجع بدون كلام و لا سلام
استلمت الصور و عجبتك خد معاد للمعاينة

5- المعاينة
يفضل تروح لوحدك الاول لو العربية من مكان قريب (و ده توفير لحق الميكانيكي و عشان الاحراج لو طللعت خردة ما يبصلكش البصه اللي بصهالي وممكن تاخدة معاك من اول مرة) و شوف الحالة العامة للسيارة وارتياحك النفسي و كمان شوف الرخصة باسم المالك اللي بيفرجك علي العربية (مش ابن عمة ولا جوز اختة عشان هو مش فاضي , يا المالك يا تخلع) تاكد من موديل العربية و رقمها اللي كان في الصور ... تمام اسأل انت عايز كام و اسمع منة وقولة اجيب ميكانيكي يبص علي الموتور ويديني ثمن و ماتقولش رايك في السعر لا كتير ولا قليل لحد الميكانيكي ما يقول كلمتة
ممكن دلوقتي تروح تجيب الميكانيكي و السمكري و بتاع العفشة و السروجي واصحابك وجيرانك وقرايبك وكل اللي نفسك فيهم عشان هما كمان يباركوا البيعة ويدوك رأيهم
و الف مبروك

يا ريت بقة اللي عندة 131 او ريجاتا او سوفت 94 بحالة كويسة يبعتلي صورهم عشان انا تعبت من التدوير (يفضل مرور المنيا)
يا رب الموضوع يتثبت يا ا/حازم
رد مع اقتباس
  #2  
قديم 23-10-2010, 01:26 AM
ali farouk ali farouk غير متواجد حالياً
 
تاريخ التسجيل: May 2010
المشاركات: 409
ali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant futureali farouk has a brilliant future
افتراضي رد: خد بالك وانت بتشتري عن طريق إعلانات النت

شكرا يا باشا على المعلومات القيمة دىه
رد مع اقتباس
  #3  
قديم 23-10-2010, 02:19 AM
taklaloveu taklaloveu غير متواجد حالياً
التخصص العملى: مندوب دعايه طبيه فى شركة الفامون للأدويه
 
تاريخ التسجيل: May 2010
الموقع: الزقازيق
المشاركات: 107
taklaloveu has a spectacular aura abouttaklaloveu has a spectacular aura abouttaklaloveu has a spectacular aura about
افتراضي رد: خد بالك وانت بتشتري عن طريق إعلانات النت

بجد ربنا يباركلك
معلومات مهمه ومفييده جدا
انا بدور على عربيه من النت والمعارض عندنا فى الزقازيق وتلقائيا جربت مره موضوع البحث بنمرة التليفون على جوجل زى ماحضرتك قلت بس ان شاء الله امشى على بقيت الخطوات اللى حضرتك ذكرتها...
وشكرا لمشاركتك المتميزه ..
د.تكلا

التعديل الأخير تم بواسطة hazem_khidr ; 23-10-2010 الساعة 03:46 AM سبب آخر: رجاء مراعاه الدقه في كتابه ان شاء الله
رد مع اقتباس
  #4  
قديم 23-10-2010, 02:19 AM
الصورة الرمزية mido_4up
mido_4up mido_4up غير متواجد حالياً
 
تاريخ التسجيل: Apr 2010
المشاركات: 666
mido_4up is a jewel in the roughmido_4up is a jewel in the roughmido_4up is a jewel in the rough
افتراضي رد: خد بالك وانت بتشتري عن طريق إعلانات النت

والله مشكور على المعلومات و الافاده دى انا شخصيا استفدت من الموضوع
__________________


اللهم ولى أمورنا خيارنا و لا تولى أمورنا شرارنا
رد مع اقتباس
  #5  
قديم 23-10-2010, 03:46 AM
الصورة الرمزية hazem_khidr
hazem_khidr hazem_khidr غير متواجد حالياً

من انا؟: انا مهما كبرت صغير ..انا مهما عليت مش فوق !!!!
التخصص العملى: محاسب و صاحب مصنع ملابس
هواياتي: السيارت و شغف القياده
 
تاريخ التسجيل: Jun 2008
الموقع: جمهوريه مصر العربيه.المحله الكبري
المشاركات: 8,325
hazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond repute
افتراضي رد: خد بالك وانت بتشتري عن طريق إعلانات النت

شكرا علي النصائح يا كيلاني
اهم حاجه في الشراء هو الحاله و ليس صاحب السياره تاجر او مستهلك
__________________

حـازم خـضـر




رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:20 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017