الفرامل وسنينها

[mody112]

فى صوت طقطقه غريبه لما بدوس على دواسة الفرامل وانا ماشى طبعا وعاوز اهدى او اقف ( احيانا بكون كمان دايس على دواسة الدبرياج واحيانا من غير دوس ) .
وفى حاجه كمان وهى ان البدال مشواره طويل وفيه شىء من الضعف ولكن لما بكارك فرامل واجى ادوس فعلا بلاقى الفرامل قويه والبدال مشواره تمام ( مش طويل زى ما كان ) ولكن لفترةقصيره ( عدة دقائق ) وبعدين يرجع البدال مشواره طويل والضعف يبان تانى .
ايه رايكو فى اللى بيحصل ده .
ارجو الافاده

[mr_astra]

هانكشف على التيل وناخد هوا الاول لو المشكلة لسة موجودة غير الماستر العمومى

[virusx_x]

المشاركة الأصلية كتبت بواسطة mody112 فى صوت طقطقه غريبه لما بدوس على دواسة الفرامل وانا ماشى طبعا وعاوز اهدى او اقف ( احيانا بكون كمان دايس على دواسة الدبرياج واحيانا من غير دوس ) . وفى حاجه كمان وهى ان البدال مشواره طويل وفيه شىء من الضعف ولكن لما بكارك فرامل واجى ادوس فعلا بلاقى الفرامل قويه والبدال مشواره تمام ( مش طويل زى ما كان ) ولكن لفترةقصيره ( عدة دقائق ) وبعدين يرجع البدال مشواره طويل والضعف يبان تانى . ايه رايكو فى اللى بيحصل ده . ارجو الافاده

حاجة من أتنين يا مستر الفرامل عايز طقم اصلاح يا الفرامل أخدت هواء و ياريت تقولنا اذا كنت عملت شغل ميكانيكا قريب و نوع العربية و حالت زيت الفرامل بينقص ولا زيمهوا

[mr_astra]

المشاركة الأصلية كتبت بواسطة virusx_x حاجة من أتنين يا مستر الفرامل عايز طقم اصلاح يا الفرامل أخدت هواء و ياريت تقولنا اذا كنت عملت شغل ميكانيكا قريب و نوع العربية و حالت زيت الفرامل بينقص ولا زيمهوا

متفقين على تشخيص العيب ومختلفين فى طريقة الحل

طقم اصلاح الماستر حل فاشل ..............عارف جلد الماستر بتاع طقم الاصلاح ممكن يبوظ والميكانيكى بياخد هو .........بالكتير هايشتغل اسبوع .........عارف لية لان شميز الماستر بيكون عامل ريجة اما بالطول او دائرية لكن مش بنحسها اوى لان الجلد القديم شبعان زيت ومنفوش ومالى مكان الريجة انما جلد جديد هايضرب وقتى

واى جلد هاتركبة من اى نوع حتى لو كان جيد برضة هايتاكل لان الشميز حامى على الجلد

الحل المثالى هو تغيير الماستر بالكامل وتغيير زيت الفرامل بالكامل لانة اكيد بقى لونة اسود وكولة تراب ومتفتت فى الزيت

[mody112]

اولا شكرا على الردود السريعه
ثانيا العربيه لانوس موديل 2000
ثالثا الماستر العمومى بتاع الفرامل غيرته من حوالى 4 - 6 شهور بماستر جديد اصلى
رابعا العربيه اول ما اشنرنها سنة 2008 كانت فراملها زى الفل ومش عارف ايه اللى حصلها بقى وانا كل فترة كنت بروح عند ميكانيكى شكل ويعمل شغل فى الفرامل وينتعنى فى مبلغ محترم وشوية وترجع لما كانت عليه وهكذا وكنت باخد هواء باستمرارواخر مره غيرت خوابير بيت التيل وصوت الطقطقه راح وبعدين رجع تانى.
وانا سوقت عربية احد صاحبلى لانوس برده ولقيت فرق شاسع فى الفرامل عندى وعنده هو احسن طبعا بمراحل ومن غير اى تعديل وفعلا تحس انها فرامل .
ارجو الافاده