تحية الى السيد الرئيس : محمد مرسى

[YahiaAshraf]

بسم الله الرحمن الرحيم


سيدى الرئيس د: محمد مرسى




كل التحية و التقدير و الاعزاز لشخصك الكريم
رغم انى كونت برشح حمدين صباحى فى الانتخابات و زعلت انه خسر على قد ما انا فرحان انك الرئيس والدليل على ذلك هو الفعل و ليس القول

انت ماسك بلد فيها فساد من اكثر من 30 سنه مينفعش يخلص فى يوم و ليله و لكن يمكن التغلب على هذا الفساد فى اقص وقت ممكن

ثقتى بالله اولا ثم بك ان مصر ستشهد مراحل عظيمه يشهد لها العالم جميعا

واستبشر خيرا رغم انى كونت متشائم جدا من اللى بيحصل

ورغم كل الهجوم اللى عليك بس بقولك ربنا يوفقك

للاسف فى مؤامره كبيره ضدك و ضد البلد ومنهم ناس من جوه البلد

فيه ناس كتير مش عاوزاك علشان مصاحلهم
منهم اعلامنا الفاشل اللى مرتباتهم فى الشهر بتوصل ل 10 مليون جنيه فى الشهر و اكثر كمان


كل الناس دى خايفه

سيدى الرئيس

اعمل الصح
اعمل ما يرضى الله و يرضى نفسك
لا تلتفت للفاسدين

وربنا يشهد انا حاسس ان البلد هتتغير على يدك


وهقولك مثال

للرسول صلى الله عليه وسلم حديث عن طلب الاماره
يقول
1- عن عبدالرحمن بن سمرة رضي الله عنه قال: قال لي النبي صلى الله عليه وسلم: ((يا عبدالرحمن بن سمرة لا تسأل الإمارة، فإن أُعطيتها عن مسألة وُكلتَ إليها، وإن أُعطيتها عن غير مسألة أُعنتَ عليها..)). متفق عليه .

2- عن أبي هريرة رضي الله عنه عن النبي صلى الله عليه وسلم قال: ((إنكم ستحرصون على الإمارة، وستكون ندامة يوم القيامة، فنِعْم المرضعة وبِئْست الفاطمة)). أخرجه البخاري .

3- عن أبي موسى رضي الله عنه قال: دخلت على النبي صلى الله عليه وسلم أنا ورجلان من قومي فقال أحد الرجلين: أمِّرنا يا رسول الله، وقال الآخر مثله، فقال: ((إنا لا نوليِّ هذا من سأله ولا من حرص عليه)). متفق عليه


كل المرشحين اللى نزلوا كانوا طالبين السلطه
ولكن يشاء القدر ان خيرت الشاطر يتشال من قائمة المرشحين و تدفع جماعة الاخوان المسلمين
سيادتك على الرغم انك مكونتش طالب سلطه


ويشاء الله سبحانه و تعالى انك تكون الرئيس
وانا حاسس ان ربنا اختارك لتصلح حال هذه الامه


ربنا يوفقك ياريس

[د.هبه77]

ربنا يبارك فيك
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

[mhamdy75]

[احمد على 1999]

اعانك الله سيادة الرئيس

[nktis]

بالرغم من بعض اختلافي و معارضتي للاخوان .,. بس انا في الاعاده اعطيت للدكتور مرسي .,. ووقتها و الي الان مقتنع بيه و لو اتعادت تاني بينه و بين شفيق او موسي هدي للدكتور مرسي .,. الكرسي جاله و مكنش هو نفسه عامل حسابه او عايزه و الله اعلم .,. الفتره العصيبه اللي البلد فيها لابد مننا كلنا معارضين دعم سياده الرئيس لشخصه و معارضه الاخوان براحتنا ...
الثوره اكلت 20 مليار من احتياطي النقدي بتاع البلد و فاضل علي حد علمي اقل من 20 احتياطي نقدي .,. ببساطه لو ثوره تاني يبقي هنشحت و ساعتها ابقي سلملي علي الغرب الداعم للديمقراطيه ...