هل من العيب ان تغسل سيارتك بنفسك ؟؟؟؟؟؟

[spikymah]

الموضوع ده مفيهوش أي عيب خالص. محدش حيكون قلبه على عربيتك ولا حاسس بيها أكتر منك. آخر مرة رحت نضفت العربية في البنزينه لقيت واحد سايب عربيته بتتنضف بره وجوه، الواد اللي كان بينضفها له كان بيعامل الأكر بغباء وكان حيكسرهم مش عارف ليه كده هل عدم دراية منه أن الحاجات دي محتاجة معاملة خاصة ولا إيه أنا مش عارف. فمن ساعتها وأنا واخد القرار أني أنصف العربية بنفسي ولو أتزنقت هوديها البنزينه ومش حسيبها تغيب عن عيني. وياريت لو نعمل موضوع عن العناية بالعربية من بره ومن جوه وأية الحاجات اللي ممكن نستخدمها زي الملمعات والبولش....... وايه أحس ماركات وأسعارها أيه ونجيبها منين. وآسف على الإطالة

[momen_bondok]

المشاركة الأصلية كتبت بواسطة mezat2020 ليس عيبا بل العيب ان تمشى بالعربيه مش نظيفه خصوصا مع قله محطا ت خدمه العنايه بالسياره اخر مره رحت اغسل العربيه فى محطه خادمه اخدت 2ساعه فى البيت ماباخدش نص ساعه وكمان ال شوارع كلها تراب اى مشوار عايز تغسل العربيه بعده وانا شايف انه عادى انا با اهتم بعربيتى

فعلاً مش عيب ابداً العيب إنك تكون ماشى بسيارة ماشاء الله فارهه كما نرى من بعض الناس وتكون شكلها من التراب اللى عليها يدل على شخصية صاحبها
جزاك الله خيراً على المشاركة

المشاركة الأصلية كتبت بواسطة msr1192 والله انا بغسلها كل فترة بنفسي خاصة لو كانت مش محملة طين في الرفارف بقعد مع نفسي واعيش لكن لو متوسخة من تحت باضطر اروح البنزينة عشان ضغط المياه

انا ممكن اذهب لمركز خدمة بلدى عندنا حوالى ثلاث مرات او مراتان فى السنة فقط علشان اغسل الموتور والعربية من اسفل وبتولي انا الباقى
جزاك الله خيراً على المشاركة

المشاركة الأصلية كتبت بواسطة sherifabden انا معنديش اي مشكلة اني اغسل عربيتي بنفسي حتى لو كنت رئيس الجمهورية !!!

أجمل شىء التواضع طالما ليس عيباً أو به حرمانية يبقى إية المانع
جزاك الله خيراً على المشاركة

[momen_bondok]

المشاركة الأصلية كتبت بواسطة محمد صالح - المحامى دى مشاكل نفسية عن بعض الاشخاص وممكن يكون عدم وجود وقت او قدرة ========= انا مدمن غسيل العربية بنفسى والناس بتستغرب وانا راجع من المحكمة بالبدلة و شوية بيلاقونى لابس برمودا وماسك الجردل ونازل اغسل العربية . انا شايف ان انا طبيعى والحمد لله والتواضع من اخلاق رسول الله ونحن امه انعما الله بالاسلام واتباع رسول الله صلى الله عليه وسلم

فعلاً عدم وجود الوقت وكمان عدم توافر المكان أنا أصبحت أشعر بها بدرجة كبيرة وخاصة إن المنطقة عندى زحمه جداً
وفعلاً الحكاية دة بتخلي الواحد يشعر احياناً بالفقراء
جزاك الله خيراً على المشاركة

المشاركة الأصلية كتبت بواسطة ابو الشوق كاديلك انا اخري خالص ممكن امسح الزجاج بتاع الغربية فقط لا غير لكن اني اغسل العربية كلها او امسحها حتي لو متوسخة جدا بصراحة صعب اووووي عمري ما عملتها ولا هعملها مع كامل احترامي لرأي كل الناس ، بس اعذروني في رأيي انا بالنسبالي المظهر مهم جدا وغير مقبول ان اي شخص يشوفني بالمظهر ده

وجهه نظر تُحترم وفعلا مش كل الناس مثل بعض وبالاخص فى زمن قلت فيه الأخلاق الناس تبقى ماشية بترميك بالنظرات كأنك بتعمل شىء عيب
جزاك الله خيراً على المشاركة

المشاركة الأصلية كتبت بواسطة amir elgamal لا طبعا مش عيب فيها ايه يعنى بالعكس دانا بحس بمتعه لما اغسل عربيتى واهتم بيها

انا بشعر إن العربية بتبقى عايزة تشكرنى بعد ما اخلص

[momen_bondok]

المشاركة الأصلية كتبت بواسطة tata33 انا معنديش اى مشكلة خاصة ان عندى جراج وكمان انا هخلى بالى عن بتاع المحطة طبعا لو فيه طين تحت العربية والرفارف باضطر اروح المحطة بس دا فى الشتا غلبا

انا أيضا بردو بروح مركز تنظيف بلدى علشان أسفل السيارة

المشاركة الأصلية كتبت بواسطة طارق المحلاوى انا باجد فى الموضوع ده متعة .. ولكن المشكله فى الوقت ..

جزاك الله خيراً على المشاركة

المشاركة الأصلية كتبت بواسطة ezzat2002mo بص ياباشا انا من رايي كل اللى يعجبك والبس اللى يعجبك برضه واعمل اللى يعجبك كمان والناس اخر حاجه تفكر فيها مع احترامى لحضرتك انت لو بتسال عن حاجه حرام هقولك ماش تتكسف انما دى حريه شخصيه واللى مش عاجبه الجنيه اللى بيدهولى يمنعه زى ما بيقولوا انا ساكن فى منطقه راقيه واتفقت مع شباب فى المنطقه يغسل العربيه مع ان فيه واحد بيسترزق جنب الشغل بس قعد مده مايجيش قلت ياكلوا عيش وقالى لو عاوز اربع مرات فى الشهر ب 5 جم المرة ولو يوم ويوم يبقى ب30 فى الشهر قلت اي حاجه مش مهم الفلوس لقيت انهم بيغسلوا العربيه وقت بين المغرب والعشاء وكمان بيكون فيه شحم مطرح شغل ميكانيكى على الاكصدام زى ما هوة وحته شحم على السقف زى ماهى كل اللى بيعملو بيطوقها بخيشه معفنه مبلوله ويدلق شويه ميه تحتها ويرفع المساحات واحمد ربنا على كده فى يوم كلمته مرة والتانيه وبرضه زى ماهم قلت له كفايه كده ورحت هايبر لقيت مسدس وجبت 15 متر خرطوم ومن البلكونه بنزل الخرطوم وباغسلها زى الفل وبتبقى عروسه ولا يفرق معايا حد واللى مش عاجبه يشرب 0000000000000 ولا بلاش الحلال بين والحرام بين اعمل اللى انت عاوزة وسيبك مفيش حاجه اسمها احراج احنا فى 2012 يا عم ده البنات نفسها بطلت تستحى

ليس بعد كلام حضرتك كلام
جزاك الله خيراً على المشاركة

[ymg20052006]

المشاركة الأصلية كتبت بواسطة د0تامر محمد فى بعض الاحيان أقوم بهذا عندما يكون عندى متسع من الوقت ولا توجد مشكلة فى ذلك وأحرص على مسح السيارة من الأتربة يوميا خذوا من رسول الله صلى الله عليه وسلم قدوة فقد كان يخيط ثوبه ويساعد خدمه ويقوم ببعض الأعمال بنفسه

عالاقل بنعرف نحافظ علي حاجتنا مهما كان اللي ماهو لك عضمه من حديد