ركبتها وياريتنى ماركبتها

[Limoway]

المشاركة الأصلية كتبت بواسطة الكشفى طب وذنبنا احنا اية لما نلاقى علامة شفرولية على عربية ونعتقد انها كويسة وبعد كدة نركبها نلاقيها طيارة مش عربية ( يعنى بتطير من على الارض من اقل شوية هواء )

في بعض البلدان هيقولولك " القانون لا يحمي المغفلين"

وفي بلدان أخري هتلاقي سعر العربية (زيرو) ملاليم فا مش هاتزعل لإن إنت أصلا شاريها علشان تحط فيها الخضار إلي بتشتريه من الهيبر.

وفي بلدان أخري المواصفات القياسية هتمنع دخولها البلد أصلا. ولو دخلت البلد بالغلط ومعجبتكش العربية هترفع عليهم دعوة في حماية المستهلك وتاخدلك تعويض تجيب بيه مرسيدس S وشقة والباقي تحطه في البنك.

عموما بالنسبة لمصر.
معندكش غير إنك تبوس علي إدين بتوع التوكيل يدولك تيست درايف.
أو تشوف واسطة ترتبلك معاهم تيست درايف.

بالإضافة للإستفادة من خبرات اللبيسة القدام والي ممكن تلاقيهم معسكرين علي المنتديات زي منتدانا العزيز ده.

وبالهنا والشفا.

[cheetosmini]

يعنى لو واحد عايز يشترى الفئة دى من العربيات يبعد عن الشيفرولية ويشترى الفاو من وليد توفيق ولا يعمل اية بس بعيد عن السوزوكى

[acounter01]

الحمد لله انها جت سليمة ورنا سترها معاك

[ابراهيم احمد مهيا]

الله يطمنكم يا رجاله ال n 200 ؟؟؟؟؟؟؟ دا انا كنت فرحان بيها و بقول هى دى العربيه المتعدده الاستخدام الصح صح يعنى:12422A~1 7: طيب حد يتكرم و يورينا سياره توكيل وليد توفيق شكلها ايه وياريت يا عم الكشفى المره الجايه تجرب السوزوكى المينى باص اللى زى الn200 وتحكى لنا عن تجربتك معاها وياريت لو اى عضو جرب السوزوكى دى يقول لنا اخبارها ايه ؟؟؟

[سالم ملوح]

والله حرام الى بيحصل فيك هذا ربنا يكون فى عونك بس انا ليا عتاب على التوكيل شيفورليه من انه يبيع عربيه فيها المواصفات هذه واخيرا حمد الله على السلامه