فيها إيه لو " لو جان "

[EgyZizo]

عيوبها شكل داخلى من القرون الوسطى (سئ للغايه)

أهو دى حاجة من الحاجات اللى محيرانى على الآخر ..

ازاى أنا أول مرة شفتها (وياما شفت) ، عجبنى الشكل الداخلى وترتيب التابلوه وزراير التكييف
وازاى حضرتك بتقول انه من العصور الوسطى ؟؟

يا ترى ايه المقياس اللى بنحكم بيه على الشكل ؟؟؟؟؟
واللا مافيش مقياس؟؟

[m_o_sakr]

المشاركة الأصلية كتبت بواسطة m_o_sakr مميزات الفرنا موتور قوى, شكل داخلى احلى و اكثر تطوراً من اللوجان, سهولة الصيانه, سعر إعادة بيع جيد, قطع غيار منتشره و بأسعار معقوله, مفيش عيوب كبيره, اداء العربيه و التسارع افضل من اللوجان و إستهلاك بنزين اقل و عيوبها عدم الثبات على السرعات العاليه مميزات اللوجان وجود ايرباج, شكل خارجى أفضل, عربيه اوسع و اريح و عيوبها شكل داخلى من القرون الوسطى (سئ للغايه) و عدم إنتشار قطع الغيار و ارتفاع سعرها نسبياً و إن كانت قطع الغيار حتنتشر نتيجة إنتشار العربيه و سعر إعادة البيع مش كويس حتى الأن و حضرتك ممكن تفكر فى البروتون الساجا الجديده و ده لينك لموضوع مقارنه بين لوجان و بين ساجا http://www.masrmotors.com/vb/showthr...526#post108526 و ده لينك لموضوع مقارنه بين الفرنا و اللوجان عامله الدكتو عمر http://www.masrmotors.com/vb/showthr...536#post108536

المشاركة الأصلية كتبت بواسطة flashfox لا مواخذة انت عجباك الساجا و مش عاجبك اللوجان مع ان الساجا مش منتشرة اصلا ولا ليها قطع غيار في التوكيل بتاعها اساسا وثانيا ازاي شكل اللوجان قديم يعني العربية شكلها مميز جدا ثالثا سعر اعادة البيع ازاي وندرة من الناس هي اللي بتبعها قبل ما تستلمها او اول ماتستلمها وبتبعها بنفس سعرها رابعا الفيرنا مع 3 اصحابي وبيشتكوا لانها خفيفة فعلا وغير كدة من جوة التابلوه مش بي ام هو تابلوه عادي واللوجان شكله احلي (فول اوبشن لاني مشفتش تابلوه الهاف) وياريت محدش يحكم علي عربية ميعرفهاش لان دة بيدي صورة غلط عن العربية بجد

يا أستاذ فلاش انا مقلتش إن الساجا عجبانى ولا قلت ان قطع غيارها منتشره ولا حاجه, حضرتك إقراء المشاركه تانى, انا بتكلم عن الفرنا مش البروتون, انا قلت ممكن تفكر فى العربيه دى و كتبت لينك مقارنه بين لوجان وساجا وفرنا
كمان كتبت إن اللوجان شكلها من الخارج أفضل وكتبت مميزات و عيوب العربيه مش عيوبها فقط
سعر إعادة بيع الفرنا افضل حالياً و الله اعلم فى بعد كده حيكون إيه؟؟
انا كتبت عيوب الفرنا و إنها مش ثلبته على السرعات العاليه, يعنى مكتبتش مميزات بس, انا كتبت مميزات و عيوب
موضوع تابلوه اللوجان ده رأى و رأى كتير من الناس إن شكله مش حلو و فى الأخر الشكل ده موضوع ازواق و زى محضرتك عاجبك شكل تابلوه اللوجان ومش عاجبك تابلوه الفرنا, انا عاجبنى تابلوه الفرنا اكتر من اللوجان!!!
أنا اعرف العربيه و شفتها و ركبتها و بالرغم من كده انا مش بحكم عليها, انا بأقول رأيئ فقط
شكلراً لحضرتك

[m_o_sakr]

المشاركة الأصلية كتبت بواسطة m_o_sakr عيوبها شكل داخلى من القرون الوسطى (سئ للغايه)

المشاركة الأصلية كتبت بواسطة EgyZizo أهو دى حاجة من الحاجات اللى محيرانى على الآخر .. ازاى أنا أول مرة شفتها (وياما شفت) ، عجبنى الشكل الداخلى وترتيب التابلوه وزراير التكييف وازاى حضرتك بتقول انه من العصور الوسطى ؟؟ يا ترى ايه المقياس اللى بنحكم بيه على الشكل ؟؟؟؟؟ واللا مافيش مقياس؟؟

إيه المقياس اى حضرتك حددت على اساسه ان شكل التابلوه حلو و عجب حضرتك!!!
انا شايف من وجهة نضرى إن شكله سئ و قديم, متحسش فيه بأى تطور, يعنى شكل عتيق جداً

[POP EL GAMED]

يارجاله يا ريت مننجرفش لموضوع شكل التابلوه حلو ولا وحش لان مش ده اللى بيحكم على العربيه
ومش بالضروره ان اللى يعجبنى يعجبك
فيه واحد يحب ياكل سمك وواحد ميطيقوش ويحب ياكل فراخ
متقدرش تقول ده غلط ولا ده غلط دى اذواق وراحه نفسيه
ياريت نسيبنا من موضوع الشكل اللى من القرون الوسطى ده لان الناس مستغربه شكل العربيه مش اكتر
تحياتى للجميع

[m_o_sakr]

المشاركة الأصلية كتبت بواسطة POP EL GAMED يارجاله يا ريت مننجرفش لموضوع شكل التابلوه حلو ولا وحش لان مش ده اللى بيحكم على العربيه ومش بالضروره ان اللى يعجبنى يعجبك فيه واحد يحب ياكل سمك وواحد ميطيقوش ويحب ياكل فراخ متقدرش تقول ده غلط ولا ده غلط دى اذواق وراحه نفسيه ياريت نسيبنا من موضوع الشكل اللى من القرون الوسطى ده لان الناس مستغربه شكل العربيه مش اكتر تحياتى للجميع

أنا مع حضرتك ان الشكل لا يحكم على أداء العربيه و لكنه عامل مهم فى إختيارها
و أكيد الناس اذواق (لولا إختلفت الأذواق لبارت السلع), انا بس رديت على الأستاذ الى بيقول ايه الى خلاك تقول شكلها مش عاجبك و على اى اساس قلت كده فرديت علبه مش اكتر, و لكن من وجهة نظرى إن العربيه فعلاً شكل الكونسول بتاعها وحش جداً