نظره اولى على عيوب اللوجان الاوتوماتيك

[ahmedashraf]

المشاركة الأصلية كتبت بواسطة mohamedsalahelden انا ركبت الالنترا الاوتوماتيك وقولت اجرب سحبها مختلف تماما تماما العربيه بتشم دواسه البنزين وفيها قدره دفع رهيبه بالمقارنه باللوجان بس هيه النترا الشكل القديم وتغيير النقلات مش حاسس بيه نهائى وتجميع النقلات فى منتهى الجمال

عشان كده بقوللك إن الموضوع نسبي, عشان إنت ركبت حاجة مختلفة في النقطة دي فبتقارن بيها عصب عنك من غير متحس, المقارنة دي ممكن تكون لصالح اللوجان لو كانت التجربة السابقة لحاجة أقل, وهكذا.

طبعا إنت معذور فى النقطة دي وانا متخيل إحساسك لما يكون التغيير من حاجة أعلى لحاجة أقل, بس ده متوقع لأنك بتقارن إلنترا بلوجان وأظن المقارنة دي تظلم اللوجان, حاول تأقلم نفسك مع فكرة إنك تغير إللى إتعودت عليه زي حساسية الدواسة والإحساس بالنقلات .. إلخ, ومتخليش الحاجات دي تكون سبب يعكر صفو إستمتاعك بالعربية وكرهها. ده إنت لو نقلت من إلانترا لسيراتو أو من لانسر لكروز أكيد برضه هتحس بشوية فروق بين كل عربية والثانية في نقطة السحب والتجميع وحساسية الدواسات ونعومة العفشة ...إلخ, ولكن ده لا يعنى إن عربية فيهم معيوبة.

متخدش كلامي على إنه دفاع عن العربية أو تشكيك في كلامك لا سمح الله, أنا عارف إن العربية معاك من قبلى وإنك مشيت بيها أكتر منى وإنك كمان ليك سابق خبرة فيها مع المنوال, بس لنا حسيت إن الحاجات دي مش شرط كل الناس تحسها زيي مثلا وزي الأخ الفاضل مصطفى حبيت أوضح إنها ممكن تكون نسبية, بمعنى إن المتعود على حاجة أحسن ممكن يحسها وإللى متعود على حاجة في نفس المستوى أو أقل مش هيحسها خالص.

تقبل تحياتي وتقديري, وعرفنا إيه الأخبار معاك لما تمشي بيها أكتر.

[jamil]

حسبنا الله ونعم الوكيل

[mohamedsalahelden]

المشاركة الأصلية كتبت بواسطة ahmedashraf عشان كده بقوللك إن الموضوع نسبي, عشان إنت ركبت حاجة مختلفة في النقطة دي فبتقارن بيها عصب عنك من غير متحس, المقارنة دي ممكن تكون لصالح اللوجان لو كانت التجربة السابقة لحاجة أقل, وهكذا. طبعا إنت معذور فى النقطة دي وانا متخيل إحساسك لما يكون التغيير من حاجة أعلى لحاجة أقل, بس ده متوقع لأنك بتقارن إلنترا بلوجان وأظن المقارنة دي تظلم اللوجان, حاول تأقلم نفسك مع فكرة إنك تغير إللى إتعودت عليه زي حساسية الدواسة والإحساس بالنقلات .. إلخ, ومتخليش الحاجات دي تكون سبب يعكر صفو إستمتاعك بالعربية وكرهها. ده إنت لو نقلت من إلانترا لسيراتو أو من لانسر لكروز أكيد برضه هتحس بشوية فروق بين كل عربية والثانية في نقطة السحب والتجميع وحساسية الدواسات ونعومة العفشة ...إلخ, ولكن ده لا يعنى إن عربية فيهم معيوبة. متخدش كلامي على إنه دفاع عن العربية أو تشكيك في كلامك لا سمح الله, أنا عارف إن العربية معاك من قبلى وإنك مشيت بيها أكتر منى وإنك كمان ليك سابق خبرة فيها مع المنوال, بس لنا حسيت إن الحاجات دي مش شرط كل الناس تحسها زيي مثلا وزي الأخ الفاضل مصطفى حبيت أوضح إنها ممكن تكون نسبية, بمعنى إن المتعود على حاجة أحسن ممكن يحسها وإللى متعود على حاجة في نفس المستوى أو أقل مش هيحسها خالص. تقبل تحياتي وتقديري, وعرفنا إيه الأخبار معاك لما تمشي بيها أكتر.

[mohamedsalahelden]

المشاركة الأصلية كتبت بواسطة jamil حسبنا الله ونعم الوكيل

,نعم بالله والحمد لله على كل اللى يجيبه ربنا

[حسام البورسعيدى]

على فكره النتشة دى طبيعية جدا ومفيهاش مشكلة .. ده لو قصدك على النتشة اللى شبه نتشه تعشيقه الدبرياج فى المانيوال لو مزود سنه بنزين ورفعت دبرياج اثناء النقل بين الاول والتانى ...

لو دى اللى تقصدها وبتحصل من غير اى خبط او رزع غريب يبقى طبيعى جدا ..

عربيات كتير اوى فيها النتشه دى وده على فكره مش عيب .. بل بالعكس دى بتديلك اداء رياضى ...

وممكن بعد تليين الموتور فتره كافيه جرب مره تروح طريق فاضى وتعمل كيك داون (تدوس بنزين للاخر) لغاية سرعه 100 ولا حاجة وتجرب اداء الفتيس هيكون ازاى ...

النتشة دى انا اخدت بالى منها فى كذا عربية قبل كده زى السيفيك 99 و 96 (نفس الشكل) و ميتسوبيشى ميراج (النسخة الامريكى من الكريستاله) .. وموجوده عندى فى الافانتى بس اخف شويه ...

وبالنسبه للتزييقه اللى ممكن تسمعها من الفرامل وانتا ماشى بالراحه خالص (بتركن مثلا) دى عادية جدا جدا وموجوده فى كل العربيات الاتوماتيك (انا لاحظتها حتى فى الاوكتافيا 2010) ....