العضو yahiaashraf ( اعتراف للجميع )برجاء دخول الموضوع لاهميته الشديده

[hamdy said]

ا لحمد لله ماحدش شاف اعترافى

[Muhammad A]

المشاركة الأصلية كتبت بواسطة yahiaashraf بسم الله الرحمن الرحيم ************************* ** انا النهارده هعمل موضوع غريب جدا ومحدش كان يتوقعه بس ما علينا من غير لف و دوران انا هبتدى على طول و بكل جديه ************************* انا يحيى اشرف طالب ثانويه فى شهر 7 اللى فات انا كملت ال 16 سنه و حاليا انا ماشى فى اول ال 17 عام انا باذن الله داخل الصف الثانى الثانوى ( كان لازم اريح نفسى و اقولكم الحقيقه بكل امانه ) بالنسبه للفولكس سوران و الباسات اللى مكتوبين فى توقيعى دول بتوع والدى بالنسبه لمكان اقامتى فهى اسكندريه زى ما انا كاتب بالنسبه لالمانيا دى قصة طويله جدا جدا ملخصها ان والدى احيانا بيسافر يشتغل هناك فى وقت معين من السنه انا اول مره ابتديت اسوق فيها كان و انا فى الصف الثانى الاعدادى و حاليا انا اتقنت السواقه و بعرف اسوق كويس بالنسبه انى كونت بقول فى بعض مواضيعى كان واحد مثلا يسالنى عن سياره فانا كونت اقول عن تجربه دى بقى كالاتى :- يا اما والدى كان بيكون جرب العربيه فانا بقول عن تجربه او انا جربتها بعد ما اتقنت السواقه و ده بقول عن تجربه بس الصراحه التجارب بتاعت والدى اكتر طبعا ************************* انا الحمد لله ليا خبره كبيره فى عالم السيارات من و انا صغير جدا بحب حاجه اسمها عربيه انا بعرف اقارن بين انواع السيارات و بعرف اسعر السيارات المستعمله الخ انا مرضيتش اقول سنى الحقيقى من الاول لسبب ؟ انى خبرتى فى السيارات عىلى سنى الصغير محدش هيصدقها على سبيل المثال فى موضوع رابطة قول معاك كام بتاعى لو واحد سالنى و انا قولتله على حاجه معينه هيقول يعنى اصدق واحد عنده 17 سنه و انا هدفع المبلغ ده كله مع انى ببقى متاكد من كل كلام ما علينا انا شرحتلكم كل حاجه بالتفصيل و من النهارده اقبلونى على انى يحيى اشرف طالب ثانوى كلها سنتين و هدخل الكليه باذن الله و كمان سنتين هطلع رخصه باذن الله انا المفروض دلوقتى بطلع بطاقه علشان معلوماتكم كمان انا اللى شجعنى كمان انا لاقيت ناس فى نفس مستوى سنى 16 - 17 و ده شجعنى جدا جدا ********************* بالنسبه لبياناتى ******************* انا همسح انى مقيم بالمانيا و همسح السوران و الباسات لانى زى ما قولت دول بتوع والدى ************************ انا بعد ما قولت كل حاجه بصراحه مقبقتش عايل هم و فخور انى معاكم باعظم منتدى و فخور بانى وسط حبايبى سواء كبير او صغير فى السن زى حالاتى اهلا بكم جميعا ************************* ******* منورين يا رجاله و الله بالمناسبه دى بقى حاجه خفيفه كده : 120105~352::1 20105~352: : Wkiss5:

الاهم من كل دا انك تركز في الثانويه العامه علشان دي الاهم

وعلي فكره عمر العبقاريه ماكانت بالسن ولكن العبقاريه بالعلم

[نبيل عبدالرحمن]

الحكاية مش حكاية سن يا يحيى
يعنى أنا شايف فى موضوعاتك الكثيرة اللى ماليه المنتدى شخص ناضج وبيفهم وده مالوش دعوة بالسن
عموماً ربنا يوفقك وتنجح فى الثانوية العامة وتدخل كلية الهندسة لأنها المكان المناسب لك ، بس المهم شد حيلك

[mhamdy75]

هههههههههههههههه

إيه ياعم يحيى

ده أحلى سن

بس

أنا


مش


مسااااااااااااااااااااااا اااامحك


على


الأكل والبيبسى


حرام عليك

[moustafa.peace]

طبعا تحية جامدة جدا ليك ولاعترافك الجميل وعمر ما كانت الخبرة بالسن الخبرة بمدى الظروف اللى مرت عليك وخلتك تشوف الحاجة اكتر من مرة باكتر من زاوية مختلفة على فكرة انا اكبر منك ومعرفش نص اللى انت تعرفة ( بسم الله ما شاء الله ) مش بحسد والله بس دايما عاوز اقولك ثق بنفسك وعاوز اقولك ركز فى دراستك لان دراستك مع معرفتك هتفرق معاك جامد اوى
ربنا يكرمك وبفوقك ان شاء الله