أعطال كل السيارات وأصلاحها

[hamada666]

السلام عليكم
انا فكرت اعمل موضوع جديد بس قعدت افكر لقيت المنتدي فية كل حاجة ممكن تخطر في بال الواحد مننا بس لقيت انه نقص حاجة صغيرة خااااااالص وهي اية الاعطال واية اسبابها لان اول حاجة كانت بتشدني اول ما دخلت المنتدي اني اسمع المشكلة واقترحات اصلاحها وافضل أقلب في صفح الموضوع لحد ما اسمع صاحب المشكلة لقي العيب من اية وكنت بزعل اوي لو الموضوع ما كملش وصاحب المشكلة قالنا وصل لاية والعطل كان منين ولقيت ان أحنا ممكن نعمل موضوع شامل بمشاركتنا كلنا واللي تعجبة الفكرة يمد ايدة ويكتب للنصيحة وللأستفادة
الفكرة تعتمد علي ان كل واحد فينا قابلة عطل او شكوي في العربية يكتب اية اعراضة واتصرف معاة ازاي وتجربتة معاة والحل كان اية مثلا انا هابتتدي :
* مرة العربية لما كانت جديدة كانت فجاءة تبطل مني ولمبة الكمبيوتر تنور ومترداش تدور وتبقي عاملة زي ما تكون شرقانة وكنت استني شواية تدور ولما روحت التوكيل المهندس قالي دة حساس كرنك وفعلا غيرتة وراح العيب الحمد لله0
* مرة تانية العربية كانت بتدور معايا كل يوم من اول مرة وفي يوم بعد ما روحت مشوار صغير وجيت ادور الاقي العربية بتعمل صوت تكتكة بس مش راضية تتدور وبالكشف طلعت البطارية عملتها رغم ان زجاج الكهرباء والكلاكس كانو شغالين ودة اللي شككني انها فيوزات بس طلعت بطارية بعد البحث والتنقيب0
8 مرة تانية لقيت طقطقة من تحت العربية بالاخص مع الغيار الاول والثاني والمطبات وبعد يومين بقيت احس ان العربية زي ما تكون سايبة من تحت وبعد السؤال الاصدقاء قالولي دية صلايب عمود الكردان ولكن بعد الكشف وتتبع مكان الصوت طلعت القواعد بتاعة العجل الخلفي عاوز يتقرط عليها وتتغسل بجاز وراحت الطقطقة0
اتمني من الجميع المشاركة بتجاربهم لتعم الاستفادة وربنا يقلل أعطالن يا رب

[Mody Elmasry]

موضوع جميل و مفيد ان شاء الله

[svneleven]

فكرة جميلة بس مش عايزين مناقشات و اقتراحات عشان الموضوع ما يكبرش أوي. الأحسن كل واحد ييجي هنا بعد حل المشكلة يكتب المشكلة و حلها معاها عشان نسجل أكبر عدد من المشاكل و حلولها.
و يا ريت الواحد يقول نوع العربية و موديلها عشان نحقق أقصي استفاده.

[mr_astra]

انا عملت مشروع قاعدة بيانات وطرحتة هنا من سنتين تقريبا على امل انة يكمل ونعمل اكتر من فيرجن منة بس للاسف الموضوع ملقاش اقبال خالص ودلوقتى بنتعامل بالعطل حتى لو متكرر

[mr_astra]

ودة كمان فكرة للصنايعية كنت عاوز اعملهم قاعدة بيانات

شوف كدة

المشاركة الأصلية كتبت بواسطة mr_astra كنت فى منتدى الصيانة من شوية ولقيت موضوع جامد اوى بيتكلم عن اسماء وعناوين الصنايعية الشاطرة عشان اللى عمل شغل كويس عند حد شاطر ومحترم يكتب بيانات الصنايعي وبقية الاعضاء يستفادو منة صراحة فى مشاركات كتير وناس كتير دخلت كتبت ارقام وعنواين صنيعية فى كل المحافظات وبمختلف التخصصات لكن هنا فى مشكلة اولا الصفحات بتاعة الموضوع هاتكبر جدا فانت لو عندك مشكلة فى كهرباء العربية من محافظة بور سعيد مثلا هاتفضل تقرا كل المشاركات عشان تلاقى صنايعى فى بور سعيد بيشتغل فى الكهرباء صح طب انا فكرت انى اعمل قاعدة بيانات وانا متكفل ان اى حد يكتب بيانات صنايعى ما انى ادخلها فى القاعدة وبامر الله اما تكمل بشكلها النهائي ارفعها على سيرفر المنتدى او حتى ممكن كل اسبوع ارفع نسخة منها تاخد تاريخ الرفع ......والشغل هايبقى كالتالى 1 تختار المحافظة اللى انتى منها 2 تختار انت عاوز تعمل شغل اية فى العربية 3 تدوس على زرار تلاقى بيانات كل الصنايعية اللى ممكن يعملوك الشغل وانا هاصنفهم غالى ورخيص ومهارتة دة كمان ممكن مثلا اعمل داخل المحافظة الاحياء يعنى عاوزين ميكانيكيا فى القاهرة بالقرب من الزتور مثلا او عين شمس او الهرم كدة يعنى برضة ممكن اعملها بس اهم حاجة اللى يكتب بيانات يكتبها تفصيلى الاسم، رقم الموبايل ، العنوان تفصيلى : غالى ولا رخيص ودى صور لما سوف يكون بامر الله يا رب الفكرة تعجبكم ونبقى عملنا دليل شامل للناس اللى معندهاش خبرة فى العربيات او اللى عاوز يعمل شغل عند حد متجرب قبل كدة