تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

[sayed2077]

المشاركة الأصلية كتبت بواسطة Islam abu rahmah شكرا جدا يا استاذ سيد. سافرت يوم السبت الى المهندس (عشان هو مش فنى بس) الراجل فاهم العربيه كويس جدا. قام بتركيب ليا التكيف بسعر (2800) وشغال معيا كويس جدا علما انا سيارتى شاهين 1400 سس موديل 2001. بس المشكله ان درجة حراره السياره في عز الظهر لا تقل عن 90 (طول المشوار) ولكن بليل حراره تصل الى من 80 الى 70. دى كانت تجربتى امبارح. اما التكيف نفسة بيسقع من اول ما تشغلوا. اخديت السياره 13 ساعة تركيب. طبعا انا مش عارف اذا كان موتور السيارة يستحمل 2 ساعة مشوار داخل البلد على درجه حراره 90. بس التكييف يستاهل.

الف مبروك ياباشا على التكيف
وفعلا الاسطى احمد راجل بيتقى الله بجد وقليل اوى لما تلاقى صنايعية زيه علشان كدا الوحيد اللى بتكلم عليه من بين الناس اللى بتعامل معاهم هو لانه فعلا بيتقى الله والله يباركله

بالنسبه لدرجة الحرارة 90 فديه درجة الحرارة المثالية لحرق البنزين واستهلاكه وحتى لو اشتغلت بيها 100 ساعه على درجة حرارة 90 متقلقش لان ديه اصلا المفروض انها درجة الحرارة المثاليه لحرق البنزين وطبعا متنساش صيانات التكيف المعتادة
انك كل شهر تجيب خرطوم ماية وتغسل سربنتينة التكيف والردايتير بالمياه وفى الشتا كل اسبوع شغل التكيف ربع ساعه او نصف ساعه
و كل سنه تروح تنضف الثلاجه الداخلية وتعمل فحص على دورة التكيف بالكامل لضمان افضل اداء

والف مبروك مره اخرىيا

[sayed2077]

المشاركة الأصلية كتبت بواسطة michohat حضرتك انا العربية عندي مفيش فيها تكييف وفيها دفايه العربية فيات 131 موتور 1600 2 كامة اتمني اني اركب ليها تكييف و يكون له منافذ هواء للكراسي الامامية والكنبه الخلفية فهل ممكن الفني بتاع التكييف يكون عنده فكره انفذ بيها ده ورجاء تحديد المحافظة او المكان المتواجد به للنظر هل هو بعيد عنى ام لا

بالنسبه للتكيف فهو يركب كويس جدا عند حضرتك بدون ادنى مشاكل ويالنسبه لان يكون فيه منافذ هوا امامية وخلفيه ديه بصراحه مقدرش افيد حضرتك فيها واللى يفيد فيها حضرتك الاسطى احمد نفسه وهو فى محافظة القاهرة فى المعادى ويستاهل السفر فعلا من اى مكان وعموما الوحده اللى بتركب زى التكيف الاسبليت فى السيارة اللى انا مصورها ديه قوية جدا لدرجة ان الناس اللى ورا فى الكنبه بيبقى وصلهم الهوا كويس جدااا بدون مشاكل وبعت الرقم لحضرتك تقدر تكلمه وتستفسر منه على كل شىء ان شاء الله

[sayed2077]

تم ارسال العنوان ورقم التليفون على الخاص للجميع

[mohamed81m]

موضوع جميل بجد وناس كتير هتستفاد منة وانا اولهم اتمنى ارسال العنوان ورقم التليفون بارك الله فيك

[sayed2077]

المشاركة الأصلية كتبت بواسطة mohamed81m موضوع جميل بجد وناس كتير هتستفاد منة وانا اولهم اتمنى ارسال العنوان ورقم التليفون بارك الله فيك

الف شكر لحضرتك وفعلا فيه استاذ من المنتدى ركبه والحمد لله مبسوط جدا من التكيف الحمد لله