عملت عمرة ومفيش فايدة

[المفكر]

المشاركة الأصلية كتبت بواسطة mohmedkamel كل سنة وانت طيب وعيد سعيد عليك - بعد عمل العمرة لازم تقعد فترة تظبط فى العربية مابين كاربيراتير وتاكيهات وكهرباء وردياتير لغاية ما تظبط معاك فادعوا لك بالصبر وطول البال - ياريت تعرفنا عملت العمرة عند مين وتكاليفها كام حتى تفيد اعضاء الرينو - هل العمرة افضل ام شراء موتور استيراد من وجهة نظرك

الحمد لله العربية اتضبطت والغريب إن المشاكل بتبقى تافهة جدا
عموما الكاربيراتير اتضبط وبقى تمام ومكنش فيه مشكلة كبيرة ولا حاجة.
التاكيهات زي الفل وراجعت عليها مع إنه لسه بدري
وعملت العمرة عند ورشة بتاعة اتنين صنايعية أمناء ومحترمين وبقالي معاهم سنين
الورشة في عين شمس شارع أحمد عصمت.
اسمها رينو الأصدقاء (سيد وحاتم) هيا قبل شارع العشرين أمام مقابر النصاري.
الموتور ده كنت شاريه من 5 سنين وكان ممتاز
بس العمرة طبعا بتختلف حسب حالة الماتور والصنايعية
الحمد لله العمرة خلت الموتور ممتاز صوته ناعم جدا فوق ما كنت متصور
طبعا هيا لسه في التليين فمش قادر اضغط عليه لكن أدائه ممتاز وحاسس بإنه عايز يجري.
الزيت شفاف وده معناه ان الموتور من جوه نظيف جدا زي الجديد.
المهم في العمرة زي ما قلت حالة الماتور والصنايعي الشاطر اللي يقدر يضبطه
لو لقيتهم يبقى العمرة أفضل.

[محمد فيصل]

بارك الله لك فى سيارتك وحفظك الرحمن من كل سوء
الصبر بعد العمرة مهم جداً
لانه ممكن يشبه بتدريب طفل صغير على المشى او مريض رقد فى سرير المرض فترة طويله
هون الله عليك ويسر الله لك صعاب الطريق

[المفكر]

شكرا على المشاركة م/ محمد فيصل وربنا يصبرنا
انهارده نزلت لاقيت خرطوم في طرمبة البنزين مخروم
وغيرته بدون زعل بنفسي واتاكدت انه مبيسربش وبرضه الحمد لله بقت تمام
واديني مستني اللي بعده