|
|||||||
| رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe |
 |
|
|
أدوات الموضوع |
|
#11
28-09-2008, 12:39 AM
|
||||
|
||||
رد: التقرير الشامل للميجان 2008
السلام عليكم جميعاً
معلش الموضوع قديم شوية بس زى ما انتو شايفين دى أول مشاركة ليا هنا تقييم أكرم ممتاز و مفيش فيه كلام يتقال بس بما أن هانى بيقوله أنه يصبر لحد ما العربية تعمل 30 ألف ولا حاجة وساعتها مش هيكون محتفظ بيها وبما انى من مالكى الميجان فحبيت أعلق على الحتة دى......... أنا عربيتى 2005 و معايا من الزيرو وعاملة لحد دلوقتى أكتر من 80 ألف بشوية بسيطة والعربية ولله الحمد متغيرش فيها أكتر من الحاجات دى 1- بطارية ( فى الضمان ) 2- كويل ( فى الضمان ) 3- بطاحة مساعد يمين 4- طنابير أمامية 5- طلمبة مياه ( مع صيانة ال 60 ألف ) ده غير الزيت والفلاتر والبوجيهات والتيل العربية عموماً أثبت من عربيات كتير يابانى وكورى سقتها منهم الانسر البومة والكريستالة والنيسان الصنى والسوبارو الأمبريزا و تقترب فى ثباتها من أوبل فيكترا B لأن كان معايا واحدة قبل الميجان. التسارع كويس مش وحش بس مع الوقت ال response بتاع الفتيس بيبقى أحسن بالنسبة لعربية بايو أنا كنت قريت فى منتدى تانى أنك كنت جايبها مستعملة.....مش عارف الكلام ده صح ولا لأ ......... بس لو كنت جايبها مستعملة هل كشفت عليها فى التوكيل ؟ وقالولك أيه ؟ العربية دى مينفعش تشتريها مستعملة من غير ما تكشف عليها فى التوكيل........وقريب هيبقى معظم العربيات الجديدة بنفس النظام نظراً للتكنولوجى العالية اللى فى معظم الموديلات الجديدة زى الكورولا مثلاً فى الأخر أرجو انكو تقبلونى عضو معاكم فى المنتدى 
|
|
#12
28-09-2008, 03:57 AM
|
||||
|
||||
|
رد: التقرير الشامل للميجان 2008
اهلا اهلا بيك يا باشا نورت مصر موتورز والدنيا كلها ptmnlo123per122
الميجان فعلا ثابتة اكتر من عربيات يابانى كتير بس اختلف معاك ان السوبارو خارج المقارنة خالص كمان الميجان ادائها عواجيزى حبتين ومن معارفى الشخصية ديه اكتر حاجة بتدايق فيها بالاضافة للتوكيل واسعارة طبعاً غير كده هيا عربية كويسة سواء جديدة او مستعملة بس زى ما حضرتك قولت لازم لازم يتكشف عليها بس انا ليا استفسار عن مداخلتك تقصد ايه بان استجابة الجير بوكس بتتحسن مع الوقت ؟
|
|
#13
28-09-2008, 06:06 AM
|
||||
|
||||
|
رد: التقرير الشامل للميجان 2008
منور بأهله يا باشا
قصدى أنه الفتيس مع الوقت بيظبط نفسه على طريقة السواقة اللى صاحب العربية بيسوق بيها و أستجابته بتختلف الفتيس له 8 أوضاع أو طرق برمجة بيتعامل بيها حسب اللى سايق........بيدوس جامد وبيسقط ولا بيدوس جامد بس ولا ماشى عادى وهكذا زى فكرة الموتور اذا كان صاحب العربية معود الموتور على الجرى والحرق معظم الوقت بنقول على الموتور أنه موتور مفتوح او مفتح الطنابير الأمامية = ديسكات و غيرتهم على 62 الف لأنى أستخدامى عنيف شوية......والتيل فى المتوسط 20 الى 25 الف ( اللى معايا دلوقتى راكب مع الطنابير على 62 الف والعربية دلوقتى عاملة 80 ألف و أخر مرة كنت فى التوكيل من أسبوع بعمل الصيانة قالولى أنه كويس ومش محتاج تغيير قريب.....يعنى على الأقل بنتكلم فى حدود 10 الاف كمان لأنهم عادة لما يكون التيل قرب يبوظ بيقولك عشان تعمل حسابك فى الصيانة اللى بعدها....وده محصلش )
__________________
|
|
#14
28-09-2008, 06:15 AM
|
||||
|
||||
|
رد: التقرير الشامل للميجان 2008
نسيت بس أقول حاجة كمان................
العربية دى عاوزة حاجتين 1- تواظب على الصيانة الدورية حتى الصيانة المجانية اللى ببلاش ( ودى بعملها فى ساعة بالكتير ) 2- مش عاوزة فحت وردم يعنى عاوزة مثلاً تاخد بالك منها فى المطبات والشوارع المكسرة عشان عفشتها بين اليابانى اللى ناعم و بيعيش بس ميديش ثبات قوى للعربية وبين الألمانى اللى ناشف شوية وبيعيش برضه وبيدى ثبات للعربية عفشتها تجمع ميزتين من اليابانى والألمانى ( النعومة والثبات ) بس مش بتعييش زيهم على فكرة لو حد بيسأل أنا مغير المساعدين ب koni ليه .........عشان أنا قبل كده كان كده كان كل عربياتى ألمانى و الميجان ثباتها هايل بس برضه الألمانى ألمانى........ غير كده عفشة العربية زى الفل غيرت فيها بارة دركسيون مرة وبس على كده مع العلم أنى عشان المساعدين الكونى مساعدنى شوية فتلاقينى بفحت و بردم فيها ptmnlo123per136
__________________
|
|
#15
10-10-2008, 07:14 PM
|
||||
|
||||
|
رد: التقرير الشامل للميجان 2008
شكرا يا أكرم على موضوعك الجميل و المرتب و مستنى تقريرك بعد 30 الف كم
__________________
شارك دافع عن أفكارك
|
|
| الكلمات الدليلية |
| ميجان 2008, رينو, رينو ميجان |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رجعنا تاني لمسابقه الياباني!!!!!!!!!!!! | hyundai2005 | اليابانى العام | 603 | 27-12-2012 06:29 AM |
| ..... 30 غيغا بايت لسباقات 2008 !!!!!!!!!!!! | SuMo | رياضة المحركات | 7 | 07-03-2009 05:23 PM |
| تحالف نيسان-رينو يعلن نتائج مبيعاته لعام 2008 | AbOnOrA | رينو RENAULT | 0 | 16-02-2009 10:38 AM |
| اسعار السيارات فى مصر شهر 2-2009 | MoSHaX | سوق السيارات المصرية | 6 | 13-02-2009 10:14 AM |
| اسعار السيارات من بعد شهر 6 -2008 | AbOnOrA | سوق السيارات المصرية | 55 | 12-02-2009 08:16 PM |
بس مع الوقت ال response بتاع الفتيس بيبقى أحسن
