بتحب السواقة بسرعة ؟؟

[drift]

انا بحب السرعة جدا جدا ونفسي اشارك بسباق انا عايز حاجة تنمي مهاراتي مش هينفع شغل الردارات والكلام دة هو الواحد علشان بيحب السرعة لازم يموت لازم يكون في سباقات شرعية علشان منعملش سباقات غير شرعية في الشوارع ودي المواقف الي حصلتلي بسبب السباقات الغير شرعية كان معايا سيارتي الجيلي mkكنت بسابق 2 صحابي الاولاني بيجو 206 كوبية والثاني هيونداي فيرنا وكنا علي طريق المطار طبعا عارفين ان طريق المطار فية منحنيات صعبة لا تؤخذ علي سرعات عالية وصلت سرعتي 197 وكانت البيجو206 كانت امامي تماما والفيرنا شمالي بالضبط يعني اي غلطة هنموت احنا الثلاتة ودخلين علي كرف صعب الفيرنا هدت السرعة وانسحب لان عربيتة مش ثابتة وكان في في الملف 4 سيارات مشيين سرعة 90 وان هديت لسرعة 160 خد اربع غرز ورا بعض في وقت واحد وفي منحني قاسي جدااا واوجي ب206 تزحف علي الاسفلت تفاديتة وانا سرعة 170 عربيتي اترفعت من ناحية اليمين وكانت هتتقلب بسسب غلطة صاحبي وكدة عرفت ان الواحد لو واثق في نفسة لاثم ان لم يثق بالاخرين لان مش كل الي علي الطريق سواقين ماهرين والسواقة ملهاش كبير لكن فيها مهارة عالية وصعبة جداا وعايزة تركيز وانا نفس اشارك في سباقات سرعة اوي

[AbOnOrA]

انت عندك حق يا دريفت لازم يكون فيه متنفس للرياضات ديه فى مصر بشكل او باخر

لكن الواقع سباقات سرعة هنا فى مصر مفيش

تراكات مفيش

مفيش عندك غير الاوتوكروس وده مش سباق سرعة بالمعنى
وعندك تراك الكارتينج

غير كده مفيش غير تراك المطبات الممتد على طول الطرق المصرية كلها

[esam_comm]

اولا السلام عليكم

ارجو منكم جمبعا ان تقبلوني معكم في هذا الموقع الشيق الجامد جداا
بالنسبه لي احسن موقع شوفته ممكن يكون علشان موضوع السيارات بيشدني وهو هوايتي الوحيده يعني انا لو قعدت احكي لكم علي علاقتي بالسيارات هاتستغربو واكيد هاتقولو اني مجنون بس اكيد كل اللي هنا بيحبو السيارات زيي واكتر كمان
طبعا انا اسف للاطاله ولكن لان ده يعتبر اول مشاركه ليا هاحكي لكم علي موقف حصل معاي اوانا عندي حوالي 16 سنه
والدي اشتري سياره شاهين موديل 98 زيرو يوم خميس استلامها وطبعا المرور يوم السبت روحت اخدت مفاتيح السياره من وراه والعربيه من غير نمر وانا ماعيش رخصه طبعا وروحت طالع الدائري ساعتها ماكنش كله اتفتح يعني في حارات شغاله وحارات مقفوله وتحويلات وشيء من هذا القبيل المهم اخذت انتيمي جنبي وهو اكبر مني بسنه وبيسوق برده وروحنا طالعين الدائري والهدف واحد طبعا تقفيل الامبير وفعلا مشيت بالعربيه 130 و140 واخر حاجه شوفتها كانت بين ال160 وال170 وفجاءه بلدوزر بيعدي الطريق بالعرض وقبل ماتستغربو كان في المفروض في نزله للقوميه العربيه والبلدوزر طالع منها عكس وبيعدي الطريق الناحيه التانيه المهم انا حاولت افاديه العربيه عامت مني وصحبي راح شادد الهاندبريك العربيه بقت تلف زي النحله انا مادوستش فرامل نزلت الهاند وحاولت اسيطر علي العربيه تاني بس كانت خلاص عدت بينا الرصيف اللي في النص وبقيت في الوش مع العربيات اللي جايه من الناحيه التانيه انا حاسس اني طولت هاكملكم في مشاركه تانيه معلش طولت عليكم

[محمد بدوى]

كفااااااااااااااااااااااي ةptmnlo123per115
حسستونى انى بسوق سواقة( عجل)ptmnlo123per145
العضو الجديد ده فيييييييين
هو بيضرب ويجرىptmnlo123per145
مستنى اسمع باقى افعالكم .. يا اشقيا

[mohamed ibiza]

موضوع جامد يا ابو نورا انا الايام دي متوسط سرعتي علي الدائري مبتقلش عن 140 و اخرها كان امبارح منور العالي و ماشي 140 و مقضيها غرز و ادي الصورة

و اقصي سرعة جبتها كان 170 بعربيتي علي الدائري برضه بس في اتجاه زهراء مدينة نصر كده بعد كارفور بكتير جبتها تحديدا في النفق الاول بعد كارفور المعادي

و عموما انا اهوي السرعة بجنون امبارح كنت ماشي في البحر الاعظم 100كم\ساعة بس الشارع كان فاضي طبعا احساس انك ماشي زي الطلقة و بتعدي من جنب العربيات في لمح البصر ده احساس ملوش حل بصراحة رغم انه خطر جدا علي الحياه يعني الصورة دي و انا باخدها جه في دماغي ان ممكن فرده تفرقع دلوقتي و لقيت نفسي بقول كل اللي يجيبه ربنا كويس و مكمل ههههه