المنطقة المخفية blind area

[m_o_sakr]

الف شكر للاستاذ هانى على الموضوع المفيد و الف شكر للاستاذ احمد على الشرح و الإضافه

[m_o_sakr]

المشاركة الأصلية كتبت بواسطة خالدخليفة اولا مشكور ياباشمهندس على الموضوع وثانيا انا حصلت لى واقعة طريفة بسبب المنطقة العمياء دى سواق تريللا مشافنيش رغم انى اديته انوار ولكاكسات قبل م اعدى من على شماله اتااريه كان بيحكى مع سواق تريللا جنبه وطبعا فوجىء انى معدى من جنبه راح خابط الشنطة وطير العربية دخلها ف بيت لكن الاعجب من كده انى بشوف بعض سواقين اللورى على الطرق السريعة ورغم ان مرايته اصلا طويله لكن علشان يتغلب على المنطقة العمياء دى حاطط فوقها مرايه واحيانا تحتها وفوقها مرايه يعنى عندة فى كل جنب 3 مرايات فوق بعض كل واحدة ليها زاوية مختلفة اما المراية الطويلة اللى فى الصالون هيا هيا نفس المشكلة لكن طبعا اخونا صاحب اقتراح مراية الصالون الطويلة واضح ان عربيته موديل قديم شوية لان العربيات الحديثة مراياتها بتكبر الصورة يعنى تعادل المرايه الطويلة ثم المرايه جوه العربية هيا هيا نفس الناتج وانا شخصيا فى الطرق السريع بظبط المرايه بحيث تجيب اكبر مساحة من الطرق لكن داخل المدن بظبط المرايه بحيث تجيب طرف الشنطة مع الطريق لان جوه المدن زحمة والعربيت بتمشى قريبة من بعضها جدا ثم ياااااااخوانى فين الاشارات وللاسف نحدش بيستعمل الاشارات رغم انها مهمة جداااااااا واللى بيستعملها بيستعملها غلط وانا عندى موضوع عن بعض القواعد والاخطاء المرورية المهمة لكن مش عرف اضيفه ازاى ارجوكم دلونى لعلها تكون فائدة او اانا استفيد من ردودكم واقتراحاتكم واشكركم

بص يل سيدى حتلاقى فى صفحه المنتدى الى عايز تضيف فيه الموضوع فوق على اليمين دوس عليها و حتجيبلك صفحه جديده تكتب فيها الموضوع بتاعك

[بدر بسيونى]

اشكرك كلنا وانا اولهم بعانى منها فعلا ساعات العربية اللى جنبك ماتبقاش شايفها فى المراية ولا بجنب عينك وفعلا بتسبب مشكلة

[aamas]

تحيه للاخ / هانى و الاخ / أحمد و شكرا جزيلا على هذه المعلومات الرائعة و عيد سعيد

[خالدخليفة]

موضوع المراية ده انا ليا وجهة نظر فيه بصفتى سقت فى معظم طرق مصر مش القاهرة بس اولا بالنسبة للعربيات الحديثة غالبا كلها مرايات كهربا و دى يسهل ظبطها حسب الطريق يعنى لو طريق زحمة زى وسط البلد فى القاهرة مثلا يبقى تعدل المرايات بحيث تبقى شايف المسافة بينك وبين السيارات اللى جنبك يمين وشمال يعنى شايف عربيتك والعربيات اللى حواليك لو على طريق سريع يبقى تظبط المرايات على زاوية قائمة 90 درجة زى مشفنا فى الفيلم وتبص فى المراية الداخلية والمراية اللى جهة الناحية اللى هتلف منها وزيادة فى الاحتياط تدى كلاكس نهارا او نور ليلا و ده امان اضافى فقط طبعا مع استعمال الاشارات قبل المكان اللى هتدخله بمسافة متقلش عن 50 متر ولو الطريق واقف يبقى قبلها بحوالى 20 متر لانك مفروض تاخد الناحية اللى هتلف منها من قبلها علشان متعطلش الطريق بالنسبة للسيارات القديمة هيبقى فى نوع من تكملة الصورة و ده محتاج تدريب شوية يعنى تظبط المرايات ال3 الداخلية واليمين والشمال بحيث الصورة تكمل بعضها وهنا تظبط المرايات الخارجية على زاوية 90 لو مسافر وعلى زاوية اقل شوية فى الزحمة مع مراعاة ان الصورة فى المرايات ال3 تكمل بعضها بحيث تبقى شايف الشارع كله بنسبة 95% وطبعا ال5% دى باقى الشارع وبالطبع ده هيكون بعيد الا لو شارع ضيق المهم وانت بتظبط مراياتك تظبطها بحيث الصورة تستوعب مساحة الشارع كله وراك لمسافة متقلش عن 30 او 20 متر وراك اشكركم وارجو انى اكون افدتكم