أفيدونى حفظكم الله...البطارية زهقتنى

[free horse]

السلام عليكم و رحمة الله و بركاته

عندى عرية هيونداى جيتز لسة بطاريتها فى الضمان و لو سبته يومين من غير ما تمشى بتنامو بما انى لسة بتعلم السواقة فده بيحصل كتيير ’ المهم هل الأفضل انى أغيرها فى التوكيل(ياريت يكون فى واحد غير الفى أبو رواش لأنى طبعا مش ممكن أسوق لحد هناك)
و لا اشترى بطارية جديدة على اعتبار ان بطارية التوكيل هتبقى صينى فأشترى أنا نوع أنضف

ربنا يخليكم يا أهل الخبرة لا تبخلوا على بالنصيحة

[samirayad]

هل جربت تأكد على نظافة القواطيش من الداخل

وصوابع البطاريه

بأستخدام حتة صنفره ناعمه

وتثبت القواطيش على الصوابع برباط جيد

وتعملك مشوار كويس لشحن البطاريه تانى


وهل قيست شحن الدينامو ولا لا ............؟

[eyeswizard]

و ممكن يكون من الكاسيت
زى ما حصل عندى قبل كده
الكاسيت اللى عندى من النوع اللى بيفضل منور علطول
و كنت لما اسيب العربيه يومين تلاته كانت البطاريه بتفضى
و طلع فى الاخر الكاسيت هو اللى فيه العيب بيسحب كهربه البطاريه

[محمود زيزوو]

تأكد من فعلا الراديو ومن قواطيش البطارية ووديها احسن التوكيل

[matars]

بص ياباشا ابو ناهية
البطرية دي لو مش جافةغيرها وهات جافة
ولو جافة او مش جافة بس على حالتها هتلاقي في مربع في لون
وتحت المربع تلات الوان كل لون بيبين حالة البطرية
سواء ابيض او اصفر او اسود وبتختلف الالوان من شركة لشركة
وربنا يكرمك وتقولنا الموضوع اتحل