النسر فارتا بطارية اكتر من سيئة و خدمة عملاء اكتر من منحطة

دول عالم مش مظبوطه وولدك طيب دول عايزين واحد يعاملهم بنفس المعامله واوسخ كمان وهو هيعرف ياخد حقه كويس والله لو تليفون صغير لاي حد معرفه في الشرطة كان اتحل كل الموقف ده

[maka]

المشاركة الأصلية كتبت بواسطة بدر بسيونى اولا قدر الله وماشاء فعل ومعلش واسمحلى انت اللى غلطان انك بتشجع صناعة بلدك ماله الكورى وماله الصينى واشترى دماغك

للاسف انا كان عندى ثقة كبيرة فى بطاريات النسر المصرية لكن دلوقتى المستورد يكسب

المشاركة الأصلية كتبت بواسطة فاطومه المصريه بموضوع حضرتك ناس كتير هتاخد بالها وحضرتك قول حسبى الله ونعم الوكيل عشان هما حراميه جدا

حسبى الله و نعم الوكيل , انا فعلا حبيت انبه الناس اللى مش عارفة زى ما انا كنت زيهم معرفش

المشاركة الأصلية كتبت بواسطة didos معروف الكلام ده من زمان عنهم

للاسف انا مكنتش اعرف و بقالى فترة كبيرة باستعمل النسر و بفضلها تماما عن كلورايد الغريمتها فى السوق المصرى

المشاركة الأصلية كتبت بواسطة ahmed1981 الحمد لله على كل حال مفيش داعي الواحد يحرق دمه على الفاضي الحمد لله يا باشمهندس هما بيخصموا كل شهر إستهلاك بنسبة يعني يتم قسمة تمن البطارية على 12 لو غيرتها بعد ستة أشهر تدفع نصف ثمنها الكلام ده صحيح فى حالة اذا كان العيب من شحن العربية او من النقط اللى ذكروها لكن نقطة عيب الصناعة رغم انهم كاتبنها فى ضمانهم بس مش معترفين بيها أخويا حصل معاه نفس المشكلة وشركة النسر خصموا منه إستهلاك ستة أشهر وأخذوا منه 180 جنيه وأعطوه واحد جديدة وكان هذا آخر علاقتنا بشركة النسر للبطاريات ربنا يعوض عليه خير باذن الله و باذن الله دى اخر علاقتى بشركة النسر لكن هو لسه في حد بيشتري بطاريات نسر ؟؟ خلاص زمانها راح وأصبحت سلعة تعبانة أنا مقاطعها من زمان ولم أعد أستخدم إلا بطاريات إيه سي دلكو AC DELCO السعودي ممتازة جداً تعيش سنتين مرتاح جداً مستخدم منها حتى الآن حوالي سبع بطاريات في سيارات مختلفة ولم يحدث في واحدة منهم أي مشكله وكمان جافة لا بتدلق حامض ياكل حديد السيارة ولا تبهدل القواطيش وضمانها سنة إستبدال وليس خصم مثل النسر والبطارية الوحيدة التي يكون مسجل عليها بوضوح تاريخ الإنتاج وكيلها منصور شيفورليه تقريباً انا بالفعل نويت عليها و خصوصا انى محتاج بطارية للعربية التانية لكن سالت عليها فى تجمع محلات البطاريات و الكاوتش فى المنيب ملقتهاش للاسف و ملقتش غير نوعين نوع اسمه استون و نوع تانى مش فاكر اسمه ولاقيت المصرى كلوريد جافة أنا شايف أنواع كثيرة أخرى كوري مالية البلد لكن سمعت إن بعضها صيني مضروب انا كنت جربت نوع اسمه بلاتنيم و عاش سنة و شوية لكن ملقتهاش تانى و هى كانت سايلة متقفلة يعنى تهزها تسمع صوت المياه بداخلها و كاتلوجها بيقول ممكن تزويدها من خلال العين بتاعتها المهم كان والد حضرتك أخذ البطارية البايظة منهم وراح إشترى بطارية جديدة AC Delco وباع لهم القديمة أوفر من اللي حصل لكن الحمد لله

الحمد لله هو للاسف اثر السلام مع ناس متستحقوش

[maka]

المشاركة الأصلية كتبت بواسطة hazem_khidr البطاريه النسر فارتا بطاريه ممتازه و كانت بتعيش في ال 125 لمده اربع سنوات و اخر بطاريه شاريها من تلات سنوات لعربيه واحد قريبي نسر فارتا برضه لسه ضاربه من كام اسبوع انا اخر بطاريتان نسر قبل بتاعت المشكلة واحدة قعدت سنة و شهرين و التانية سنة و 3 شهور و شوية النسر فارتا طول عمرها بطايه محترمه و مش معني وجودعيب في بطاريه تبقي جميع البطاريات وحشه. يا باشا لو هى بطارية محترمة و خدمة عملائها غير محترمة يبقى بنقص منها لانهم بيهدوا سمعة شركاتهم للاسف معظم الموجود من الديلكو اليومين دول متخزن من سنه 2009 وحتي تجار البطاريات في الغالي لا ينصحوا بها و ينصحوا بانواع كوري افضل و بالضمان ايضا كورى زى ايه يا باشا مش اي عربيه ينفع معاها البطاريه الجافه لان البطاريه الجافه عاوزه عربيه تكون صح و مضبوطه يعني الدينامو سليم و المارش كذلك ة الضفيره سليمه و دا كله لا يتوافر الا في الموديلات الحديثه

فعلا , بس ساعات بينفع انا مشيت فترة كبيرة ببطارية جافة فى عربية فيورا

المشاركة الأصلية كتبت بواسطة corsair دول عالم مش مظبوطه وولدك طيب دول عايزين واحد يعاملهم بنفس المعامله واوسخ كمان وهو هيعرف ياخد حقه كويس والله لو تليفون صغير لاي حد معرفه في الشرطة كان اتحل كل الموقف ده

للاسف هو حب يريح دماغه رغم انى زعلت منه فى اللى هو عامله لانى كنت جابت بطارية تانية و خدت دى طلعت بيها على حماية المستهلك

[Good09]

اذا لا للنسر فارتا

[اسد]

حصل معايا نفس الفيلم وعرفت ان فى تربيطات بين الوكيل والمحلات لان بطاريات النسر بقت كلها بايظة لذلك اتفق الوكيل مع المحلات التعبانة زى المحل التعبان اللى انا اشتريت منه فى شارع دمنهور بميدان الجامع فى مصر الجديدة ايه الاتفاق ؟
الوكيل يبيع للمحل بتخفيض كبير لتصريف الانتاج اللى بقى كله بايظ مقابل ان البطاريات البايظة لايستلمها المحل وانما يبعت الزبون للوكيل يقوم الوكيل يستلم الزبون ويدفعه فى حدود ال 100 جنيه عشان يعوض التخفيض اللى خده المحل ويلبس الزبون بطارية جديدة بايظة وياخد منه كمان 100 جنيه والبطارية تبوظ بعد شوية ويتكرر الموضوع وبكدة الكل كسبان جدا على حساب الزبون اللى هيفضل يدفع كل 6 شهور 100 جنيه ويضمن الوكيل انه هيفضل يحلب فى الزبون تحت وهم ان البطارية فى الضمان الحل للى اشترى النسر يعتبرها بدون ضمان ولما تبوظ احسن له يشترى بطارية كورى جافة ب 300 جنيه ويبيع النسر ب 50 جنيه يبقى كسب بطارية جافة مستوردة ب 250 جنيه تعيش معاه 3 سنين على الاقل مادام البلد كلها بقت مافيا وملهاش كبير